JINI WA KUZIMU - 4

 

Simulizi : Jini Wa Kuzimu

Simulizi : Safari Ya Kuzimu

Sehemu Ya Nne (4)






Mama Nyamizi aliingia ndani ya gari huku
akilia kwa kwikwi. Alijikuta akiujutia uamuzi
wao wa kumpeleka binti yao kwa mganga wa
kienyeji. Mzee Angu naye alikuwa akifungua
mlango wa gari akahisi mkono wa mtu
ukimgusa begani. Alipogeuka alipigwa na
butwaa baada ya kumuona Dr,Kisonoko
amesimama nyuma yake. Akajikuta
akitetemeka kwa woga na wasiwasi wa hali ya

CHANZO:  https://deusdeditmahunda.blogspot.com/
juu.
SASA ENDELEA......
Alijikaza kiume na kutoa kauli.
“wewe ni nani?”
“we una onaje?”
“mganga amekwisha kufa. Tena nimeshuhudia
kwa macho yangu” alisema mzee Angumbisye
huku akiwa na wasiwasi.
“mimi ni Dr. kisonoko”
“sawa. Kama wewe ni Dr.kisonoko, niambie
binti yangu yuko wapi?”
“unataka kujua alipo mtoto wako sio?”
“ndio”
“nifuate ndani” alisema mganga huku
akielekea ndani. Mzee Angumbisye alipumua
kwa nguvu huku akitafakari cha kufanya.
Alipiga moyo konde na kumfuata mganga.
Alipofika ndani mganga alimtaka aje na mke
wake. Mama nyamizi hakuwa anajua nje ya
gari kulikuwa kunaendelea nini.
Alichokifahamu yeye kwa wakati ule kilikuwa
ni kutoa machozi tu. Mzee Angu alimchukua
mke wake na kuingia nae ndani kwa mganga.
Mama Nyamizi alipokutana na sura ya
mganga alidondoka na kupoteza fahamu.
# * # * #
Kwa upande wa Mganga Ngoma moshi
uliendelea kufuka kwenye kile chungu. Ile
sauti iliyokuwa ikikwaruza ilisika ikiongea
“kijana wenu anamchumba anaitwa Husna. Au
sio?”
“ni kweli, lakini sisi hatumkubali” Alisema
mzee Shabani.
“kwanini?”
“kwasababu yupo mchumba ambaye
tumemtafutia sisi na tunamfahamu kiundani
kuliko huyo Husna”
“sasa basi, ili kijana wenu apone ni lazima

CHANZO:  https://deusdeditmahunda.blogspot.com/
mkubali amuoe Husna”
“inamana hakuna njia nyingine mbadala?”
“hiyo ni amri. Vinginevyo mnaweza
kumchukua kijana wenu na kuondoka nae”
“sawa mkuu tumekubali” mzee Shabani na
mkewake walijikuta wakijibu kwa pamoja.
“mmekubali?’
“ndio”
“basi kazi imekwisha. Hivyo inabidi
tumsafirishe kijana wenu leo hii akaonane na
wazazi wa huyo binti”.
“sasa itawezekanaje, wakati hali yake ndiyo
kama unavyoiona?”
“hilo sio tatizo. Akishaondoka tu haliyake
itakuwa nzuri, na atafika huko akiwa bukheri
wa afya”.
“sasa wazazi wa huyo binti wanaishi wapi?
“KUZIMU”
“kuzimu….! Unamaana gani mganga?”. alihoji
mzee Shabani kwa mshangao.
“namaanisha kuzimu sehemu wanayoishi
mizimu na wafu”
“haiwezekani. Kijana wangu hawezi kuoa mfu”
“Husna sio mfu”
“kumbe ni nani?”
“Husna ni Jini”
“kwahiyo kijana wangu amuoe jini?
haiwezekani”
“unamtaka kijana wako au humtaki?”
“namtaka na nampenda, ndiomana sitaki aoe
jini”
Mzee Shabani aliendelea kuwa na msimamo,
lakini mganga naye alijitahidi kutumia
maneno ya kumlainisha. Alimueleza kuwa
majini sio viumbe wabaya kwa binadamu.
Isipokuwa watu wanashindwa kutofautisha
kati ya majini na mashetani. Mashetani ndio
viumbe wabaya na walioahidiwa moto na
Mwenyezi Mungu siku ya hukumu. Lakini
majini ni viumbe kama walivyo binadamu. Upo
uwezekano wa kuishi pamoja pasipo kuona
tofauti yoyote. Aliwaambia kuwa hata Yasini
angewezaweza kumuoa Husna na kusiwe na
tatizo lolote. Akamalizia kuwa endapo
wangepingana na maamuzi hayo kijana wao
angepoteza maisha.
“mnakubali kumpoteza kijana wenu kizembe
zembe?” Dr. Ngoma alihoji
“hapana mtaalamu”
“kwahiyo mnasemaje?”
“hatuna jinsi. Tumekubali”
“kazi imekwisha. Sasa tumuandae kijana kwa
SAFARI YA KUZIMU”
“kwahiyo atakwenda na usafiri gani?”
“tunakwenda naye hadi mzimuni, hapo ndipo
safari yake itakapoanzia” Mganga alifafanua.

CHANZO:  https://deusdeditmahunda.blogspot.com/
Baada ya maongezi hayo ule moshi wa
kwenye chungu uliongezeka na kusababisha
kiza kinene kutanda mle chumbani. Hakuna
hata mmoja aliyeweza kumuona mwenzake
kutokana na kiza kilichokuwa kimetanda.
Baada ya muda kidogo moshi ule unapungua
na kiza taratiibu kinaanza kutoweka. Nuru ya
jua inaangaza na watu wanaonana. Mazingira
waliyokuwepo ni tofauti nay ale ya nyumbani
kwa mganga. Walikuwa katikati ya msitu
mnene wameketi chini ya mti mkubwa
uliokuwa umefungwa vitambaa vyekundu
kwenye shina.
Dr. alifunika kile chungu kasha akaingiza
mkono kwenye kikapu na kutoa kibuyu kidogo
ambacho alianza kukipuliza. Kibuyu kile
kilitoa sauti mithili ya firimbi. watu wote
walikuwa kimya wakimuangalia mganga.
Upepo mkali ulianza kuvuma na kuyumbisha
miti huku na kule. Alitokea nyoka mkubwa
sana aliyejiburuza kuelekea pale walipokuwa
wamekaa. Mgongoni mwa nyoka kulikuwa na
mtu amekaa mithili ya mwendesha farasi. Mtu
Yule alikuwa ni mwanamke mweupe mno,
nyelezake nyeupe zilining’inia hadi kwenye
mabega, mikononi alikuwa na kucha ndefu
kuliko kawaida, macho yake makubwa
yaling’aa kama macho yap aka. Kiunoni
alikuwa amejifunga shuka jekundu
lililoburuzika hadi chini kiasi cha kutoruhusu
miguu kuonekana.
Nyoka aliyekuwa amembeba mtu Yule
alisimama hatua chache kutokea pale
walipokuwa wamekaa. Yule mtu mweupe
aliteremka na kuwasogelea taratibu. Mganga
na wafuasi wake walipiga magoti na
kuinamisha vichwa vyao chini. Mtu mweupe
alifika na kuwashika vichwa mmoja badala ya
mwingine. alipomaliza alikwenda kwa Yasini
na kumpaka vitu vyeusi usoni. Akafungua
kibuyu cha mganga Ngoma na kutoa dawa
ambazo aliwapaka mzee Shabani na
mkewake. Dwa ile ilisemekana kuwa ilikuwa ni
ya kuwaondoa hali ya woga.
Baada ya hatua za shughuli za hapa na pale
walitokea watu wafupi na weusi wengi mno.
Watu wale walikuwa wamebeba jeneza.
Walikwenda hadi pale chini ya mti na
kumbeba Yasini na kumtumbukiza ndani ya
Jeneza. Mtu mweupe alitangulia mbele na
watu wote wakaanza kumfuata. Walifika
sehemu iliyokuwa na shimo kama la kuzikia.
Walitumbukiza jeneza lile na kuanza kulifukia.
Baada ya dakika kadhaa Yasini alikuwa
amekwishazikwa akiwa hai…
CHANZO:  https://deusdeditmahunda.blogspot.com/
Baada ya mazishi ya Yasini watu wote
walirejea pale chini ya mti mkubwa isipokuwa
wale watu wafupi walipotea palepale
walipomaliza kufukia kaburi. Mtu mweupe
aliwaambia kuwa walitakiwa warudi pale siku
ya saba ili kuja kumpokea kijana wao akiwa
mzima wa afya. Baada ya maneno yale
alianza kuzungumza na mganga Ngoma kwa
lugha ya kiganga kasha mtu Yule alipanda
kwenye nyoka wake na kutoweka kwa mwendo
wa kasi mno. Mganga alifunua chungu chake
nacho kama kawaida kilianza kutoa moshi
mzito uliosababisha kiza kinene.
#*#*#
Kwa upande wa Dr. Kisonoko Mama nyamizi
fahamu zilimrejea. Alipofumbua macho
alikutana uso kwa uso na Dr. Kisonoko.
Hakuweza kuamini kilichokuwa kikiendelea
mle ndani, mambo yote yaliyotokea aliyaona
ni kama ndoto. Alichokuwa akikiamini ni kuwa
binti yake pamoja na Mganga wamekufa
kwenye maji na kuliwa na samaki wa baharini.
Akajikuta akimuogopa na kumkumbatia mume
wake kwa wasiwasi. Hata hivyo mganga
alijitahidi kuwatoa hofu.
“Hamna sababu ya kuniogopa mimi ni Dr.
kisonoko yuleyule mnayemfahamu” alisema
mganga.
“Na yule aliyekufa kule baharini ni nani?”
mzee Angumbisye alihoji.
“ni mimi…. Lakini sikuwa nimekufa. Samaki
aliyekula mwili wangu alikuwa ni mzimu
ambao ndio uliniokoa na kunirudisha
nyumbani”.
”kwahiyo binti yetu ndio amekwishakufa?”
“hapana binti yenu yupo hai”
“yuko wapi?”
“Kwa bahati mbaya amechukuliwa na jini
ambaye tulipanga kwenda kumuangamiza”
“kwahiyo unampango gani?”
“ondoeni wasiwasi. Mimi ndio Dr. Kisonoko
hakuna linalonishinda kirahisi kama hili”
“wacha masihara Dr. bado tunamhitaji binti
yetu”
“kwahiyo hamniamini au?”
“Tunakuamini, lakini hatukuelewi”
“najua mtanielewa. Ila tunajiandaa sasahivi
kuelekea GAMBUSHI, huko tutaweza kufika
kuzimu ambako Nyamizi amefichwa”. Yale
maneno hayakuingia kabisa akilini mwa mzee
Angumbisye. Aliyaona ni kama mchezo wa
kuigiza. Hata hivyo alijipa moyo na
kukubaliana na mganga kwasababu
alimshuhudia akiliwa na samaki lakini
anamuona mbele ya macho yake. Kwahiyo
alitegemea muujiza mwengine ungetokea kwa

CHANZO:  https://deusdeditmahunda.blogspot.com/
mtoto wake.
Saa kumi na mbili asubuhi walikuwa ndani ya
basi la AIR BUS lililokuwa likielekea mjini
Shinyanga. Kwenye mida ya saa tano usiku
walikuwa wamekwishaingia Shinyanga mjini.
Safari ilikuwa ndefu sana kutokana na basi
kubata hitilafu njiani. Walilazimika kulala
kwenye hoteli moja maarufu mjini pale
liyokuwa ikifahamika kama STAFF IN HOTELL
hadi kesho yake ndipo waendelee na safari.
Waliamka saa kumi na moja asubuhi na
kujiandaa kwa safari ya kuelekea Gambushi
kijiji kilichosifika kwa uchawi. Lakini
walipotoka nje hawakuamini kilichokuwa
kikiendelea. Walikuwa wamesimama nje ya
hoteli moja iliyokuwepo Raskazoni mjini
Tanga maarufu kama MKONGE HOTEL.
“Shit…” alitamka mzee Angumbisye na
kuelekea mapokezi. Alimkuta dada akiendelea
na shughuli zake za kikazi akamsemesha,
“samahani binti”
“bila ya samahani mzee wangu”
“hivi hii ni hotel gani na ipo mkoa gani?”
“ni MKONGE HOTELL na hapa ni mkoani
Tanga” msichana yula alijibu huku akuwa
ndani ya mshangao. Maneno yale
yalimchanganya sana mzee Angumbisye.
Alipumua kwa nguvu huku akikuna kichwa
asijue ni kitu gani kilikuwa kikiendelea. Aliinua
macho na kumtazama yule dada ambaye
alionekana bado akimshangaa.
“kwani vipi mzee” msichana yule alihoji
“ah….aa..h…usijali” alijibu na kuondoka
kuelekea walipo wenzake.
Alipofika nje aliwakuta wenzake nao bado
wakiwa katika hali ya mshangao. Mzee
Angumbisye aliwagutusha kwa kuwasemesha.
“vipi Mganga ni kitu gani kinaendelea hapa?”
“mambo ndio kama unavyoyaona” mganga
alijibu.
“sasa tunafanyaje?” mama Nyamizi alidakia
“mambo ni magumu.. inabidi turudi Pangani
tukajipange upya” mganga alijibu kwa ufupi.
Mzee angumbisye na mkewake hawakuwa na
la kusema kwasababu maji wamekwisha
yavulia nguo hivyo hawana budi kuyaoga.
Walikuwa tayari kufanya jambo lolote ambalo
lingekuwa ni chanzo cho kupatikana kwa binti
yao. Waliamini kuwa uwongo wa mganga ni
nafuu kwa mgonjwa.
Walichukua kibasi kilichowapeleka hadi stendi
ya mabasi ambako waliingia kwenye basi la
Rahaleo iliyokuwa ikielekea pangani. Dr.
kisonoko alikuwa amekaa siti moja na mzee
wa makamo. Kabla basi halijaanza safari yule
mzee alimsemesha Dr.Kisonoko.

CHANZO:  https://deusdeditmahunda.blogspot.com/-
“ kijana poleni sana kwa safari” maneno yale
yalionekana kumkera mganga kisonoko, hivyo
aliamua kugeuzia shingo dirishani na
kumpuuza.
“kijana najua upo katika wakati mgumu na
mimi nimekuja kukusaidia” alisema yule
kikongwe na kumfanya Dr. kisonoko kushtuka
na kugeuza shingo kumtazama kwa makini.
Na kujikuta akimhoji.
“kwani wewe ni nani?”
“mimi ni mwanakijiji wa Gambushi. Wakuu
wamechukizwa na ujio wako na wageni pasipo
kuwafahamisha” alisema maneno hayo na
kukohoa kisha akameza mate na kuendelea
kuongea.
“hivyo basi ili wewe na wageni wako muweze
kuingia pale inabidi mtoe kafara la kondoo
watatu. Tena shughuli zote za kutoa kafara
zifanyike pale hotelini mlipolala jana”
alimaliza yule kikongwe na kushika fimbo
yake kutaka kuondoka.
“sasa mzee…..” Dr. alitaka kuongea kitu lakini
alichelewa kwani yule kikongwe alitoweka
ghafla. Akawaambia wenzake wateremke na
kurejea hotelini walikolala. Suala lile
lilimchukiza sana mzee Angumbisye na kutaka
kuongea kitu kwa hasira lakini mkewake
alimtuliza.
Dr. aliwatuma vijana wake kwenye soko la
Tangamano kwenda kununua kondoo wa
kafara. Akaingia chumbani kwake kwaajili ya
maandalizi ya kutoa kafara, lakini alichokiona
baada ya kufungua mkoba wake wa uganga
alitamani kufa. Vibuyu vyake vyote vya
uganga vilikuwa vimebadilika na kuwa vifuu
vya nazi……



Alipokuwa akiendelea kushangaa akahisi mtu
anamshika kwenye bega. Alipogeuka alimkuta
yule kikongwe wa kwenye basi amesimama
nyuma yake. Safari hii alionekana amekasirika
sana.
“hadi sasa mizimu imekasirika kwa kutakaka
kupeleka binadamu wa kawaida katika himaya
ya GAMBUSHI. Unafahamu wazi wanaofika
kule ni wafu, wachawi,na mizimu. Au hijui
hilo?” alihoji yule mzee kwa hasira.
“najua babu, lakini hawa watu wana matatizo
na huko ndiko pekee kwenye msaada” alijibu
Dr kisonoko kwa upole.
“sawa lakini tatizo lako ni kutokutoa taarifa
kwa wazee”
“basi mzee naomba msaada wako”
“nitakusaidia. Ila kwa masharti”
“sawa mzee wangu”
“utakapomaliza kutoa kafara, utatangulia

CHANZO:  https://deusdeditmahunda.blogspot.com/
wewe kwenda Gambusi, na wengine watakuja
nyumayako” alizungumza yule mzee na kutoa
kicheko kwa sauti.
“lakini babu, zana zangu zimebadilika na
kuwa vifuu vya nazi”
“hilo sio tatizo. mabo yatakuwa mazuri.
Nakutakia kazi njema” alisema mzee na
kutoweka machoni kwa mganga. Mganga
alipumua kwa nguvu mithili ya mtu aliyetoka
kubeba mzigo mzito. Aliusogelea mkoba wake
na kuufungua. Hakuyaamini macho yake,
vibuyu vyake vilikuwa vimerudi katika hali ya
kawaida. Alijawa na furaha isiyo kifani. Mara
alisikia mlango unagongwa. Akafungua na
kuwakuta vijana wake mlangoni. Walimueleza
kuwa tayari wamekwisha leta kondoo.
Dr aliwaita mzee Angumbisye pamoja na
mkewake ambao muda wote huo walikuwa nje
wakitafakari mambo yanayowatokea.
Walipofika Dr. kisonoko alianza manjonjo yake
ya kiganga. Aliwasha udi na kuzungumza
maneno ya kiganga. Baada ya muda mfupi
hali ya hewa nje ilianza kubadilika. Wingu
nene lilitanda, radi ikiambatana na ngurumo
zilimulika, upepo mkali ulivuma. Kutokana na
hali hiyo watu wote waliokuwa wamepanga
hotelini pale walijifungia vyumbani mwao.
Hapakuwepo na hata mtu mmoja
aliyeonekana nje ya jengo lile. Dr. kisonoko
aliitumia nafasi ile kutoa kafara.
Walikwenda ufukweni mwa bahari na
kuchimba shimo lenye urefu wa kama futi
tano. Waliwavisha wale kondoo vitambaa
vichwani. Mmoja alifungwa kitambaa cheupe,
wa pili kitambaa cheusi, na wa tatu kitambaa
chekundu. Wakawatumbukiza ndani ya lile. Dr
kisonoko alivua nguo zote na kubaki kama
alivyozaliwa kisha akaingia kwenye shimo na
kuwashika vichwani wale kondoo. Alianza
kutabana kwa lugha ya kiganga. Hali ya hewa
nayo ilizidi kuwa mbaya, mawingu yalizidi
kuwa meusi. Ilikuwa ni saa tano asubuhi lakini
kiza kilifanya kuonekane kama saa nane za
usiku. Mwanga wa radi ndio uliwasaidia
kuona walichokuwa wakikifanya.
@*@*@
Yasini alifumbua macho na kukumbana na
giza nene. Hakuelewa alikuwa wapi na nini
kilikuwa kinaendelea. Alitulia kama dakika
tatu akijaribu kutafakari alipokuwa lakini
hakupata jibu. Akaamua kusimaa lakini
alishindwa kwasababu alijigonga na
kurudisha kichwa chake. Alinyoosha mkono
wake wa kulia lakini hakufanikiwa kwani
alijigonga. Mkono wa kushoto nao ulikuwa
vilevile. Hapo ndipo alipogundua kuwa alikuwa
amelala ndani ya kitu kilichofanana na boksi.
Alijaribu kuvuta kumbukumbu jinsi alivyoingia
ndani ya lile boksi lakini kumbukumbu

CHANZO:  https://deusdeditmahunda.blogspot.com/
hazikuja. Akanyoosha mikono yake na
kusukuma kwa nguvu upande wa juu ya lile
boksi, mara mwanga mkali ukampiga
machoni. Mfuniko wa lile boksi ulifunuka
hivyo alitoka haraka sana na kusimama
pembeni.Loo! kumbe alikuwa amelala ndani
ya jeneza. Macho yalimtoka mithili ya chura
mzee. Pumzi zikamjaa na kuanza kupumua
kwa harakaharaka.
Sauti kali za paka zilizotokea nyuma yake
zilimshitua na kumfanya ageuke. Walikuwa ni
paka wengi weusi waliokuwa na macho makali
kama tochi ya muwindaji. Wote walikuwa
wakimkodolea macho yasini. Walinyamaza
ghafla baada ya Yasini kuwageukia. Alitokea
paka mmoja ambaye yeye pekeyake ndiye
aliyekuwa na rangi nyeupe. Alitembea
kuelekea pale alipokuwa amesimama. Yasini
alivyogeuka nyuma lile jeneza halikuwepo.
Hakutaka kuwaza mara mbili, alitimua mbio
ns wale paka nao walimuunganishia na
kumfukuza. Kila alivyojitahidi kuongeza
mwendo paka nao waliongeza. Yasini akaona
huo ndio ulikuwa mwisho wa maisha yake.
Hakuweza kuamini macho yake baada ya
kugeuka nyuma kuwaangalia wale paka.
Hapakuwepo na hata paka mmoja. Alishindwa
kuelewa jinsi paka wale walivyokuwa na spidi
kushindwa kumfikia. Alipohakikisha kuwa
amewapoteza kabisa alipunguza mwendo.
Alikuwa amechoka sana. Akakutana na
msichana mmoja aliyekuwa akitembea
mwendo wa kukazana, akamuomba msada.
“naomba unisaidie dada” aliongea Yasini
huku akihema mfurulizo
“vipi unatatizo gani kaka?”
“paka”
“Paka!... wana nini?”
“wananikimbiza”
“wewe ni mgeni hapa?”
“mgeni! Kwani hapa ni wapi?” baada ya
Yasini kuhoji swali hili, yule dada alianza
kucheka
kicheko cha kebehi. Alifungua pochi yake na
kutoa kitu kama sarafu na kumkabidhi Yasini.
“Chukua hii”
“nini?”
“chukua itakulinda” Yasini alinyoosha mkono
kutaka kuchukua lakini kwa bahati mbaya
ilidondoka chini. Wakati yasini anainama
kutaka kuokota ile sarafu alijikuta akitamani
kuzimia. Miguu ya yule msichana ilikuwa ni
kwato za ng’ombe. Yasini alipoiona hali ile
aliiacha ile pete na kutimua mbio akimuacha
yule dada akicheka kwa sauti. Alipoona
amtefika mbali na hakukuwa na mtu
aliyemfuata akasimama huku akihema mara
mbilimbili. Hakuweza kuamini kama
amefanikiwa kumtoka yule mtu aliyekuwa na
kwato miguuni.

CHANZO:  https://deusdeditmahunda.blogspot.com/--
Kitu kilichokuwa kikizidi kumchanganya ni
kuwa hakuwa anajua pale alipo ni wapi.
Mandhali yale hakuwa anayafahamu kabisa.
Hivyo alijikuta akikosa muelekeo maalum.
Hakuwa anajua anakoelekea wala anakotokea.
Kwa bahati nzuri alitokea mtu na baiskeli.
Ikambidi kuomba lifti kuelekea kule yule mtu
alikokuwa anaelekea pengine angeweza
kupata msaada. Yule mwendesha baiskeli
alimpakia Yasini bila hiyana wala kinyongo.
Yasini alitulia kwenye baiskeli utadhani
alikuwa ana fahamu alipokuwa akielekea.
Hakuona sababu ya kuvumilia hivyo ilimbidi
kuhoji.
“samahani ndugu naomba kuuliza?”
“bila samahani kijana uliza tu”
“hivi hapa ni wapi?”
“kwani we umefikaje hapa?”
“kwakweli sifahamu. Nimejikuta tu niko hapa
na kukumbana na vituko mbalimbali. Hivi
ninavyokwambia nimekutana na mtu ana
kwato miguuni”
“kwato?”
“ndiyo, tena kwato za ng’ombe”
“kama hizi” yule mtu aliinua miguu yake na
kumuonesha Yasini miguu yake iliyokuwa na
Kwato.
kama yule msichana aliyekuwa
anamzungumzia. Yasini hakusubiri kitu bali
aliruka kutoka kwenye baiskeli na kutimua
mbio. Alijiona ni mtu mwenye mkosi siku hiyo.
Alitamani kupata msaada lakini hapakuwepo
na mtu wa kumsaidia. Hakuwa na imani tena
na mtu yeyote yule. Aliendelea kukimbia bila
kujua alikokuwa anaelekea.
Kwa bahati aliuona msikiti na watu wakiwa
wanajitoharisha kwa kuswali. Alifika pale na
kusimama huku akihema kama mbwa
aliyeokoka mikononi mwa chatu. Kila mtu
alikuwa bize kujiandaa na swala. Akawaona
hao ndio watu pekee wa kumsaidia. Hivyo
naye alinawa na kuingia msikitini. Baada ya
ibada alisimama na kutoa salamu kisha
akaongea kwa sauti.
maneno yaliwafanya waumini wote kutulia na
kumsikiliza kwa makini.
“kwajina ninaitwa Yasini Shabani. Nimefika
katika kijiji hiki pasipo kujitambua. Pili
nimekuwa nikikumbana na mambo ya kutisha
sana” alisema Yasini
“mambogani ambayo anakutisha wewe?”
alihoji mmoja wa waumini wale
“kwakweli yanatisha mno. Naogopa hata
kuyasimulia”
“sasa tutakusaidiaje?”
“hadi sasa nimeshakutana na watu wawili
wenye kwato za ng’ombe miguuni”
“kamahizi” wale waumini waliinua miguu yao
iliyokuwa na kwato na kumuonesha Yasini.
Alipotaka kukimbia mlango ulijifunga na wale
waumini wakaanza kucheka kwa dharau.

CHANZO:  https://deusdeditmahunda.blogspot.com/
Yasini alibaki amesimama akitetemeka kwa
woga. Ghafla waumini waligeuka paka weusi.
Akawakumbuka wale paka aliowakimbia muda
mfupi uliopita. Mara yule paka mweupe
alijitokeza na kumsogelea tena. Aliongezeka
ukubwa kila alipopiga hatua. Hadi
alipomkaribia Yasini alikuwa na ukubwa wa
mbuzi lakini kichwa chake kilikuwa cha
binadamu. Hakuwa na la kufanya zaidi ya
kusubiria kifo. Aliwakumbuka sana wazazi
wake, akatamani wangeshuhudia kifo chake
lakini haikuwa hivyo alikuwa anakufa
pekeyake. Yule paka mtu alianza kucheka kwa
dharau kisha akamsemesha yasini.
“unajifanya unajua kukimbia sio?..... kimbia
sasa” alizungumza yule paka mtu...



“siwezi kuwakimbia kwasababu siwaogopi.
Ninamuogopa Mungu pekeyake” Yasini alijibu
kwa
jazba akiamini kuwa hata kama akiwa mpole
hawezi kupona, ni lazima angekufa tu. Majibu
ya Yasini yalimchukiza sana Paka mtu.
“unajifanya unakiburi sio?”
“sijui”
“sasa subiri.....utakiona chamoto” wakati
Yasini akisubiri hiko chamoto alichoahidiwa
na Paka mtu, radi ilipiga na kumfanya Yasini
kufumba macho. Alipofumbua hakuyaamini
macho yake. Alikuwa amesimama nje ya ule
msikiti na wale paka wote wakiwa pembeni
wamekufa. Lakini yule paka mwenye kichwa
cha binadamu alionekana yupo hai ingawa
haliyake ilikuwa mbaya sana huku damu
nyingi zilikuwa zimejaa mwilini mwake.
Alijitutumua na kutoa kauli kwa Yasini.
“bahati yako” baada ya maneno hayo yeye
pamoja na wale wenzie waliokuwa wamelala
pale chini wakatoweka. Yasini alibaki
ameduwaa asijue nini kinaendelea maeneo
yale. Hakuwa anajua baada ya pale
angeelekea wapi.
Alikuja njiwa mweupe na kutua begani mwa
Yasini. Alipogeuza shingo kumtazama yule
njiwa alikimbia. Alimtazama alivyokuwa
akipaa hadi alipotua kwenye tawi la mti mrefu
uliokuwa jirani na pale alipokuwa
amesimama. Alishusha macho yake na
kuangalia pande zote kuhakikisha usalama
wake kisha akayarudisha juu ya mti
kumuangalia tena yule njiwa. Alimuona
msichana amesimama kwenye lile tawi
alilokuwa ametua njiwa. Moyo ukampasuka na
kuhisi kuwa tayari kituko kingine kilikuwa
kikimkaribia. Lakini alipomtazama vizuri
alibaini kuwa alikuwa ni Husna. Matumaini ya
kuendelea kuishi yalimrejea tena kwani alijua
jinsi Husna alivyokuwa na uwezo wa
kupambana na vituko kama vile. Akanyoosha
mkono na kumuita aje kumpa msaada.
“Husna njoo mpenzi nahitaji msaada wako”
alisema Yasini huku ameinua mkono kumtaka
Husna ateremke. Husna aliinua mikono yake
na kupaa hadi pale alipokuwa amesimama
Yasini.
“pole sana Yasini nimesikia kilio chako, upo
salama sasa hakuna tena kitakachokusumb
ua” alisema maneno hayo Husna huku
amemshika Yasini mabegani.
“samahani sana kwa kuchelewa kukupokea.
Nilipata dharura” alisema Husna
“kwani vipi Husna mbona sielewi
kinachoendelea?”
“usijali, najua huu mji huufahamu kwasababu
hujawahi kufika. Sasa inabidi nikufahamishe
upo
wapi na umekuja kufanya nini” aliongea
Husna huku akiwa bado amemshika Yasini
mabegani. Yasini alimtazama Husna usoni na
kisha akameza funda la mate. Alikuwa na
hamu kubwa ya kutaka kujua kilichokuwa

CHANZO:  https://deusdeditmahunda.blogspot.com/
kikiendelea. Husna alivuta pumzi na kuzutoa
nje kwa nguvu.
@*@*@
Dr.Kisonoko alibaki ndani ya shimo kwa
takribani nusu saa. Wakati huo maji nayo
yalikuwa yameshaanza kuingia kutokana na
chemchem za maji ya bahari. Alitoka na
kuwataka vijana wake kufukia shimo
lililokuwa na kondoo ndani yake. Vijana
walifanya kama walivyoagizwa. Kondoo
walikuwa wakilia sana wakitamani msaada
likini hakuna aliyewajali. Baada ya dakika
kadhaa walikuwa wamekwisha maliza.
Walirudi ndani na kuelekea moja kwa moja
chumbani kwa mganga, Dr. aliwaamuru mzee
Angu na mkewake wakae chini na kunyoosha
miguu. Alitoa nyembe na kuanza kuwachanja
chale katika sehemu mbalimbali za miili yao.
Alichukua dawa kutoka kwenye moja ya
vibuyu vyake na kuwapaka kwenye majeraha
aliyochanja kwa nyembe. Alifungua kibuyu
kingine na kutoa asali iliyokuwa
imechanganywa na dawa zake kisha
akawarambisha wote pamoja na wasaidizi
wake. Alikamata pembe kubwa la mnyama na
kumuwekea mzee Angumbisye miguuni na
kichwani akamuwekea kibuyu kikubwa
kilichokuwa kimevishwa ngozi ya myama na
kuzungushiwa shanga. Alianza kugongagonga
mfuniko wa kibuyu kile huku akiongea
maneno ya kiganga. Alipomaliza alihamia kwa
mama Nyamizi na kufanya kama alivyofanya
kwa mzee Angumbisye.
Hali ya hewa huko nje tayari ilikuwa shwari
kabisa. Radi na upepo vilikoma, na kiza pia
kilikuwa kimetoweka. Dr.Kisonoko aliwataka
mzee Angu na mkewake wakajiandae kwa
safari ya kuelekea GAMBUSHI. Mganga
akawaambia kuwa kuanzi saa ile
hawakutakiwa kuonesha mshangao kwa
chochote ambacho wangekiona. Na endapo
wangevunja sharti basi wasingefanikiwa
katika safari yao.
Kila mmoja akilini mwake aliamini kuwa wapo
mjini Tanga, hivyo safari yao ingeanzia
kwenye stendi ya mkoa wa Tanga na kuelekea
mjini Shinyanga kwa mara ya pili. Kitu cha
kustaajabisha ni pale walipofika nje, walikuwa
kwenye ile hoteli ya STAFF INN HOTELL ya
mjini Shinyanga ambayo walifikia siku
iliyopita. Kama maagizo ya mganga, hakuna
aliyeonesha wazi kuwa hali ile imemshangaza.
Wakaelekea kwenye kituo cha daladala
zilizokuwa zikielekea Mchangani. Kama
yalivyokuwa maagizo ya kikongwe, Dr.
kisonoko alitangulia na basi la kwanza,
wakafuatia wafuasi wake, na basi la mwisho
walipakia mzee Angumbisye na mkewake.
Mzee Angu na mkewake walipofika Mchangani
walichukua vijana wawili ambao waliwapeleka
kwa baiskeli kutokana na kukosekana kwa
usafiri wa magari kuelekea kwenye kijiji cha
Gambushi. Wale vijana waliwapeleka lakini
walipofika kwenye eneo lililofahamika kama
kikomo, wakagoma kuendelea na safari.
Wakasema kuwa huko mbele hakukuwa mahali
salama, kwani ni watu wachache sana ambao
wakienda huko hurudi, wengi wao hupotelea
hukohuko.
Mzee Angu na mkewake walianza kupiga
mwendo kwa miguu. Walitembea sana lakini
hawakuona dalili yoyote ya kufika. Ilipotimia
mida ya saa tatu usiku walikuwa wamefika
sehemu moja iliyokuwa na mbuga. Kwakuwa
hakukuwa na mti ambao wangepanda na
kulala kwa usalama wakatafuta kichaka na
kujilaza hapo huku kila mmoja akionekana
amechoka kupita kawaida.
Kwambali waliona kama taa za gari lilikuwa
likielekea kule walikokuwa wao. Walishituka
na kusimama kuhakikisha kama kweli lilikuwa

CHANZO:  https://deusdeditmahunda.blogspot.com/
ni gari au ni macho ya mnyama. Hata hivyo
mgurumo uliashiria wazi kuwa lilikuwa ni gari.
Walijificha huku wakiliangalia kwa makini,
lakini lilipofika karibu wakabaini kuwa lilikuwa
ni basi la abiria. Hivyo walijitokeza na
kulisimamisha. Lile basi liliposimama taa za
ndani ziliwashwa. Hapo watu wengi waliokaa
kama abiria walionekana vizuri jambo ambalo
lilizidi kuwatia nguvu na kuwatoa wasiwasi
mzee Angumbisye na mkewake mama
Nyamizi.
“vipi jamani mnakwenda?” ilikuwa ni sauti ya
kijana mmoja aliyekuwa amesimama mlangoni
kama utingo.
“mnaelekea wapi?” mzee Angumbisye alihoji
“Gambushi”
“Ndio tunakwenda” alijibu mzee Angumbisye
na kuingia kwenye basi pamoja na mke
wake. Walipofika ndani ya basi kulikuwa
kumebaki viti viwili tu ambavyo havikuwa
pamoja. Kimoja kilikuwa mbele na kingine
kilikuwa nyuma. Mzee Angu aliketi na mtu
mmoja ambaye alikuwa ni mzee sana, wakati
mama Nyamizi naye alikuwa amekaa na
mwanamke ajuza. Mzee Angu alimsalimia yule
babu kikongwe lakini hakuitikiwa. Vivyo hivyo
kwa mama Nyamizi naye alimsalimia yule
Ajuza lakini naye hakuitika salamu yake.
Gari ilipoanza safari, taa za ndani zikazimwa.
Ndani ya gari kulikuwa kimya mno.
Hapakuwepo na mtu hata mmoja
aliyezungumza na mwenzie. Mama Nyamizi
na mumewake hakuna aliyepata usingizi kati
yao. Wote walizama kwenye dimbwi la
mawazo juu ya mtoto wao na jinsi
atakavyookolewa kutoka kwenye mikono ya
huyo jini hatari.
Gari liliendelea kuchanja mbuga kwa mwendo
wa kawaida. Ilikamata njia iliyokuwa na
mitimiti na kuiacha mbuga. Kila waliposonga
mbele miti iliongezeka na hatimaye wakajikuta
wamo kwenye msitu mnene. Dereva wa gari
alisimamisha na kuwa sha taa za ndani. Sauti
ya utingo ilisikika ikiwataka abiria
wakachimbe dawa. Mzee angu alipomtazama
vizuri yule mzee aliyekaanae hakuweza
kuamini. Alikuwa amekaa siti moja na fisi.
Aliinuka na kujifanya anakwenda kujisaidia
lakini alipofika kwenye siti aliyokuwa ameketi
mke wake akazidi kuchanganyikiwa. Mkewake
alikuwa amesinzia huku naye akiwa ameketi
na fisi. Alitaka kumuamsha lkini yule fisi
alimtazama usoni na kufunua mdomo wake
kama vile anataka kumng’ata……



Aliamua kuteremka na kumuacha mkewake amekaa na yule fisi. Alitamani asirudi ndani yagari lakini alipomkumbuka mkewake alijikuta mwenyewe anaingia.

Mzee Angu alitupa macho kwa mkewake na kumkuta bado amesinzia, lakini yule fisi hakuwepo bali alikuwa amekaa yule mwanamke mzee. Ajuza yule alimtazama mzee angu usoni kwa macho makali kisha akamsonya. Aliporudi kwenye siti yake alimkuta yule mzee naye amebadilika na kuwa binadamu. Aliketi lakini akili haikumtulia kabisa. Mawazo yake yote yalikuwa kwa mkewake ambaye muda wote alikuwa amelala fofofo. Akili ilimtuma kumchukua mkewake na kuteremka nae. Hivyo akajikuta anapaza sauti.

“kondaaaa?” dereva aliposikia sauti ya mzee Angumbisye aliwasha taa za ndani.

“tushushe hapo hapo tumefika” abiria wote waligeuza shingo na kumtazama kisha kwa pamoja

wakaguna. Mzee Angu hakujali miguno yao, alikwenda mojakwamoja hadi kwenye kiti alichokaa mkewake na kumkuta ameamka. Gari liliegeshwa chini ya mti mmoja mkubwa.

“vipi baba Nyamizi inamana tumefika?” alihoji mama nyamizi

“ndio”

“lakini mbona hapa ni porini?”

“Wacha ubishi mkewangu. Tuteremke” alisisitiza mzee Angu na kumshika mkono mkewake.

“unadai shilingi ngapi?” alihoji mzee Angu mara baada ya kufika nje. Hata hivyo utingo wa gari

hakujibu kitu zaidi ya kuingia kwenye gari na kuwatimulia vumbi pale chini. Mzee Angu alipumua kwa nguvu kwani hakuamini kama amefanikiwa kuwatoka wale fisi watu ndani ya gari. Lakini lile gari lilipoondoka tu ule msitu nao ukatoweka na kujikuta wamesimama palepale mbugani walipopandia gari. Hali ile iliwafanya washangae na kusahau masharti ya mganga Kisonoko. Walikuwa wamekwishachoshwa na vituko vya hapa na pale. Wakatafuta sehemu na kujilaza pale mbugani na kausingizi kakawapitia.

CHANZO:  https://deusdeditmahunda.blogspot.com/

Sauti za paka ziliwagutusha kutoka usingizini. Walipoinua macho wakajikuta wamezunguukwa na kundi kubwa la paka. Paka wale walikuwa weusi na macho yao yalikuwa yanang’aa mno. Mama nyamizi akamkumbatia mumewake kwa woga. Wale paka walianza kuwazunguuka huku wakilia kwa sauti za watoto wachanga. Mara wakaungana na kutokea paka mmoja mkubwa sana. Paka yule alikuwa anatisha kuliko mnyama yoyote mkali. Alikuwa akiunguruma kwa sauti kali na nzito. Mwisho alitoa kicheko na kutoweka kwenye mazingira yale.

Ilipofika asubuhi mama Nyamizi alimsihi mumewake warudi mjini Tanga lakini mzee yule hakuwa tayari, hivyo waliendelea na safari yao kuelekea GAMBUSHI. Waliiacha mbuga na kuingia kwenye msitu wenye miti mirefu na mikubwa. Kwa mbali waliwaona wanawake watatu wakitembea tembea mle msituni. Wanawake wale walikuwa wamejifunga kaniki tumboni na matiti yao yalikuwa wazi. Mzee Angumbisye na mkewake wakaongeza mwendo hadi walipowafikia wale wanawake.

“ habari zenu kina mama” mzee angu aliwasalimia.

“salama baba shikamoo”

“marahaba”

“mnatafuta nini kwenye msitu hatari kama huu” alihoji msichana mmoja

“tunakwenda Gambushi”

“Gambushi…?”

“ndio”

“mnakwenda kutafuta nini kwenye kijiji cha kutisha na chenye hatari?”

“tumeongozana na mganga wetu. Lakini yeye ametangulia”

“anaitwa nani huyo mganga wenu?”

“ Dr. kisonoko”

“Dr Kisonoko!... yule mganga wa Pangani?”

“ndiye huyohuyo” mzee Angu alijibu na kuwafanya wale wanawake watazamane kwa mshangao.

“Dr. Kisonoko pamoja na wafuasi wake wote watatu wamefariki” aliongea msichana mmoja kwa

sauti iliyojaa masikitiko.

“wamekufa!...?” mama Nyamizi na mumewake walihamaki.

“ndio wamefarik, tena usiku wa kuamkia leo”

“mungu wangu…!” mama Nyamizi alidondoka chini na kupoteza fahamu

“kwani mna matatizo gani?”

“tumempoteza mtoto wetu. Mganga amesema huku ndiko tunaweza kumpata kiurahisi”

“Hakuna jambo kama hilo wazee wangu. Dr. Kisonoko hana uwezo wa kwenda kuzimu na kurudi. Alikuwa analazimisha tu, na hilo ndilo lililompoteza”.

“ninyi hayo yote mmeyajuaje?”

“sisi tunaishi huko”

“sasa humu msituni mnatafuta nini”

“tumetoroka”

‘kwanini?”

“sisi ni misukule”

“ina maana huko Gambushi wanaishi wachawi?”

“maswali yako ni mengi mno mzee na hayana msingi. Mnachotakiwa kukijua ni namna ya kuondoka maeneo haya” alidakia mwanamke mmoja aliyeonesha kukerwa na maswali ya Mzee Angumbisye.

“sawa tunahitaji msaada wenu”

“hakuna wa kutatua tatizo lenu zaidi ya Mwenyezu Mungu. Rudini Nyumbani na mtafute viongozi wa dini watawasaidia” alisema yule mwanamke.

Wakati huo mama Nyamizi alikuwa amekwishazinduka na kurejewa na fahamu hivyo aliweza kuyasikia kwa makini maneno ya wale wanawake.

“tutawapa dawa itakayowafikisha muendako kwa usalamat” aliongea yule mama na kufungua fundo lililokuwa kwenye nchaa ya kaniki yake. Alitoa ungaunga mweusi na kumkabidhi mzee Angumbisye. Mtajipaka dawa hii usoni huku mkitaja jina la sehemu mnakokwenda. Adui akitaka kuwadhuru hataweza kuwaona hivyo mtafika kwa usalama.

“tunaweza kujipaka sasahivi?” alihoji mzee Angumbisye.

“ndio, fanyeni hivyo sasahivi” alisema yule mwanamke kwa msisitizo. Mzee Angu na mkewake walijipaka ile dawa usoni, lakini walipomaliza walishangaa kuona wale wanawake wakiangua kicheko huku wakigongeana mikono kuashilia hali ya ushindi.....

CHANZO:  https://deusdeditmahunda.blogspot.com/



Kitendo kile kiliwatia mashaka sana mzee angu na kewake, wakahisi wamenaswa na mtego wa watu wa Gambushi.

“mnaweza kujaribu kwenda juu ya ule mti” mwanamke mwengine aliwaambia.

Kwa wasiwasi mzee Angumbisye alimshika mkewake mkono na kutamka kama walivyoelekezwa na punde wakajikuta wapo juu ya ule mti mrefu. Walipokuwa kwenye ule mti waliweza kuona kila upande wa msitu. Kwa mbali waliweza kukiona kijiji cha Gambushi. Kulikuwa na watu wengi na wote walionekana kushughulika. Hapakuwepo na hata mmoja aliyekuwa amekaa kizembe. Pia kuna watu walikuwa wakicheza ngoma huku wakiwa uchi. Mzee Angu aliamuru warudi pale walipokuwa wale wanawake.

“hiyo dawa ni kiboko” alisema mwanamke mmoja

“mmeipata wapi?” alihoji mzee Angumbisye.

“Ilidondoshwa na wachawi” mwanamke mmoja alijibu.

Mara wakasikia sauti ya kitu kikivuma mle msituni. Kila sekunde ilipopotea ile sauti iliongezeka na kuelekea pale walipokuwa wamesimama. Wote watanao wakapaa hadi pale kwenye ule mti mkubwa. Waliweza kuona kundi kubwa la wachawi waliokuwa uchi likipaa kwa nyungo kuelekea kule msituni. Walifika kwa mwendo wa kasi na kutua pale walipokuwa wamesimama mwanzo kina mzee Angumbisye na wanawake.

Wachawi wale walitoka kwenye nyungo zao na kuonekana kama vile wanatafuta kitu. Walizunguka kila upande lakini walionekana kukosa walichokuwa wakikitafuta. Mchawi moja alisimama na kuangalia juu ya ule mti mrefu waliokuwa wamekaa wakina mzee Angumbisye na wale wanawake watatu. Alitazama kwa muda mrefu na kutingisha kichwa kama vile kuna kitu amekiona. Akapanda ungo wake na kupaa kuelekea juu ya ule mti.

“mungu wangu tumekwisha!” alihamaki mzee Angumbisye

“shiiiii!!” mwanamke mmoja akamnyamazisha.

Mzee Angumbisye alipomtazama mchawi yule alibaini kuwa tayari amewaona. Mchawi yule alifika na kutua kwenye lilelile tawi walilokuwa wamesimama. Taratiibu akaanza kuwasogelea. Mwanamke mmoja akawaonya mzee Angumbisye na mkewake wasizungumze wala kutikisika. Mchawi alifika na kumshika mzee Angumbisye begani na kumuegemea kama vile ameegemea tawi la mti.mzee Angumbisye alipomtazama kwa makini akabaini kuwa anamfahamu vizuri sana yule mchawi. Walikuwa wanaishi naye mtaa mmoja Muheza.

Yule mchawi alipuliza firimbi na mara wale wachawi wengine nao wakaanza kupaa kuelekea kule kwenye ule mti. Walifika na kuuzunguka mti ule mara kadhaa kabla ya kutua kwenye matawi. Walikuwa ni wengi mno kiasi cha kuonekana kama ndenge aina ya kwereakwerea. Mama nyamizi alikuwa amemkumbatia mama mmoja kati ya wale wanawake watatu. Alikuwa akitetemeka na kijasho chembamba kikimvuja. Alianza kuujutia uamuzi wao wa kumpeleka binti yao kwa mganga wa kienyeji. Wale wachawi walikuwa wanamtishia mno, kila alipomtazama yule aliyemuegemea mumewake alizidi kuchanganyikiwa.

@*@*@

Yasini alimeza funda la mate na kumtazama Husna usoni. Alikuwa na hamu kubwa ya kutaka kufahamu kilichokuwa kikiendelea. Husna nae alivuta pumzi kwa nguvu na kuzitoa

“Yasini hapa ulipo ni KUZIMU”

“kuzimu!.. sasa mimi nafanya nini hapa Kuzimu?”

“umekuja kwa lengo la kuwaona wazazi wangu”

“inamaana wazazi wako wanaishi kuzimu?”

“ndio”

“kwanini?”

“ndiko kwetu”. Husna alijibu na kumfnya Yasini kubaki ameduwaa.

Aliinua macho yake na kumtazama tena Husna kwa makini. Kiukweli ni kwamba alikuwa akimpenda sana lakini matendo yake ndiyo yaliyokuwa yakimchanganya. Hata hivyo alikumbuka kuwa yaleyale matendo ya ajabu ya Husna ndiyo yaliyomfanya amalize elimu yake ya sekondari. Hivyo hakuona sababu ya kumchukia binti yule.

Husna alimshika Yasini mkono wa kushoto na kuanza kupaa nae angani kama tai huku Husna akiwa amenyoosha mkono wake wa kushoto juu. Baada ya dakika kadhaa alinyoosha mkono kuelekea chini na kusababisha waanze kutua. Walitua nje ya nyumba kubwa sana iliyokuwa na geti jeusi. Walipofika tu geti lilifunguliwa na msichana.

“karibu Yasini. Hapa ndipo ninapoishi” alisema Husna.

“ahsante sana” Yasini aliitikia na kuingia ndani. Lakini alipomtazama kwa makini yule msichana aliyewafungulia geti, akabaini kuwa alikuwa akimfahamu vizuri sana. Alisimama na kutaka mkumsemesha lakini Husna alimkatisha na kumvuta mkono kuelekea ndani. Walifika na kuketi sebuleni. Pale alipokuwa amekaa Yasini, aliweza kuona milango ya vyumba vyote vya ile nyumba.

CHANZO:  https://deusdeditmahunda.blogspot.com/

Yule msichana aliyefungua geti alifika na vinywaji na kuwakaribisha Husna na Yasini. Yasini alikuwa akimtazama sana yule binti. Alionekana amechoka sana kutokana na kazi ngumu alizokuwa akizifanya. Yasini akataka kuuliza kitu lakini Husna aliweka kidole mdomoni kumuonya asiongee kitu. Yule msichana akatoka nje na kuwaacha Husna na Yasini pale sebleni. Lakini baada ya dakika kadhaa alirejea tena.

“dada maji ya kuoga tayari” sauti ya yule binti ilisikika na kumfanya yasini kuzidi kuwa na uhakika wa kumfahamu.

“twende tukakoge mpenzi” alisema Husna na kumshika mkono Yasini kuelekea bafuni. Baada ya kumaliza, Husna alimtia yasini mgongoni na kumpeleka chumbani ambapo alifika na kumuweka kitandani. Baada ya kumfuta maji, alifungua kabati na kutoa shati na suruali. Kama mtoto mdogo Yasini alivishwa zile nguo.

“Husna hao wazazi wako wakowapi?” Yasini alihoji huku akimtazama Husna ambaye alikuwa akichana nywele....



Huasna aligeuka na kuketi pale kitandani na yasini.

“Sikiliza mpenzi, wazazi wangu wanaishi kwenye nyumba nyingine mbali na hapa”

“inamaana hapa unaishi pekeyako?”

“ndiyo, hii ni nyumba yangu, lakini tukifunga ndoa tutakwenda kuishi pamoja Duniani” Yasini alitulia na kutazama huku na kule mle chumbani. Hakuweza kuamini kama Husna angeweza kumiliki nyumba ya kifahari kama ile. Ghafla akapata wazo la kuuliza juu ya yule msichana aliyekuwa akiwahudumia tangu wamefika.

“hivi huyu msichana anayetuhudumia ni nani?”

“wacha maswali ya mtego bwanaaa. Inamana humjui Nyamizi wewe?”

“Nyamizi!.... sasa hapa anafanya nini?”

“ni kijakazi wangu”

“kwanini sasa unafanya vitu vya kinyama kama hivi?”

“Wamenianza, namimi nimewamaliza”

“inamaana hukuwa na njia nyingine ya kufanya hadi umeamua hivi”

“vipi, unampenda sana mchumbaako?” Husna alihoji kwa hasira kidogo

“hata kama, lakini huu sio ubinadamu”

“sikiliza Yasini. Hawa walitaka kuniua lakini nimewawahi. Hii ni adhabu ndogo sana niliyowachagulia”

“inamaana sio suala la kutaka kuolewa na mimi?”

“hilo lilikwisha malizika. Lakini wakajipendekeza kwangu”

“wako wangapi?”

“wako wawili lakini mwenzie yupo kwa wazazi wangu anawatumikia huko”

“na yeye ni nani?”

“yeye ni msaidizi wa mganga aliyetaka kuniua”

Husna alimueleza Yasini kuwa kichaa alichokipata Nyamizi siku ya harusi kilikuwa kimesababishwa na yeye. Alisema kuwa baada ya kumsababishia yale wazazi wake wakampeleka kwa mganga wa kienyeji. Mganga alipomaliza kumponya, akataka kuja kupambana naye, lakini Husna alipata taarifa zile kupita kwa wazazi wake ambao walikuwa na uwezo kuliko yeye. Husna aliwafuata na kuanza kupambananao lakini kwa bahati mbaya mganga alifanikiwa kukimbia na kuwaacha wenzake. Hapo ndipo alipoamua kumchukua Nyamizi pamoja na msaidizi mmoja wa mganga na kuwapeleka Kuzimu kuwa vijakazi.

“kwahiyo nilipoingia hapa hakunifahamu?”

“kwanini asikufahamu wakti wewe ni mumewake. Ameniogopa mimi lakini angekusemesha”

“kwanini anakuogopa?”

“kwasababu ni adui yake”

“inaonekana unamtesa sana?”

“zaidi ya sana. Tena anastaili kifo na sio hii niliyompa”

“mnh!”

“vipi mbona unagumia?”

“ah! Hamna kitu”.

walibaki chumbani hadi mida ya saa mbili za usiku ndipo walipotoka na kukuta Nyamizi amekwishaandaa chakula cha usiku.

“Karibu chakula mpenzi wangu”

“ahsante sana mkewangu” alijibu Yasini na kufanya wote kutabasamu. Walikula huku wakiongea hili na lile. Walipomaliza hawakutaka kupoteza muda, walirudi chumbani kujipumnzisha.

“Husna” Yasini aliita

“sema mpenzi”

CHANZO:  https://deusdeditmahunda.blogspot.com/

“unaweza kunipa siri ya maisha yako?”

“siri gani?”

“najua wewe sio binadamu wa kawaida. Nataka kujua ni kwanini upo tofauti”

“mbona una haraka sana. Mimi nipo na utanijua tu”

“naomba nikujue sasahivi” alisema Yasini.

Husna alimtazama yasini kwa kitambo kisha akaanza kumwagika. Alimueleza kuwa yeye ni binadamu wa kawaida kama walivyo binadamu wengine. Alisema yeye ni mtoto wa mwisho katika familia yenye watoto watatu. Kipindi mama yake anaujauzito wake, baba yake alimtishia kumuua yeye na mtoto endapo angemzalia mtoto wa kike. Kwa bahati mbaya ama nzuri mama yake alijifungua mtoto wa kike. Alipoona vile alimchukua mtoto na kwenda kumficha kwenye msitu mmoja uliofahamika kama msitu wa Mauaji ulioko kwenye kijiji cha Mkanyageni. Mtoto yule aliokotwa na majini ambao walikwenda naye kuzimu na kumlea. Mtoto huyoakapewa jina la Husna.

“na huyo Husna ndio mimi”

“kwahiyo unawafahamu wazazi wako?”

“hapana, hadi leo sijawajua. Na ndiomaana huwa napenda sana kuja duniani”

“na kule Kidutani ulikuwa unafuata nini?”

“kule ni kama njia. Kupitia kwenye lile bwawa ni rahisi sana kufika Duniani na kurudi Kuzimu”

“sasa umepata wapi uwezo wa kufanya mambo yasiyo ya kawaida kwa binadamu?” Yasini alihoji.

Husna badala ya kujibu swali, aliinua mkono wake wa kushoto na kumuonesha yasini vidole vyake. Kwenye kidole cha kati kulikuwa na pete ya Shaba. Yasini aliikumbuka ile pete kipindi yupo mwanafunzi na jinsi ilivyomsaidia kumaliza masomo yake.

“hii pete nimepewa na majini walionilea. Ninaweza kufanya jambo lolote kwa kuiamrisha”

“pole sana Husna. Lakini wasamehe wazazi wako”

“nimeshawasamehe na ndiomana nawatafuta nikaishi nao duniani” aliongea Husna na kujikuta akilia kwa kwikwi. Yasini alimbembeleza na kumtaka alale apumzishe mawazo. Hadi kufikia saa tano usiku wote walikuwa wamekwishalala fofofo.

Yasini alishituliwa na ubaridi mkali uliokuwa ukitembea mwilini mwake. Alipoinua macho alimkuta mtu mnene aliyekuwa anawakawaka mwilini mwake. Mtu yule alisogea nyuma hatua kadhaa baada ya kubaini kuwa Yasini ameamka. Mtu yule alikuwa akitoa nje ulimi wake mrefu ambao ulikuwa ukiwaka moto. Macho yake matatu yaliyokuwa yakiwaka kama tochi hayakufumba hata kwa sekunde moja. Yasini alitaka kumuamsha Husna lakini akabaini kuwa alikuwa pekeyake, Husna hakuwepo kitandani.......

CHANZO:  https://deusdeditmahunda.blogspot.com/

ITAENDELEA