NILIONGEA NA SHETANI ILI NIWE TAJIRI - 1

 

 IMEANDIKWA NA : STALLONE JOYFULLY





*********************************************************************************





Simulizi : Niliongea Na Shetani Ili Niwe Tajiri

Sehemu Ya Kwanza (1)



wazazi waliniita Bella, shuleni nikajiita Bianka. Nilitunukiwa tunu ya urembo, yaani urembo haswa. Hapo mwanzo nilikuwa nikichukia macho ya wavulana waliokuwa wakinitazama kwa uchu. Ndio, nilifahamu ulikuwa ni uchu, kwa kuwa sikuwa najitambua wala

kupevuka bado. Kioo changu mwenyewe pia sikukiamini kila nilipojitazama. Ni wachache walionifuata na kuniambia.CHANZO:  https://deusdeditmahunda.blogspot.com/

"Bella wewe ni mrembo uliyependelewa"

hiyo ndio sababu ya kushinda kwenye kioo na kuutazama

huo uzuri. Muda mwingine nilikaa nikijiuliza "inawezekana

wanataka kunichezea? Huo uzuri uko wapi sasa?"

nilicheka kidogo nikajigeuza geuza, nisione jinamizi lolote

lililofanana na kitu kinachoitwa uzuri.

Nikakiacha kioo na kukirudia kitabu changu. Ndipo

nilisikia sauti ya mama, akiniita kutoka nyuma ya mlango

wa chumbani nilioufunga. Kumbe mama alikwisha gonga

sana mlango ila mimi sikusikia. Kitabu kilichoitwa KIVULI

CHEUSI kiliuteka ufahamu wangu. Nilipenda sana simulizi

za huyu kijana mwenye njaa, hata anaandika vitu

vinavyogusa na kusisimua, Stallone joyfully. Niliendelea

kusoma kitabu nikidhani huenda labda akiwa ananihitaji

sana ataendelea kuniita mara ya pili. Aliita mara ya tatu

ndipo na mimi nikaupata ulimi wangu.

"bee mama"

Nilinyanyuka na kwenda kuufungua mlango.

Nilipoufungua, na kuutoa uso wangu. Nilikutana na uso

wa mama ulioghafirika. Mama aliniangalia kwa dharau

kabla ya kusonya. Sikujali kwa kuwa nilikwishamzoea.

Mama yangu, alikuwa ni mama mwenye mashushu na

ngebe za hapa na pale. Kwa mtu usiye mzoea utashangaa

na roho yako. Aliingia ndani moja kwa moja na kwenda

kukaa kwenye kitanda changu. Kama kawaida yake

alianza kuniambia.

"mwanamke mchafu wewe!" Nilicheka tu sikuongea

chochote. Nilipokuwa nafunga mlango nikimfuata alipo,

aliniambia. "yaani embu tazama kitanda kilivyo" aliinua

ipod yangu, akakiinua kitabu nilichokuwa nasoma

akairudia sauti yake "..yaani hata hakieleweki"

Niliendelea kunyamaza nikitabasamu. Nilijua tu kuna

jambo analotaka kunieleza, hivyo sikuwa na haraka

niliendelea kumsubiri. Alianza.

"mwanangu umekuwa"

alikuwa akinisahili kuanzia juu mpaka chini, akanifanya na

mimi nianze kujitazama.

"miaka kumi na sita si midogo haswa uzuri ulio nao"

nilishituka niliposikia neno hilo kutoka kwa mama, pia

sikujibu kitu. Kisha aliendelea "mwanangu kuna jambo la

muhimu nataka kukueleza ili ulifahamu kabla sijafa"

"kufa!?" niliropoka kimoyomoyo. kiukweli mama

alinichanganya sana, sikujuwa alikuwa na maana gani.

Sikuweza kuongea chochote kwa kuwa sikuwa na lolote la

kumwambia au kumuuliza. Nilihisi machozi yalitaka

kunitoka. Lakini sikujuwa sababu ya mimi kutaka kulia.

Nilimpenda sana mama yangu. "Ndiyo", nilikuwa na baba

ila mama yangu ndiye alikuwa rafiki yangu wa karibu.

Baba hakunijali kama alivyonijali mama. Nilikaa

nikimsikiliza kwa makini alichotaka kuniambia. Aliniambia

CHANZO:  https://deusdeditmahunda.blogspot.com/

"mwanangu, usikubali hata siku moja kuwa mchawi. Babu

yako alinilazimisha kunirithisha mikoba yake, nikakataa.

Amedai kuwa mizimu imekupenda. Yupo katika harakati

za kuniua kwa sababu ya kumpinga wewe kuwa mchawi"

Niliumizwa sana na taarifa hiyo. Mama alikuwa akiongea

huku machozi yakimtoka.

Nilimbembeleza mama huku nikimuhakikishia kuwa siwezi

kuwa mchawi.

Mama aliniambia.

"mwanangu muheshimu sana huyu mzee unayeishi naye"

nikamuuliza "mzee? Mzee yupi!?"

Sikuweza kutambua kama alikuwa akimzungumzia baba.

Aliniambia

"Mzee Nyegezi, si baba yako, Bella. Ni mwanaume

aliyeyaokoa maisha yangu baada ya mume wangu wa

kwanza kutolewa kafara na babu yako"

Nililia sana. Nililia kwa uchungu kwa sababu sikujua

kama, babu yangu angekuwa na roho ya kinyama kiasi

kile. Amuuwe mwanaye kwa sababu ya uchawi? Kafara?

Kwa faida gani? Unyama ulioje? Nilimchukia babu kwa

kuninyima haki ya kumjua baba yangu na mimi kulelewa

na baba wa kambo.

Mama aliniambia

"mwanangu, mzee Nyegezi atakulea vyema kama baba

yako mzazi. Nina uhakika sina siku saba zaidi duniani,

lakini nitakapokufa usisahau kusoma kwa bidii na

usikubali kuwa mchawi" Mama alinyanyuka na kuondoka.

Nilichokuwa nikisoma kikatumbukia nyongo hata wimbo

wa Ben Paul haukuwa mtamu kama nilivyokuwa

nikiupenda siku zote. Niliitupa ipod yangu mbali na

nilipolala, nikapitiwa na usingizi ulioletwa na kulia sana

.............................

Niliamshwa na upepo mkali uliovuma chumbani kwangu.

Upepo niliodhani huenda ungeezua hata paa la nyumba

yetu. Muda mwingine nilihisi kitanda nilichokilalia, kama

kilikuwa kinabebwa. lakini hiyo ilitokana na nguvu ya

upepo. Nilipotaka kupiga kelele za kuomba msaada,

nilijifahamu kuwa napiga kelele kwa sauti ya juu, lakini

sauti yangu mwenyewe sikuisikia. Jasho jingi likanitoka.

Macho yakanitoka pima kwa uoga. Ile hali ilipotulia,

nilitaka kunyanyuka; lakini sikuweza kusogeza hata

kidole. Nikasikia sauti ya kicheko, kikicheka kwa dharau.

Kicheko kilikuwa ni kicheko cha sauti ya juu sana.

Nikaangalia mlangoni labda alikuwa ni mama, lakini

hakukuwa na mtu. Machozi yalinitoka kwa uoga. Sauti ile

ikacheka zaidi na kujirudia rudia kama mwangwi katika

chumba changu. Hatimaye nikauona moshi mweusi

ukitanda kutoka katika paa na kushuka mpaka usawa wa

kitanda. Mbele yangu akasimama mwanaume ambaye

sikumfahamu kabisa. Alikuwa amejifunga sanda nyeupe

na kuonekana macho na pua. Puani aliwekwa pamba,

mdomo ulikuwa hauonekani. Aliongea na mimi kwa sauti

iliyokuwa ikijirudia rudia.

"Bella lazima urithi lazima urithi mikoba"

CHANZO:  https://deusdeditmahunda.blogspot.com/

kisha alisonya, sonyo lililonifanya nipige kelele kwa nguvu

mpaka niliamka. Kumbe nilikuwa nimelala. Nilijikuta

nikiwa mapajani kwa mama akinifuta jasho lililolowesha

gauni yake aliyovaa. Aliniuliza "babu yako alikuwa

anasemaje"

nilishituka, kwa kuwa nilijua fika nilikuwa ndotoni. Sasa

mama alijuaje? Nilihisi huenda mama alimuona babu.

Nikamuuliza "mama umejuaje kama ni babu na mimi

nilikuwa naota?"

mama alinicheka kama niliyekuwa nikichekesha.

Aliniangalia baada ya kusikitika na kuniambia.

"mwanangu nafahamu yote"

"unafahamu!?" nilishangaa

"ndiyo" akanijibu

"unafahamu nini?" nilimuuliza huku nikiwa ninakaa kitako

kumsikiliza.

Aliniambia kuwa alipokuja kuniamsha ili nikale chakula

cha usiku, aliniona nikiweweseka. Akaja na kukipakata

kichwa changu huku akiniombea. Ndipo akaisikia sauti ya

babu ikiniambia "lazima niirithi mikoba" Aliisikia sauti ya

babu katika ulimwengu wa roho. Nililia sana, huku

nikimwambia mama kuwa sitaki kuwa mchawi. Mama

alitabasamu na kuniambia

"nakuombea Bella msimamo wako uwe hivyo hivyo"

tulienda sebuleni kupata chakula cha usiku, kabla ya

kulala tena mpaka kesho siku nyingine mpya. Baada ya

kumaliza kula, nilimuomba mama aniombee kabla ya

kwenda kulala. Tuliomba kwa muda mrefu sana. Mama

alivunja nguvu za giza zote na uchawi wa babu yangu.

Wakati nikiwa nimefumba macho, nilishituka kuhisi mama

amenyamza ghafla. Nilipofungua jicho langu moja kwa

kuibia, nilimuona mama kaanguka chini. Niliogopa. Mama

alikuwa anatoa mapovu mdomoni na akigalagala pale

chini kama mwenye degedege. Nilimuita baba, Mzee

Nyegezi. Alikuja na tukasaidiana kumpeleka hospitali.

Ulikuwa ni usiku mkubwa, hivyo ilikuwa rahisi kwetu

kufika mapema na kupewa matibabu haraka. Baada ya

daktari kumchukua na kuanza kumshughulikia mama,

zilipita dakika 30 mpaka alipotoka.

"anaendeleaje!" baba alimuuliza

"nifuateni ofisini" Tulimfuata ofisini huku tukiwa na

asilimia chache za mama kuwa mzima. Niliogopa sana.

Tukiwa katika chumba cha daktari. Mimi jasho jingi

lilikuwa likinitoka. Kiukweli sikuwa tayari kupokea habari

za msiba wa mama. Baada ya daktari kumaliza kuandika

vitu fulani katika kadi kadhaa zilizotapakaa katika meza

yake, aliinua uso wake baada ya kikohozi kifupi kumpitia.

"poleni sana" alisema

mapigo ya moyo yalinilipuka na kwenda kasi sana.

Yalienda mara tatu zaidi ya kasi ya kawaida. Nilihisi

machozi yakianza kustahimili uvumilivu wake na kutaka

kuniponyoka. Daktari aliendelea "ndugu yenu, amepatwa

na homa kali sana lakini ni mzima. Tumemuwekea dripu

ya dawa hivyo kesho asubuhi muje kumtazama

CHANZO:  https://deusdeditmahunda.blogspot.com/

anaendeleaje. ila kama mngechelewa? Angekuwa katika

hali mbaya zaidi ama mngempoteza kabisa" daktari

akaturuhusu kuondoka. Kiukweli niliona kama muujiza

mama kupona. Moyo wangu ukiwa na amani sasa na

furaha. Tulikuwa njiani tukirudi nyumbani mimi na baba

ndipo tulimuona mtu kasimama kando ya barabara.

Alitupungia mkono. Baba alisimamisha gari na kumpa lift

yule mtu. Baada ya kuingia ndani ya gari, alitusalimu.

Baba aliendelea kuendesha gari kwa mwendo wa

kawaida. Yule mtu tuliyempakia alikuwa mwanaume.

Alikuwa muongeaji sana. Muongeaji mzuri aliyeleta

mazungumzo ya hapa na pale

"poleni na mgonjwa" Ghafla alituambia. Nilishituka sana.

Nilishituka kwa kuwa hakuna ambaye alimwambia wapi

tumetoka. Mimi sikuzungumza chochote, lakini kwa

mshituko mkubwa, baba alisimamisha gari ghafla na

kumuuliza

"wewe umejuaje?" yule mtu tuliyempakia alijichekelesha

bila sababu na kutuambia.

"sikiliza mzee Nyegezi" moyo ukanilipuka kama ulitaka

kunyofoka kifuani. "amelijuaje pia jina la baba?" likawa

swali kichwani kwangu; lililokosa majibu. Nilibaki

nikimsikiliza. Baba naye alimsikiliza macho yakimtoka

kwa bumbuwazi.

"nafahamu kila kitu kuhusu mama yake Bella" alinyamaza

huku akiniangalia mimi siti za nyuma nilipokuwa nimekaa.

"ubishi wake unamponza ubishi utampokonya maisha

yake anayoyaringia ubishi unaweza kumletea matatizo

makubwa katika kizazi chake na Bella" moyo wangu

ulinienda mbio sana mwili ulininyong'onyea nikapoteza

nguvu. Nilifikiri sana mtu huyu wa ajabu, alitujua vipi na

kufahamu fika siri za familia yetu. Kicheko kikamlipuka na

kurudia rudia kama mwangwi, kisha alisonya kabla ya

kutoweka na kutuachia moshi mzito mweusi ndani ya

gari. Sikujuwa nilifikaje nje ya gari, wala sikukumbuka

kilichotokea. Nilijikuta katikati ya barabara nikikimbia

kuliko kawaida. Mara chache nilistahimili kujikwaa

nilipokuwa nikifanya uzembe wa kutazama nyuma, ndipo

nilimuona baba naye akinijia mbio. Aliniita baada ya

pumzi kumuishia akiwa amechoka hoi. Nilisimama na



kurudi alipo

"baba gari tumeiacha wapi..." sikujuwa tulikimbia umbali

gani hivyo hata gari sikuiona. Baba alikuwa amechoka

haswa, ilimbidi akae chini.

"gari.. Gari ipo... ipo.. Kule" alikuwa amegeuka na

kunionyesha tulipokuwa tumetoka, ndipo gari ilikuwepo.

Baba akanishauri tupumzike kwanza. Baada ya dakika

chache tulirudi nyuma lilipo gari. Milango ilikuwa wazi na

taa zikimulika huku likiwa limewashwa "hukuzima?"

nilimuuliza. "wewe unajitambua ulitoka vipi"

Tulicheka kwa pamoja na kuingia ndani ya gari,

tukaondoka kurudi nyumbani. Safari ilikuwa fupi tuliongea

mengi ya hapa na pale tukicheka pamoja. Nilipokuwa

CHANZO:  https://deusdeditmahunda.blogspot.com/

nikiingia chumbani kwangu, baada ya kufika nyumbani;

baba alinishika mkono na kuniambia.

"Hivi bella unafahamu wewe ni binti mrembo sana?"

Baba alinishangaza sana. Sawa nilishaambiwa hata na

mama, nilianza kuuhisi urembo wangu pale nilipokuwa

nikicheka mbele ya kioo na pia rafiki zangu walinihusudu

sana na kutamani wangekuwa kama mimi. Iweje baba

anishike matiti yangu na kunitomasa kiuno changu? Hapo

ndipo nilipoipata ile nguvu ya kuuputa mkono wake na

kuutoa kiunoni mwangu.

"baba nakuheshimu kama baba yangu"

neno hilo likaniponyoka. Nilishuhudia mshangao wa

kuigiza katika uso wa Mzee Nyegezi. Sikujali niligeuka na

kutaka kuingia zangu chumbani. Alinishika tena mkono na

kuniambia

"hivi kama mama yako ameshakuambia, mimi si baba

yako mzazi; huoni kama hakuna kinachotuzuia sisi kuwa

wapenzi?" Alikuwa akicheka cheka kicheko kilichouudhi.

Alinisogelea na kuanza kunitomasa tomasa na mdomo

wake kuanza kuunganisha na papi zangu akiwa na nia ya

kutaka tubadilishane mate. Nilirudi nyuma baada ya

kumzaba kibao na kumuacha akiugulia maumivu na mimi

niliingia ndani haraka. Niliufunga mlango kwa ufunguo

nikimuacha nje akiropoka ropoka "mshenzi wewe huna

adabu nimekulea mimi siku zote leo unanivunjia adabu

mimi? Unanipiga kibao? Nitakuonesha mwanaizaya wewe"

alipotelea chumbani kwake huku akiendelea kubwatuka



 "Baba nakuheshimu kama baba yangu"

neno hilo likaniponyoka. Nilishuhudia mshangao wa

kuigiza katika uso wa Mzee Nyegezi. Sikujali niligeuka na

kutaka kuingia zangu chumbani. Alinishika tena mkono na

kuniambia

"hivi kama mama yako ameshakuambia, mimi si baba

yako mzazi; huoni kama hakuna kinachotuzuia sisi kuwa

wapenzi?" Alikuwa akicheka cheka kicheko kilichouudhi.

Alinisogelea na kuanza kunitomasa tomasa na mdomo

wake kuanza kuunganisha na papi zangu akiwa na nia ya

kutaka tubadilishane mate. Nilirudi nyuma baada ya

kumzaba kibao na kumuacha akiugulia maumivu na mimi

niliingia ndani haraka. Niliufunga mlango kwa ufunguo

nikimuacha nje akiropoka ropoka "mshenzi wewe huna

adabu nimekulea mimi siku zote leo unanivunjia adabu

mimi? Unanipiga kibao? Nitakuonesha mwanaizaya wewe"

alipotelea chumbani kwake huku akiendelea kubwatuka

___________



Niliamka asubuhi na mapema kwenda hospitali. Sikuona

umuhimu tena wa kumsubiri baba ikiwa ameanza

kunivunjia heshima. Amenivunjia heshima ya kunitaka

kimapenzi. Nilipanda daladala, kwa mwendo mrefu

ulioongezwa na msongamano, lakini nilifika. Mama

alikuwa ameamka, amekaa katika kitanda alicholazwa.

Baada ya salamu aliniuliza kiuchovu

CHANZO:  https://deusdeditmahunda.blogspot.com/

"baba yako yuko wapi!?" sikumjibu. Sikujuwa cha kumjibu,

kwa kuwa sikutaka mama atambue yaliyotokea jana

usiku. Nilimpa uji niliotayarisha asubuhi. Aliunywa vibakuli

viwili na kutosheka. Aliniuliza tena. "ina maana baba yako

hajui kuwa nipo hospitali?"

nilimjibu "atakuja baadaye mama. Huenda yupo njiani"

mama akaniuliza tena "babu yako jana ulimuona tena?"

Nilimuhadithia yote kuanzia yule mtu aliyepewa lift na

baba na yote yaliyotokea na kutuambia kuhusu yeye

kukataa mimi kurithi mikoba ya babu. Mama naye

akaniambia

"jana usiku hospitali nzima iliona cha moto. Hapa

yenyewe leo nimelazimika kupewa discharge kutokana na

mauzauza yaliyokuwa yanatokea jana, yaani ni makubwa"

mama akaanza kunihadithia "Mwanangu jana wakati babu

yako anakuja alianza kuja katika umbile la mnyama" Mimi

mwili ulinisisimka na vinyweleo kunisimama. Ni nani

ambaye asingeogopa kusikia binadamu kawa paka?

Binadamu kuwa mnyama? Ni jambo la kushangaza.

Mama aliendelea "muuguzi mmoja aliyekuwa

akinihudumia alimpiga teke yule paka mwenye rangi ya

kijivu. Mimi sikuwa na habari kama yule alikuwa babu

yako. Alipomaliza kunifunga dripu ghafla alianza

kulalamika maumivu ya mguu. mguu ukazaa kichwa.

kichwa kichwa, kikazaa mauti ya ghafla" mama

alinyamaza kuruhusu pumzi ya kumeza mate. Mimi

nikabwatuka

"akafa? Mbona ghafla? Ilikuwaje?" mama alicheka

akaniambia

"mwanangu uchawi upo na una nguvu sana usipokuwa

mcha mungu. Nakumbuka yule muuguzi niliyemtambua

kwa jina la Rebecca wakati anampiga teke yule paka

aliropoka jambo" mimi nilikosa ustahimilivu, nikaropoka

tena "alisema nini?"

mama alitabasamu tena na kuniambia "usiwe na haraka

Bella ni hivi alisema 'hawa paka wengine ni wanga' Mimi

sikutilia maanani kwa kuwa nilimchukulia yule paka kama

mtu wa kawaida. Mara nilishangaa hospitali nzima ilijaa

paka wa kila aina. Madaktari na wagonjwa wenye nafuu

walijaribu kuwafukuza, lakini hawakufanikiwa. Paka hao

walikwishawauwa wagonjwa wawili na daktari mmoja.

Wale waliokuwa wanapambana na wale paka walikimbia

hovyo na wengine kuvunjika miguu. Kuna wengine

walionusuru roho zao. Lakini kati ya wale paka alijitokeza

paka wa kijivu yule aliyemuuwa muuguzi Rebecca na

kusimama karibu na kitanda changu" mimi macho

yakanitoka pima, nikamuuliza mama "sasa ulifanyaje"

mama aliendelea "nywele zilinisimama kama nimepigwa

na shoti ya umeme basi yule paka alijigeuza na kuwa

katika umbile la binadamu mbele yangu. niliogopa sana.

nilimsihi kwa machozi tele asinidhuru wala kuitoa roho

yangu. alikuwa ni babu yako Mzee Matonde. alicheka

sana na kuniambia, 'sijaja Kuitoa roho yako wala

kukudhuru. hili ni onyo la mwisho acha kumkataza Bella

kuirithi mikoba yangu'. kisha alinikumbusha ni jinsi gani

alivyoila nyama ya mwanaye wa kiume ambaye ni baba

yako. Pia kilikuwa ni kifo cha ghafla cha kuanguka bafuni.

Baba yako aliumia mguu tu. Mguu ukaoza ukaanza kutoa

harufu kali ya uvundo uliokera. Tukaliuza shamba la

mihogo, alipe pesa ya kitanda cha hospitali, pesa

hazikutosha. Akanishauri na kuniambia nisiliuze lile la

michikichi na fenesi kwa kuwa alishajua.

"umejua?" nilimuuliza mume wangu "umejua nini?" "baba

anataka kuniua"alipumzika baada ya kumeza donge zito

la uchungu. Chozi likamponyoka, likanyang'anya furaha

yake "najua atamsumbua mwanangu Bella lakini

nakuomba sana usiache kumuongoza mtoto wetu katika

maombi" mume wangu hakusubiri hata nimfute chozi kwa

kiganja changu wala hata hakutaka kuniaga, aliondoka

kimya kimya. Ukimya ulioniumiza na kunifanya nilie sana

na kusimama na msimamo wa kukataa kurithi mikoba ya

babu yako. Mzee Matonde alikuja siku moja nikiwa Eda

aliniambia kuwa 'nyama ya Jose tamu sana' nililia kwa

uchungu lakini sikuwa na la kumjibu. Alitokomea

CHANZO:  https://deusdeditmahunda.blogspot.com/

alikokujua akicheka kifedhuli. Baada ya miaka mingi ndiyo

akarudi tena, aliniambia asingeshindwa kuitafuna mifupa

yangu kama nitaingilia harakati zake kama nilivyoingilia

kwa baba yako na kumsababishia kifo mume wangu.

Wakati Mzee Matonde anajaribu kunitisha, wale paka

waliyekuja na babu yako walitokezea na maiti za watoto

wadogo ambao walizaliwa kabla ya siku zao. sikujua nia

na madhumuni ya kuzichukua maiti zile. Babu yako alirudi

katika umbile la paka na kutoweka machoni mwangu

katika hali ya kufumba na kufumbua" wakati mama

anamaliza kunihadithia yaliyotukia jana, baba aliingia

akiwa na tabasamu la kuudhi. Mimi sikumjali akili yangu

ikawa imezama katika hadithi hiyo ya kusisimua hadithi

iliyonitingisha moyo wangu na kuanza kuogopa.

"Bella kumbe upo huku"

"niliamua kuwahi kumletea mama uji" nilimjibu kwa

karaha, kisha nilitoka nje. Baada ya muda mfupi naye

alitoka na kunieleza

"nimefurahi kwa kuwa, umenionesha umeanza kukuwa.

Hukumueleza kabisa kuhusu yaliyotokea jana? inabidi

nikupatie zawadi" sikumjibu. Japo yeye alicheka, mimi

nilinuna. Alielekea ofisini kwa daktari kulipia gharama za

matibabu ya mama, kisha tuliruhusiwa kurudi nyumbani.

mama alitakiwa apate muda mwingi wa mapumziko na

azimalize dawa zake za kunywa zitakazomsaidia

kuongeza damu, kutokana na upungufu wa damu alio

nao. Tulirudi nyumbani nikiwa na furaha ya mama kupata

nafuu. Mama alionekana akiwa na huzuni, mzee nyegezi

akiwa amepambwa na tabasamu la kishetani usoni

mwake.

Siku zikapita mpaka afya ya mama ilipotengemaa. Mimi

sikuona mauzauza yoyote tangu siku ile, mpaka leo siku

ya nane. Nilimuuliza mama "mama au babu kaamua

kutusamehe"

"we Bella omba Mungu tu mwanangu" mama aliamua

kunijibu kiuchovu. Nilicheka kicheko kisicho na ladha ya

kicheko. Nilimwambia tena mama "ameshindwa bwana na

madude yake. Mbona haji tena?" Mama akanikatiza "Bella

hufahamu wanapanga nini juu yetu.... Funga mdomo

wako" Nilinyamaza huku nikiwa na hakika babu hatokuja

tena. Hali ilikuwa shwari na siku saba alizozisema mama,

kuwa anaweza asifike basi zilipita. Nilifurahishwa na hali

hiyo na tuliishi kwa amani. Amani ya kutosumbuliwa na

babu lakini usisahau, Mzee Nyegezi hakuacha

kunisumbua. Alipopata upenyo wa kumtoroka mama

chumbani alinijia chumbani kwangu na kunitomasa

tomasa kimahaba. Nilipomtishia kupiga kelele, alikurupuka

kutoka chumbani kwangu na kurudi chumbani kwao. Siku

moja alipokuja chumbani kwangu mauzauza yakaibuka

tena haya yalichachamaa zaidi.

Baba aliingia kwa mwendo wake ule ule wa kuninyatia.

Hakutumia muda mwingi wala umbali mrefu kunifikia.

Alizipiga zile hatua ndefu ndefu zisizotoa sauti. Mimi

nilikuwa nimelala fofofo, hivyo sikusikia. Alipotaka kuitoa

khanga mwilini mwangu, nami nilishituka. Nilimuona baba

akiwa uchi wa mnyama. Alikuwa anatabasamu, tabasamu

la dharau. Nilipotaka kupiga kelele yeye alicheka kwa

nguvu alininong'oneza jambo

"mama yako ameifakamia wine niliyoweka madawa ya

kulevya. Utadhani hakuwahi kunywa wine tangu

amezaliwa?" alinicheka kwa kejeli. kisha aliongeza sauti

ya kicheko huku akibinya binya matiti yangu. wakati

akiendelea na mchezo huo mchafu ndipo niliusikia upepo

mkali uliovuma kwa nguvu. ulikuwa ni upepo mkali sana.

sauti ya kicheko cha dhihaka kikasikika kati kati ya

kicheko hicho. nilifahamu alikuwa ni babu. baba

alijidumbukiza ndani ya shuka kuificha aibu yake. alikuwa

anatetemeka sana. mimi nilijibanza ukutani pia nikiogopa

ile hali. mara mbele yetu akatokea joka kubwa lenye

vichwa viwili. alikuwa ni nyoka mwenye mabawa. siwezi

kusimulia kwa urahisi ni kiasi gani niliogopa lakini

nilishangaa kumuona Mzee Nyegezi amepoteza fahamu.

yule nyoka alizungumza

"nitakulinda siku zote. popote uendapo"

CHANZO:  https://deusdeditmahunda.blogspot.com/

nilishajikojolea kwa uoga. Nilitetemeka haswa. yule nyoka

aliufahamu uwoga wangu aliniambia

"usiogope. mkuu wa ulimwengu huu amekuchagua"

kisha kama alivyokuja, aliondoka vile vile. Upepo wa kisuli

suli uliingia chumbani kwangu na kulimeza lile joka. Mimi

pia nilizimia kanga ikiwa mbali nami. Nguo ya ndani

ilisitiri maungo yangu huku mkono wa baba ukiwa kifuani

kwangu.

.........

sikumbuki nilipoteza fahamu kwa muda gani, ila

nilishituka kipindi ambacho kulikuwa kumeshakuchwa.

Baba bado alikuwa amelala pembeni yangu. Nilikuwa

nikiugulia maumivu ya kichwa. Maumivu ambayo,

yaliyogonga kama niliyetaka kuzimia tena au nilipigwa na

kitu kizito. Nilikumbuka usiku uliotisha. Usiku wa joka

kubwa lenye mabawa. Upepo wa kisuli suli ukalibeba lile

joka na kupotelea hewani. Hakika ilikuwa ni hali ya

kumfanya yeyote kuzimia. Ndiyo hapo niliona kitu cha

kushangaza mbele yangu. Mwili wa mama ukiwa

umekumbatia sakafu. Mama alikuwa amedondoka karibu

na mlango wa chumbani kwangu. Akiwa ameyalalia

mapovu yaliyomtoka mdomoni. Kiukweli nilishituka sana.

Sikujua nianze vipi kumsaidia mama ikiwa Mzee Nyegezi

naye alikuwa hajiwezi. Nilitoka nje, nikarudi ndani.

Nilipanda kitandani mara nikashuka. Nilimuita mama

lakini hakusikia. Nilimuinamia kwenye kifua chake na

kuyasikiliza mapigo yake ya moyo niliyasikia yakidunda

kwa mbali sana. Nikapata uhakika kuwa bado alikuwa

hai. Nilivaa nguo zangu haraka haraka. Nikafungua droo

katika kabati yangu kutazama kiasi cha pesa nilichokuwa

nacho. "shilingi elfu thelathini' zinatosha," nilijiambia.

Nilitoka mpaka eneo la hifadhi ya barabara, nilienda

kuchukua tax. Tax haikuchelewa, tulirudi nyumbani na

yule mzee ambaye alikuwa dereva, ndiye alinisaidia

kumbeba mama na kumuingiza ndani ya gari. Nilikuwa

nimechanganyikiwa sana. Nilichanganyikiwa baada ya

kufahamu kuwa, mama alipata mshituko wa kutuona mimi

na Mzee Nyegezi, tukiwa tumelala pamoja. Mzee Nyegezi

alikuwa kama alivyozaliwa, mimi nikiwa sina chochote

kifuani na nguo ya ndani pekee ilihifadhi maungo yangu.

Sikutaka niwe sababu ya kifo cha mama yangu. Sikutaka

kumuumiza mama. Wala sikutaka mama atoe chozi kwa

sababu yangu. Nilidondosha chozi nilipokuwa katika

kuwaza.

Yule dereva aliniuliza. "binti kuna nini?"

"acha tu mzee, naomba unipeleke lugalo"

"itakuwa elfu kumi"

"nimekuambia nipeleke Lugalo hospitali" Nilimjibu kwa

karaha. Sikujali kuhusu pesa, nilijali mama afike mapema

hospitali; apate matibabu. Nilikuwa nikimpepea mama

aliyelalia mapaja yangu, huku nikilia kwa uchungu. Nililia

huku nikimlaani mzee Nyegezi kwa tamaa zake. Mwendo

wa tax ulikuwa ukiridhisha. Mzee yule aliikimbiza tax

huku akipiga honi za hapa na pale. Japo alikuwa

akiendesha kwa kasi kama uwajuavyo madereva tax,

hakuacha kunisumbua kuniuliza hili na lile. Aliniuliza "na

Yule mwanaume aliyelala uchi pale kitandani ni nani?"

nilitamani nimtukane, ila nilimuheshimu. Sikumjibu kitu

niliendelea kuomba Mungu mama awe mzima. Foleni

ilimpisha na yeye kupita bila matatizo. Punde si punde

tulifika eneo la hospitali. Machela ikakimbizwa na

kumbeba mama. Mimi nilimlipa Yule babu na kumfuata

mama alipokuwa akipelekwa. Nilipofika katika wodi flani

ambayo sikuitambua kwa haraka nilisimamishwa.

"tafadhali naomba usubiri hapo nje" Muuguzi mmoja

alisema na mama kuingizwa sehemu fulani hivi na

kufunika pazia la kijani. Nilibaki nikiwa nimesimama.

Nilizunguka kila sehemu. Kulia nilitaka, maombi nikaona

yalichelewa. Kila muuguzi alipotoka katika chumba

alichoingizwa mama, mimi nilitoka mbio kumfuata.

"naomba unijuze hali ya mama"

"tafadhali kuwa na amani, amepata mshituko wa kawaida

yupo sawa" nilikaa kwenye benchi iliyopo katika baraza la

hospitali. Daktari aliyekuwa akimuhudumia mama, alitoka

CHANZO:  https://deusdeditmahunda.blogspot.com/

akaniambia "wewe ndiye mwenye mgonjwa hapa?"

"ndiyo"

"nifuate ofisini" Nilimfuata ofisini nikiwa katika hali ya

uoga sana. Sikujuwa nini alikuwa anaenda kuniambia,

lakini sikupenda kupokea jibu lolote baya. Nilipoingia

baada ya kukaa, aliniambia. "ilikuwaje huyu mama

akafikia katika hali hii?"

"nahisi alipoteza fahamu baada ya kupata mshituko,

Daktari"

"hilo ndiyo jambo baya lililomkuta" Nilishituka sana

daktari aliposema hivyo. Nilianza kulia sikujua daktari

alimaanisha nini. Yeye alininyamazisha na kunieleza yote

sasa.

"sasa unalia nini? Nimeshakueleza tatizo kwani?"

Alinyamaza akavuta pumzi baada ya kumeza mate na

kuniambia. "huyu mwanamke hana tatizo lolote la

kimuonekano, ila ubongo wake umecheza na kusababisha

kumpotezea kumbukumbu mara kwa mara hivyo watu wa

karibu inabidi muizuie hali ya yeye kudondoka dondoka

kila mara"

"sawa dokta, ninaweza kumuona?"

"bila shaka"

Nilienda katika chumba ambacho daktari alinielekeza.

Chumba ambacho mama alikuwa amewekwa kama

mapumziko. Nilipomtazama mama, machozi yalikuwa

yakinitoka tu bila sababu. Nilijisikia vibaya sana kwa hali

aliyotukuta nayo na Mzee Nyegezi. Nilimsalimu na

alionesha kunikumbuka. "marahaba Bella"

Lakini hakuwa amechangamka wala hakuwa na furaha.

Niliona chozi likimponyoka na kushuka mpaka kwenye

mashavu yake. Nilmsogelea na kumwambia "mama

naomba nikueleze" akaniambia "huna haja ya kunieleza

lolote Bella inatosha"

"mama sivyo kama unavyofikiria mama" Nilimsihi

anisikilize, nilimuhadithia kila jambo lilivyokuwa mpaka

mimi na Mzee Nyegezi kuwa katika hali aliyotukuta nayo

asubuhi. Aliniambia "kwanini hukunieleza mapema?"

"niliogopa wewe ungegombana na baba"

mama hakuongea chochote mimi nilitoka katika kile

chumba na kwenda kwa daktari. Nililipa kila gharama za

uuguzi wa mama yangu na kuambiwa kuwa nimuache

kwanza mpaka mchana ndiyo nitaweza kuondoka naye.

Mama alitundukiwa dripu ya maji. Mimi nilirudi nyumbani.

Sikumkuta mzee Nyegezi katika chumba changu tena.

Nikatoka na kwenda jikoni. Ndipo nikasikia hatua za mtu

akinyata niliposimama, akaniziba mdomo.



 "mama sivyo kama unavyofikiria mama" Nilimsihi anisikilize, nilimuhadithia

kila jambo lilivyokuwa mpaka mimi na Mzee Nyegezi kuwa katika hali

aliyotukuta nayo asubuhi. Aliniambia "kwanini hukunieleza mapema?"

"niliogopa wewe ungegombana na baba"

mama hakuongea chochote mimi nilitoka katika kile chumba na kwenda kwa

daktari. Nililipa kila gharama za uuguzi wa mama yangu na kuambiwa kuwa

nimuache kwanza mpaka mchana ndiyo nitaweza kuondoka naye. Mama

alitundukiwa dripu ya maji. Mimi nilirudi nyumbani. Sikumkuta mzee Nyegezi

katika chumba changu tena. Nikatoka na kwenda jikoni. Ndipo nikasikia hatua

za mtu akinyata niliposimama, akaniziba mdomo.

****



Nilijitahidi kujinasua, lakini mikono ya mwanaume huyo ilinishinda nguvu.

Ilikuwa imejaa misuli, hakika alikuwa na nguvu za kutosha. Punde si punde

nilianza kulegea. Macho yakakosa nguvu nikawa nimepoteza fahamu. Nilipoamka

nilijikuta nina hali ya tofauti hali ya utatanishi juu ya mapaja yangu.

"damu" damu zilikuwa zimetapaaka kwenye mapaja yangu na kiuno kilivuta

haswa. Kengele ya hatari ikagonga kichani kwangu. "bikra yangu" imetoka?

Nilijiuliza kwa huzuni. Bikra yangu imetoka bila kuridhika kuitoa kwa yule

ampendaye. Nilishamuahidi mpenzi wangu Jordan kuwa, yeye ndiye atakuwa wa

kwanza kuuona usichana wangu. Sasa sikuwa nao tena. Atanielewa vipi

nikimueleza ukweli kuwa nimebakwa? "mama!"

Nikakumbuka nilimuacha mama hospitali. Nilimuacha ikiwa nilimuahidi

nitarudi kumletea chakula baada ya dripu aliyotundukiwa kwisha. Sasa

atakuwa ametoka? Alisharudi nyumbani? aliniona mimi nikiwa katika hali hii?

Nikajinyanyua tena kwa hasira. Maumivu makali yakazidi katika nyonga zangu

na kunifanya nitembee kama binti niliyekeketwa. Miguu yangu ilikuwa kama

CHANZO:  https://deusdeditmahunda.blogspot.com/

gulubaja na nililazimika kujipinda kidogo nikidhani huenda maumivu

yatapungua. Nilioga na kubadilisha nguo zangu na kutoka. Sebuleni

nikakutana na Mzee Nyegezi. Mzee Nyegezi alikuwa akitabasamu kinafki.

Tabasamu la kishetani. Sikushitukia chochote kutoka katika tabasamu hilo.

Nikataka kumpita bila kumsalimia. Mwendo wangu ukaniadhiri. Nilikuwa

nikichechemea kutokana na maumivu. Mzee Nyegezi akaniuliza. "Bella vipi?

Umeumia?"

"nimejikata kucha vibaya kidole kinaniuma" Nilimjibu huku nikianza tena

kupiga hatua kuelekea nje. Aliniambia "hali hiyo utaizoea Bella" alikohoa

kidogo. Kikohozi alichokisindikiza na kicheko cha kinafki na kuniambia

"usipokuwa mbishi na kunipa bila utata" Moyo wangu ulilipuka kutokana na

hicho alichosema. 'hali hiyo utaizoea Bella' sauti yake ikajirudiarudia

kichwani mwangu na kujenga kitu kama mwangwi. 'usipokuwa mbishi' Nikaupata

ulimi wangu. "hali? Hali ipi?" Alicheka kifedhuli. Akacheka kwa sauti ya

juu hata nikajisikia vibaya. Nikawa nimeshagundua nini kinaendelea na ni

nani amenifanyia mchezo ule mbaya. Kitendo cha kinyama. Kufanya mapenzi na

mimi bila ridhaa yangu. Ndipo akaanza kuniambia. "wewe ni binti mtamu sana.

Niruhusu niwe wako, usinikatalie. siku nyingine nikatumia nguvu kama leo

nikakusababishia maumivu zaidi"

"ahsante sana shetani mkubwa wewe"

"hata wewe na familia yako yote ni mashetani ndio maana mnashriki katika

njama za kula nyama za watu" alicheka, kisha aliniuliza. "hivi mama yako

yuko wapi? Sijamuona tangu asubuhi?" nilimjibu "ameshajua yote

unayonifanyia na amekukuta chumbani kwangu asubuhi ukiwa uchi. Umesababisha

mama yangu akapoteza fahamu na sasa yupo hospitali unataka kuniulia mama

yangu" nilitoka nje nikiwa nalia. Nilimuacha Mzee Nyegezi akiwa anashangaa

aamini alichosikia.

nilirudi hospitali na kumkuta mama naye akijiandaa kutoka. Tulikaa tena kwa

dakika chache zaidi mpaka alipomaliza kula. Aliniuliza "Bella, mbona

umechelewa kurudi?"

"mama nilipatwa na matatizo nikiwa narudi nyumbani"mama alidakia kwa

mshangao "babu yako amekuja tena?"

"hapana mama, nitakuhadithia yote" tuliondoka baada ya kuruhusiwa na

daktari aliyekuwa akimuhudumia mama. Tulipofika nyumbani sikumuhadithia

lolote.

.......



Nakumbuka ilikuwa ni usiku tukiwa mezani tunakula. Mzee Nyegezi

hakuthubutu kuinua sura yake wala mimi sikuthubutu kumtazama mama. Kuna

wakati nilikuwa nikimuibia mama kwa jicho la wizi wizi. Ni wakati huo ambao

pia nilimkuta yeye akitutazama mimi na Mzee Nyegezi. Niliyarudisha macho

yangu chini tena, kwa aibu wala sikuendelea kumtazama. Mama akakiacha

chakula na kwenda kwenye makochi kutazama video. Chakula alichokipenda, leo

alikigusa kwa kijiko kimoja tu. Mara nyingi alipendelea kutazama kwaya na

kusikiliza mahubiri. Mahubiri ambayo aliinunua cd yake kanisani. Huko nako

hakutumia muda mwingi kumaliza kile alichokuwa anakiangalia. Alirudi kwenye

meza ya chakula tulipo mimi na Mzee Nyegezi. Mimi nilikuwa nimeshamaliza

chakula changu. Nikawa nataka kuinuka, nilipomuona mama akirudi niliendelea

kukaa kwanza kwa muda. Sikujua kwanini moyo ulinienda mbio na uoga

ukaendelea kunitafuna.

"Nyegezi kwanini unanitenda hivi" Mama alimuuliza Mzee nyegezi macho yake

yakiwa yamefumba kwa lita za machozi. Mzee Nyegezi alijitutumua kiume

kupotezea mada aliyotaka kuianzisha mama. Hakufanikiwa.

Mama aliendelea kubwatuka kwa kilio chenye kwikwi na hasira ikaikamata koo

yake. Sasa akawa anaongea kama vile alianza kujifunza kuongea.

"Nyegezi, umekosa nini kwangu? Kwanini unathubutu kutaka kutembea na

mwanangu? Au kwasababu si wako?" mimi nafsi moja ndani yangu ikanisuta,

'kwanini hujamueleza mama kuwa ameshakubaka?' nilijaribu kupoteza sauti

hiyo. Lakini ilikuwa king'ang'anizi kichwani mwangu. Ilirudi ikarudi

ikaendelea kurudi zaidi. Ikanikera moyo. Nikataka kusimama mama akaniambia

"Bella kaa chini" Nilikaa

"Nyegezi sikutegemea kama wewe ungebadilika hivi." Mama alinigeukia mimi na

kuniambia

"Bella hata leo nikifa naomba usikae hapa tena. Nenda popote unapopafahamu,

nenda popote pale lakini siyo na huyu mwanaizaya" Nilimuitikia mama kwa

kumaanisha nimemuelewa alichoniambia.

Baada ya muda kwenda na usiku kuzidi kuwa mkubwa, wote tuliiacha runinga na

kwenda kulala. Mama aliingia chumbani kwangu ili tuweze kusali kabla ya

kulala. Hiyo ilikuwa ni lazima ili kuilinda nyumba yetu na mzimu wa babu

ambao hutusumbua kila mara. Nakumbuka siku hii tuliomba kwa muda mrefu sana

na mimi niliomba pia na mama huku nikibubujikwa na machozi. Ndipo hapo

likatokea jambo baya kati kati yetu mimi na mama. Chumba kilianza

kutetemeka kama vile nje kulikuwa na trekta linalolima. Alikuja fisi mkubwa

sana. Kama kisingekuwako kitanda na sisi kukikalia, basi angekuwa amekimeza

CHANZO:  https://deusdeditmahunda.blogspot.com/

chumba chote. Yule fisi alikuja kama Yule nyoka mwenye mabawa alivyoondoka.

Ulianza upepo wa kisuli suli, kisha kati kati yake akatokea fisi huyo. Yeye

alikuwa na ukubwa kama wa farasi na meno kama ya ngiri. Miguu yake ilikuwa

ni minene kama tembo. Niliweza kugundua na kusema alikuwa ni fisi kwa kuwa

alikuwa na umbo la fisi. Hakuwa fisi wa kawaida alitisha sana. Cha ajabu,

fisi huyu alizungumza lugha ambayo mimi na mama hatukuielewa. Kisha

katikati yetu, Yule fisi alijigeuza maumbo mbalimbali ya wanyama na mwisho

kuwa binadamu kabisa. Alikuwa ni babu. Alicheka kwa sauti kuu na

iliyotetemeka. Kabla hajasonya alitoa kisu kilichong'aa sana. Lakini

kilikuwa kinavuja damu. Alitoa na bakuli kubwa katika moja ya mifuko yake.

Vitu hivi vyote vilikaa katka mfuko wa suruali yake lakini sikutambua

kutokana na ukubwa wa vitu hivi ilkuwaje vilienea na kukaa bila shida. Muda

wote mimi nilikuwa nikikemea chini kwa chini. Mama alikuwa anatetemeka kwa

uoga kupitiliza. Babu aliendelea kucheka alicheka sana. Kisha aituambia.

"msiogope"

alimsogelea mama mpaka karibu na uso wake akamwambia "nilikuahidi

ukiendelea kumpingia Bella urithi wake, roho yako ni halali yangu" Mama

alitetemeka sana. Sikuwahi kumuona mama akilia kwa uchungu namna ile.

Nilimsihi babu asimuuwe mama, lakini sikufanikiwa. Nilimsikia mama akikemea

kwa sauti ya chini chini huku akinena kwa lugha ya roho mtakatifu(ile lugha

ambayo huongea walokole)

"Bella, wewe ni lazima uwe, hata kwa kuangamiza dunia nzima. Mkuu wetu

ameipenda roho yako ya kishujaa na ujasiri. Sina jinsi ya kutekeleza

ninaloagizwa"

"mkuu?" Niliuliza kwa mshituko. Kwa nguvu alizo nazo babu, nilitegemea

kusikia yeye ndiye shetani mwenyewe. Alikuwa na mambo makubwa ya kuogofya.

Iweje yeye awe kibaraka wa huyo mkuu anayemtaja? Kama yeye yupo hivi? Huyo

mkuu wao ana nguvu za kiasi gani sasa? nahisi babu aliyajua mawazo yangu.

Akacheka sana kisha aliniambia. "utamuona"

sauti yake ilijirudia rudia huku akiwa anacheka kwa sauti ya juu sana.

Kicheko chake kilinifanya nihisi hata majirani ni lazima wangeamka. Aliendelea

kuniambia "mkuu wetu, ni mkuu wa huu ulimwengu wote. Ana nguvu nyingi sana.

Atakupa wewe endapo utakubali uwe mrithi wangu, usisahau kuwa mali na vitu

vyote ni vyake hivyo utakuwa tajiri zaidi ya tajiri yeyote unayemfahamu

hapa duniani"

mama aliniambia "usikubali Bella, hata nikifa leo naomba usije kukubali

kuwa mchawi"

"mama siwezi kuwa mchawi kama nilivyokuahidi" mimi na mama wote tulikuwa

tunalia sana. Lakini kitu cha kushangaza hatukuweza kusimama wala

kusogeleana japo kuwa tulikaa katika kitanda kimoja. Nilijihisi nikiwa

mzito sana. Sikuweza kunyanyua japo kidole wala mkono kumgusa mama.

Kilichoweza kusogea katika mwili wangu ni jasho jingi lililokuwa likinitoka

mfululizo pamoja na mkojo uliotoka bila mpangilio kwa uoga. Moyo wangu

ulipiga mara nne zaidi ya mapigo yake ya kawaida. Ulipeleka damu kwa kasi

katika kila kiungo cha mwili wangu na kunifanya nihisi kizunguzungu na

mwili kukosa nguvu. Babu alikiinua kile kisu juu na kuongea maneno fulani

ambayo mimi na mama hatukuyaelewa. Katika kuzubaa huko, kisu kile kilipita

katika shingo ya mama na damu nyingi kurukia kwenye bakuli alilolishika

babu. Babu alikinyofoa kichwa cha mama, na kuanza kukitafuna. Sura ya babu

ilianza kubadilika na kuwa ya paka. Macho yake yaling'aa na kutoa mwanga

mkali kama wa jua. Kiwiliwili cha mama kilikuwa kinarukaruka huku na kule

pale kitandani tulipokaa mpaka damu ilipokatika yote na kuchuruzikia kwenye

lile bakuli ambalo alilishika babu. Mimi nilizimia. Nikiwa katika usingizi

mzito wa kuzimia, nilikuwa nikitumbukia katika shimo moja refu sana.

Lilikuwa ni refu kupita kiasi. Siwezi kusema urefu halisi wa lile shimo,

lakini lilikuwa ni refu kupitiliza. Ndani ya shimo hilo lililo na giza

nene, Kulikuwa na hewa nzito na iliyoogopesha kila nilipokuwa nazidi

kutumbukia.



*******



Sikuweza kuona chochote mbele wala chini nilipokuwa nikidondoka kwa mwendo

wa kasi. Ulikuwa ni mwendo ambao sijawahi kudhani kama ningeweza kudumbukia

katika katika shimo kama lile ikiwa mwili bado haujaiacha roho. Nilipofika

mwisho sikuanguka wala sikuumia.

Kumbe tulikuwa na babu pamoja na mama.

Nilishituka kumuona mama akiwa mzima, lakini hakuwa na uwezo wa

kuzungumza. Hakuwa na uwezo wa kuzungumza, kwa kuwa nilimuita hakuitika

wala kuniambia chochote. Alibaki akinitazama kwa hudhuni. Alipojitahidi

kuniongelesha niliona ulimi wake ukiwa umekatwa na kubaki kipande. Babu

aliniambia "hapa panaitwa Gamboshi, nitakutembeza kila sehemu uweze kuona

wabishi waliokuwa wakijaribu kukatisha mipango yetu duniani"

"umemfanya nini mama na mbona haongei"

wakati huo wote mama alikuwa akinitazama machozi yakimtoka. Hakuwa na

CHANZO:  https://deusdeditmahunda.blogspot.com/

tofauti na wale mazezeta ninaowafahamu. Babu alicheka kwa kejeli kisha

alikuwa akiongea huku akimtazama mama "huu ndiyo mshahara wa kukwamisha

harakati za mkuu wetu. Huyu si mama yako tena, sasa hivi ni msukule.

Atakuwa huku kwa muda mpaka siku yake ya kufa itakapofika"

niliwahi kusikia kuhusu misukule, lakini nilichofahamu mimi kuhusu watu

waliogeuzwa misukule nilidhani huenda ni wale walioishi katika maisha

ambayo hayakumpendeza mungu. nilijiuliza sana iweje wawe na nguvu ya

kumgeuza mama msukule? Wakati hadi wakati mama anakufa alikuwa akinena kwa

lugha ya kimbinguni, lugha inayonenwa na watakatifu tu?

wakati nikiwaza hayo, ghafla niliona kama sinema mbele yangu. Niliyaona

maisha ya mama yote upande wa pili mbali na ulokole ambao nilikuwa

nikiufahamu. Wakati mama akiwa duniani baada ya mume wake wa kwanza Joseph

ambaye ni baba yangu mzazi kufariki, aliishi katika mazingira magumu sana

kabla hajaolewa na mume wake huyu wa pili, Mzee Nyegezi. Aliwahi kushauriwa

na rafiki yake waenda kwa mganga apate mume tajiri ambaye atamuowa. Mama

alikubali. Masharti ya mganga yalikuwa ni vichekesho vitupu. Mganga yule

mbilikimo, alimtaka mama wafanye naye mapenzi, kwa madai kuwa hiyo ni njia

ya kumtumbukizia dawa katika mwili wake kupitia njia ya kujamiana. Mama

hakukubali.

Wa pili alikuwa ni yule mjukuu wa babu kutoka kigoma. Yeye alimshauri alale

na maiti mbili usiku wa manane katika makaburi ya kisutu. Mama alikataa

pia. Rafiki yake akawa amemchoka. "rafiki yangu mimi siwezi nikawa napoteza

muda wangu kila siku halafu wewe unakataa masharti unayopewa"

"sio hivyo rafiki yangu. yaani kweli unanishauri nilale na maiti jamani?"

"maiti si alikuwa binadamu kama wewe tu? Embu usiniangushe bwana. Siku moja

tu haidhuru jambo" nilisikitika sana picha ambayo ilioneshwa mbele yangu.

Mama alilala na maiti zote zilizofukuliwa kichawi katika makaburi yale yale

ya kisutu. Kisha baada ya kupata mume tajiri halafu kutokana na kushindwa

masharti ya mganga ya kuendelea kulala na maiti kila mwisho wa mwaka, ndipo

alipoamua kuokoka. Mama aliokoka akiwa na mume wake huyo huyo aliyempata

kupitia kwa mganga kwa masharti ya kulala na maiti mbili.

Chozi likaniponyoka. Ndipo nikaoneshwa saa chache kabla mama hajauwawa

kichawi na babu, alikuwa na hasira juu ya Mzee nyegezi. Alikuwa na chuki

ambayo alishindwa kumsamehe Mzee Nyegezi. Nikaogopa sana kufahamu kumbe

hasira na kutomsamehe mwingine kunaweza kusababisha mimi nishindwe kwenda

mbinguni. Nilimuonea huruma mama kila nilipomtazama. Babu alikuwa

akitutembeza katika mitaa ya sehemu hiyo ambayo alinitambulisha kama ni

Gamboshi. Ilikuwa ni mitaa ya kawaida kama mitaa ya duniani. Nilisema hivyo

kwa sababu hapa kulifanana kabisa na ulimwengu Fulani wa siri. Ulimwengu

ambao kulikuwa na viumbe vingine vyenye sura za binadamu lakini walipaa

kama ndege. NIlimuona kiumbe kimoja kilichonguzwa Vibaya na moto. Sura yake

ilikuwa imeharibiwa vibaya na kuwa iliyotisha. Nilimuuliza babu "huyu mbona

yupo hivi?"

Babu aliniambia "walokole duniani huwaharibu sana watu wetu huku Gamboshi

kwa maombi ya wanayoyamba" kisha aliniinamia na kunionesha mtu fulani

aliyekuwa mbele yetu, amevaa kaniki huku akipepeta unga katika ungo mkubwa

sana. "unamuona yule?"

Nilishituka sana. Alikuwa ni kijana fulani ambaye nilimfahamu kwa jina la

Fikiri. Alikufa miaka miwili iliyopita. Tulikuwa tukiishi naye mtaani. Yeye

alikuwa akiuza maji kwa kupitisha katika madumu kila nyumba. Watu wengi

walinunua maji yake na kuwa maarufu sana. Hata kifo chake kilihudhuriwa na

watu wengi sana. Lakini wengi walinong'ona msibani kuwa hakikuwa kifo cha

kawaida.

"alikuwa akicheza tu mpira akaanguka ghafla"

"itakuwa bibi yake. Maana inasemekana yeye ndiye mchawi maarufu"

rafiki zake Fikiri walifikiria hivyo na kunong'ona kwa nguvu kutokana na

jazba iliyojaza mioyo yao. Nilimuuliza babu. "fikiri alifanya nini?"

babu aliniambia "yeye hakuwa na tatizo. Ila alitolewa kafara na bibi yake."

bibi yake alikuwa mchawi na alilazimika kumtoa yeye Fikiri kwa sababu zamu

yake ya kutoa damu na nyama ilifika. Babu alinieleza kuwa hapo kuna kambi

nyingi za wachawi na wa kila aina. Lakini Gamboshi ndiyo kilikuwa kijiji

ambacho mkuu wao alikuwa akiishi. Nguvu zote za wachawi zilitoka katika

kijiji hiki. Ilikuwa ni kijiji cha wachapakazi na watu walikuwa busy kuliko

kawaida. Nilibahatika kuwaona watu wengi niliowafahmu huko duniani.

Babu akaniuliza Swali "je upo tayari kuurithi ufalme wangu mara

nitakapokufa?"

aliniambia huku akiwa na anatokwa na machozi ya damu. Sikuelewa hali hiyo

ilimaanisha nini ila nilishindwa kukubali haraka haraka. Lakini pia

sikupenda kufa mapema kama alivyokufa mama. Nilitambua fika ule ndio

ulikuwa mwisho wa kuonana na mama yangu. Mama aliondoka katikati yetu na

kuvalishwa kaniki nyeusi kama walizovaa wengine wengi katika kjiji

hicho. Baada

ya kutafakari sana kwa dakika chache baadaye nilimjibu babu. "babu naogopa

kuwa mchawi" Nilijibu kiuwoga. Nilijibu nikiwa namaanisha kweli ninaogopa

CHANZO:  https://deusdeditmahunda.blogspot.com/

kuwa mchawi. Tuliendelea kutembea katika mitaa mbalimbali ya kijiji hiko

cha wachawi.

Babu alitabasamu na kunigeukia "mjukuu wangu uchawi hauna madhara yoyote"

"babu hauna madhara?" Niliuliza kwa mshituko. Babu alicheka na kunijibu

kifupi



aliniambia huku akiwa na anatokwa na machozi ya damu. Sikuelewa hali hiyo

ilimaanisha nini ila nilishindwa kukubali haraka haraka. Lakini pia

sikupenda kufa mapema kama alivyokufa mama. Nilitambua fika ule ndio

ulikuwa mwisho wa kuonana na mama yangu. Mama aliondoka katikati yetu na

kuvalishwa kaniki nyeusi kama walizovaa wengine wengi katika kjiji

hicho. Baada

ya kutafakari sana kwa dakika chache baadaye nilimjibu babu. "babu naogopa

kuwa mchawi" Nilijibu kiuwoga. Nilijibu nikiwa namaanisha kweli ninaogopa

kuwa mchawi. Tuliendelea kutembea katika mitaa mbalimbali ya kijiji hiko

cha wachawi.

Babu alitabasamu na kunigeukia "mjukuu wangu uchawi hauna madhara yoyote"

"babu hauna madhara?" Niliuliza kwa mshituko. Babu alicheka na kunijibu

kifupi

"ndiyo, hauna madhara yoyote"

"babu mimi siwezi kula nyama ya mtu, kunywa damu ya binadamu wala mnyama,

siwezi kuua. Babu sitaki kuwa mchawi"

babu alizungumza na mimi kwa upendo hata nikajisikia faraja

"mjukuu wangu, nafasi niliyo nayo ni kuwaadhibu wale wanaokiuka masharti ya

mkuu wa ulimwengu huu hivyo wewe nawe utakuwa vivyo hivyo kama utakubali

kurithi nafasi yangu"

nilimuomba babu anipe muda nitafakari jambo hilo kwa muda. Babu alinipa

masaa machache hivyo alidai kuwa angelifuata jibu lake usiku. Tulipokuwa

tukiendelea kutembea tembea, nilishituka kumuona mtu ninayemfahamu kabisa.

Alikuwa ni mtu mmoja maarufu huko duniani. Alikuwa ni mwanasiasa

aliyeogopwa sana na vyama pinzani, pamoja na chama chake. Nilisikitika

kumuona akiwa pale. Amechoka, amekuwa mweusi tofauti na alivyokuwa kule

duniani. Nilipotaka kuzungumza naye, babu alinizuia.

"hapana Bella, wewe bado hujawa na nguvu za kuweza kuzungumza na misukule"

nikamuuliza babu "kwani huyu amefanya nini mpaka yupo mahali hapa?"

"yeye alitolewa kafara na mume wake, mume wake ni mfanyabiashara maarufu

lakini yupo katika chama kimoja maarufu kinachotoa kafara na kumwaga damu

kwa sababu ya utajiri"

nilitetemeka sana niliposikia hivyo. Baada ya muda, nikatamani kuzunguka

zunguka tu mule katika kile kjiji cha Gamboshi ili niweze kuwaona watu

mbalimbali ambao ninawafahamu.

Tulipita katika kijiji duni ambacho niliwaacha wale misukule sasa tukaingia

katika sehemu yenye uafadhali wa maisha katika shemu hiyo ya Gamboshi.

Babu alinieleza "kule tulipopita mwanzo, ndipo wanapoishi misukule. Lakini

huku ndipo ilipo ngome yangu na wachawi wengine wakubwa huko duniani."

mbele ya majumba mbalimbali ya kifahari. Yaliyojengwa kiufahari. Niliuona

mji Fulani ulikuwa uking'aa sana. Ulikuwa ni mji uliokuwa ukiwaka taa

zilizotowa mwanga mkali hata kufanya niuone mji ule ukipendeza sana.

Nikamuuliza babu "kule ni wapi na kuna nini?" Babu hakunijibu kitu na

kunieleza ile si sehemu nzuri kuifikiria wala kutamani kwenda. Alinieleza,

miaka mingi sana iliyopita ufalme wa falme ile ilijaribu kutaka kupindua

tawala ya mkuu wao na kushindwa. hivyo ilijitenga nao na kuwa maadui

wakubwa baada ya urafiki uliokithiri na kujikita katika ndani ya mishipa

yao ya damu kabisa, kupoteza mvuto. Sikutaka kuendelea kuuliza zaidi lakini

nilihisi jambo kuhusu mji ule niliouona. Mji ule na hapa Gamboshi tulipo,

kuliteganishwa na shimo moja refu liliokuwa likitokota uji mzito wa moto.

Tofauti ya mji ule na huu wa ngome ya babu ilipo. Japokuwa mji ule

ulipendeza na uling'aa sana lakini huu wa babu ulififia na kuwa kama wenye

giza Fulani lisiloeleweka. Babu alinitoa hapo na kunionesha sehemu ambayo

mkuu wao alikuwa akiishi. Alinieleza "mjukuu wangu, sehemu hii ni takatifu

sana. Watu wote maarufu uwajuao huko duniani, huja mahali hapa kumuomba

mkuu wetu utajiri na kusafisha nyota zao ili waweze kukubalika zaidi na

zaidi."

"ninaweza kumuona?"

niliuliza

"hapana, bado hujafikia viwango vya kukanyaga sehemu ile" tuliondoka mahali

hiyo na kurudi kule kwa awali. Kule kulipochosha. Kule niliposhuhudia

misukule ikifanya kazi kwa bidii. Kule ambapo naamini ningemuona tena mama

na nimuage kuwa ipo siku nitarudi kuja kumtoa. Nilimuuliza babu "hivi hawa

hufanya kazi kwa muda gani" Babu alicheka sana na kunieleza kuwa "hawana

mapumziko, hufanya kazi usiku na mchana na hupumzika mara moja tu kwa siku"

alinyamaza baada ya kumeza mate kasha aliendelea kunieleza "wakati ambao

umepangwa wa wao kula tu"

"na huwa wanakula nini?" akanijibu "unga na funza, ndio chakula chao kikuu"

CHANZO:  https://deusdeditmahunda.blogspot.com/

nilishangaa sana, ghafla machozi yalinitoka. Nilihuzunika kwa kuwa

nilifahamu mama yangu naye alikwisha kuwa msukule. Hivyo chakula chake

nacho kingekuwa ni hicho hicho. Nilimlaumu babu kwanini alimuuwa mama

yangu. Nililia kwa uchungu huku nikikimbia kusikojulikana. Nilikuwa sijuhi

wapi naenda ila nilipishana na misukule na vile viumbe vilivyopaa kama

ndege lakini wakiwa na maumbo ya binadamu. Ghafla Mbele yangu nilikutana

babu akinicheka kwa sauti ya juu sana. Aliniambia "Bella huku huna pa

kunikimbia" nilimjibu "babu nakuchukia, nakuchukia kuliko navyomchukia

shetani"

ghafla babu alinipiga kibao kilichonifanya nipoteze fahamu. Fahamu

iliyonitoa katika ulimwengu wa Gamboshi na kunirudisha duniani. Nilijikuta

nikiwa katikati ya watu wengi. Watu waliokuwa wakilia wakinamama

wamejifunga kanga zao. Wengine wakinipepea huku wakilia kwa uchungu

wakiliita jina la mama yangu.

niliposhituka nilipiga chafya mara tatu mfululizo. Watu walijawa na

mshituko. Niliwaona wengi wakiwa na maswali mengi sana juu ya kifo cha

mama. Mimi pia nilianza kulia kwa uchungu. Nilifahamu fika sitoweza kumuona

tena mama yangu katika ulimwengu huu wa kawaida. Watu walinibembeleza

lakini niliona kama walikuwa wakiniongezea uchungu zaidi. Walimuita Mzee

Nyegezi. Mzee Nyegezi alikuwa akizungumza na askari polisi waliofika eneo

la nyumbani kwetu. Watu walikuwa wamejaa sana. Hakika kifo cha mama

kilishitua wengi. Mzee Nyegezi na wale askari, walisubiri ninyamaze kulia

kisha waniulize maswali kadhaa. "pole sana binti" Alizungumza askari mmoja

aliyevalia sare zake.

"salama" kwikwi ilinibana, lakini nilijibu hivyo hivyo. Wakati huo huo

ambao askari wakiendelea kuzungumza, ghafla niliisikia sauti ya babu yangu

ikizungumza na nafsi yangu

"usiwaeleze chochote askari kuhusu kifo cha mama yako, wajibu hufahamu kitu"

nilipopata kigugumizi cha kujibu kutokana na sauti niliyoisikia, macho

yangu yakapata mshangao zaidi nilipomuona babu mbele yangu. Alikuwa kwenye

msiba huo kama waombolezaji wengine wa kawaida. "unaweza kutueleza

chochote ulichokiona?"

askari mmoja akalirudia Swali aliloliuliza zaidi ya mara tatu. Sikulisikia

kutokana na uwoga na nilijifanya sikuliskia kwa kuwa jibu walilotaka sikuwa

tayari kuwajibu.

walinipa muda wa kupumzika zaidi. Huku nikisikia kuwa, mwili wa mama upo

hospitali kwa ajili ya uchunguzi. Bado nilikuwa katika woga zaidi. Watu

mbalimbali waliingia katika chumba nilichomo kunipa pole. Nilimuona Jordan

mpenzi wangu. Nilimuona Bertha rafiki yangu na wanafunzi wenzangu wa

shuleni. Dakika chache baadae aliingia mwanamke fulani mwenye mwili mpana

na uso wa mviringo. Uwazi Fulani katikati ya meno yake ukamfanya awe na

mwanya hata akapendezesha kwa jino la dhahabu. Alijitanda kanga juu, chini

akakivaa kitenge kutoka kongo.

sikuwahi kumuona hata siku moja. Aliniambia "pole sana Bella" Nilikuwa

nikimtazama kwa makini bila kukumbuka ni wapi niliwahi kumuona. Nilimjibu

"asante, sijuhi niliwahi kukuona wapi?" akanijibu. "Gamboshi," hapo hapo

nilipoteza fahamu na kuisalimia sakafu kwa kuibusu. Dakika chache baadaye

niliamka kutoka usingizini. Nilijikuta katikati ya kundi kubwa la watu

wakinisikitikia. Kila mmoja alisema lake

"kufiwa na mama si kitu cha mchezo"

"tena kuna tetesi alikuwa naye" mwingine alisema "mama yake amekufa kifo

cha kinyama sana" Nikaanza tena kulia kwa uchungu. Nililia sana kwa sababu

nilifahamu fika chanzo na sababu ya kufa kwa mama yangu ni kuzuia harakati

za babu mimi kuwa mchawi. Nikiwa katika kulia huko sikujua nilipata hisia

gani hata zikanigusa nitazame nyuma ya mlango wa chumba nilichomo.

Nilimuona mama akiwa hana uwezo wowote wa kuongea.

Nilizidi kulia. Mbele yangu akatokea babu na kunieleza kuwa. "sasa umeweza

kuwa mchawi" Nilishituka sana. Sikujuwa ilikuwaje nikawa mchawi bila

kukubali mwenyewe na ilikuwa saa ngapi nikawa mchawi. Babu aliongea na

mimi bila mtu yeyote kufahamu kama nilikuwa nikizungumza na babu

"uliniambia nikupe jibu jioni kama nimekubali, imekuwaje uniambie nimekuwa

mchawi sasa?" Alicheka sana kisha aliniambia

"mjukuu wangu unatamani utajiri na nyota yako inawaka sana"

"hujajibu swali langu babu"

"ipo siku utanielewa acha tuyamalize haya ya msiba kwanza"

alipotaka kutoweka mbele yangu nilizishangaa nguvu nilizonazo. Niliweza

kumzuia.

"mama anafanya nini hapa?"

nilimuuliza huku nikiangalia eneo la mlangoni. Babu naye aligeuka kuangalia

alipo mama. Alinigeukia huku akitabasamu kifedhuli na kuniambia

"atakaa pale mpaka mtakapomsalia katika mazishi yake. Ule mwili ambao

wameenda kuufanyia uchunguzi si mwili bali ni mgomba. Usiogope, hana uwezo

wa kufanya lolote pale na hakuna anayemuona"

nilisonya kwa hasira na babu alitoweka hapo hapo. Nilisonya kiasi kwamba,

CHANZO:  https://deusdeditmahunda.blogspot.com/-

hata waombolezaji wengine walishituka. Mama mmoja aliniuliza "kuna nini

Bella?"

nilitingisha kichwa nikikataa kuwa hakuna kilichotokea. Nikatoka nje,

nilishangaa kumkuta babu akiwa pale pale nilipomuona mchana akiwa na wale

askari pamoja na Mzee Nyegezi. Mzee Nyegezi naye alinifuata na

kuniuliza "unajisikiaje

sasa Bella" nilimjibu tu, ilimradi

"vizuri" akaniuliza "Nyama ya mama yako ni tamu?" alikuwa akinichekea kwa

kunikejeli. Akaamsha hasira zangu. Nilimuangalia Mzee Nyegezi kwa jicho la

chuki hata nikamuona akianza kutokwa na jasho jingi sana. Nilijihisi nikiwa

na nguvu za ajabu, nguvu za kumuadhibu yeyote kwa kumtazama tu. Ilikuwa

inashangaza.

Muda wote huo babu alikuwa akinitazama. Alikuwa akitabasamu kwa raha sana.

Nilimuona Mzee Nyegezi akilalamika. "Bella unaniunguza na macho yako". Nikampa

onyo

"ole wako umueleze yeyote kuhusu msiba wa mama"

"nisamehe Bella usiniadhibu sintomueleza yeyote"

taratibu za mazishi ziliendeshwa na famila ya mama mkubwa. Ndugu na

marafiki wa mama walijumuika pamoja kumsindikiza mama katika safari yake ya

mwisho. Watu walikuwa ni wengi sana. Siwezi kusema kuwa nilihesabu idadi

yao, kwasababu nisingeweza. Misa takatifu ya kumuombea mama, ilifanyika

katika kanisa la katoliki mule mule ndani ya hospitali ya muhimbili.

Nilishituka kumuona yule mama aliyenitokea mule chumbani kichawi, akiwa

kwenye madhabahu huku akitoa maelekezo

"mwili wa mama yake Bella hautafunuliwa kutoka katika jeneza lake kutokana

na wingi wa watu pamoja na kifo alichokufa. Hivyo tumeamua kuweka picha tu

ambayo mtapita mkitoa heshima zenu za mwisho kwa kupita njia hii na

kuelekea nje ambapo kuna magari ya kuwapeleka makaburini." Nilimgeukia Mzee

Nyegezi aliye pembeni yangu, nikamuuliza

"hivi huyu mama ni nani?"

"nimetambulishwa na babu yako kuwa ni ndugu wa mama yako"

"na babu si ni baba wa baba yangu? Imekuwaje yeye afahamu ndugu wa mama

yangu?"

"sifahamu Bella naomba uniache kidogo"

tulienda kuaga kwa taratibu tulizoelekezwa na yule mama. Nilijaribu

kumtafuta, lakini sikumuona tena eneo hilo la msiba. Mpaka tulipoingizwa

kwenye magari ya kuelekea makaburini kuuzika mwili wa mama.

Baada ya mazishi tulirudi nyumbani. Baada ya siku chache baadaye, msiba

ulipomalizika maisha yalikuwa shwari wala babu na yule mama wa maajabu

hawakutokea tena. Siku moja nikiwa shuleni pamoja na rafiki zangu, alikuja

Berther na kunieleza kuwa "kuna mtu kule nje anakuita" nikamuuliza

"mwanamke mwanaume?"

"mmama mmoja hivi, ila niliwahi kumuona msibani kwenu"

mimi nilitoka mbio mpaka getini kumtazama huyo mama. Mawazo yalijua fika ni

yule mjumbe wa wachawi kutoka Gamboshi. Alifuata nini kwangu? alitaka nini?

Nilipofika getini, sikukuta mtu. Nilipotaka kugeuza na kurudi ndani.

Nilimuona babu amesimama pembeni ya ukuta wa shule akicheka "vipi mbona una

wasiwasi?" aliniuliza ghafla. "babu yule mwanamke ni nani?" nilifahamu

fika anafahamu ninachozungumzia. Alicheka bila kunipa jibu lolote.

Nikamuuliza tena "umekuja kufanya nini hapa?" alinijibu "nataka ukadhuru

Gamboshi mara ya mwisho kabla hujarithi kiti changu" moyo wangu ukaanza

kwenda mbio sana. Ghafla mbele yetu tuliposimama, lilikuja gari la maajabu

na ndani yake abiria walikuwa uchi wa mnyama. Nikisema gari la maajabu,

namaanisha gari lile lilipita eneo la shule bila hata kufunguliwa geti na

wala hakukuwa na barabara eneo hilo. Tulielekea gamboshi. Tulipoingia ndani

ya lile gari la kichawi, sikuwa muoga tena. Niliwaona watu walio nadhifu

kimavazi kuonesha walikuwa na uafadhali wa kifedha. Watu hao walijitundika

ndani ya suti nyeusi mikononi walizibeba biblia. Nikajinong'oneza

"wachungaji?" nilishituka sana. Ilibidi, nimuulize babu. "hawa si watumishi

wa mungu?" Babu alinipiga kibao kikali sana na kunikataza kwa kuniambia

kuwa, jina hilo halikuruhusiwa kutajwa eneo lile. Kisha aliniambia kuwa

"hawa si watumishi wa huyo anayedhaniwa kuwa aliwaumba binadamu"

nilimeza mate nikiugulia maumivu huku nikiwaangalia wale watu waliokuwa

kimya muda wote. "sasa huku Gamboshi, wanaenda kufanya nini?"

Babu alicheka kicheko kisicho na ladha ya kuitwa kicheko. Kisha aliniambia

kuwa

"hawa ni wachungaji maarufu sana huko duniani wanaolihubiri jina la mkuu

wetu kupitia hizo dini zao. wachache huwafahamu kama wakiwa pamoja nasi

katika ulimwengu huu wa Gamboshi" Nilikuwa nimetumbua macho muda wote.

hakika ilikuwa habari ya kushangaza na kutisha muda wote. Kisha babu

aliendelea kuniambia. "wengi wamepata nguvu ya uponyaji kutoka kwa mkuu

wetu. Unapoponywa na mmoja kati ya wachungaji hawa, lazima wewe uwe mmoja

wa wanachama wa kuleta watu wengine wengi katika ulimwengu wa mkuu wetu."

sasa ndio nikakumbuka mama aliwahi kuniambia mwisho wa dunia yatatokea

mambo mengi ya kutisha na kushangaza. Manabii wengi wa uongo wataponya.

viwete wakatembea, viziwi wakasikia na mabubu kupiga yowe; nikiona ishara

CHANZO:  https://deusdeditmahunda.blogspot.com/

hizo nisihangaike katika kukimbilia miujiza nisimamie imani yangu. Mwili

wangu ukasisimka hata vinyweleo vikasimama. Nilimgeukia babu na kumuuliza.

"mbona gari imesimama na hawa wanashuka?" babu alinieleza kuwa "hawa ni

wachawi ambao wanaenda kuongezewa vyeo kwa kazi walizofanya bada ya kutumwa

na kuzifanikisha. Hupewa fisi wa kutembelea ama mnyama yeyote. Hongezewa

nguvu pia kwa kujilinda na maadui na nguvu za walokole"



ITAENDELEA