NILIONGEA NA SHETANI ILI NIWE TAJIRI - 2

 

Simulizi : Niliongea Na Shetani Ili Niwe Tajiri

Sehemu Ya Pili (2)



 "hawa ni wachungaji maarufu sana huko duniani wanaolihubiri jina la mkuu

wetu kupitia hizo dini zao. wachache huwafahamu kama wakiwa pamoja nasi

katika ulimwengu huu wa Gamboshi" Nilikuwa nimetumbua macho muda wote.

hakika ilikuwa habari ya kushangaza na kutisha muda wote. Kisha babu

aliendelea kuniambia. "wengi wamepata nguvu ya uponyaji kutoka kwa mkuu

wetu. Unapoponywa na mmoja kati ya wachungaji hawa, lazima wewe uwe mmoja

wa wanachama wa kuleta watu wengine wengi katika ulimwengu wa mkuu wetu."

sasa ndio nikakumbuka mama aliwahi kuniambia mwisho wa dunia yatatokea

mambo mengi ya kutisha na kushangaza. Manabii wengi wa uongo wataponya.

CHANZO:  https://deusdeditmahunda.blogspot.com/

viwete wakatembea, viziwi wakasikia na mabubu kupiga yowe; nikiona ishara

hizo nisihangaike katika kukimbilia miujiza nisimamie imani yangu. Mwili

wangu ukasisimka hata vinyweleo vikasimama. Nilimgeukia babu na kumuuliza.

"mbona gari imesimama na hawa wanashuka?" babu alinieleza kuwa "hawa ni

wachawi ambao wanaenda kuongezewa vyeo kwa kazi walizofanya bada ya kutumwa

na kuzifanikisha. Hupewa fisi wa kutembelea ama mnyama yeyote. Hongezewa

nguvu pia kwa kujilinda na maadui na nguvu za walokole"

kisha aliendelea kunieleza kuwa, wale wachawi wanaelekea eneo ambalo

kulikuwa na joka kubwa lenye vichwa vitatu. Joka hilo, ni kubwa sana. Joka

linalotowa nguvu hiyo. Vichwa hivyo vina sura za binadamu zinazotisha. Kwa

mtu wa kawaida huwezi kuzitazama zaidi ya sekunde tano bila nguvu za

kichawi, utazimia au kufa kabisa. Babu aliponieleza hayo niliogopa sana.

Siwezi kueleza kiasi nilichoogopa lakini hata wewe nikusimuliaye hadithi

hii, bila shaka unatetemeka. Basi gari lilikuwa linaenda kwa kasi kama

treni ya umeme. Tulipofika eneo Fulani, mimi na babu tulishuka na wale

wachungaji waliendelea na safari.

nilimuuliza tena babu "kumbe kule bado kuna safari nyingine ndefu?"

Alinijibu "kule ndipo mwisho wa safari, kule ndipo alipo mkuu wetu, kule

ndipo nilipokuonesha siku ile ya kwanza na kukuelekeza ile ni sehemu

takatifu sana. Ipo siku utakwenda ukishakuwa na nguvu za kutosha na

kukabidhi madaraka niliyonayo."

lile gari halikuchukuwa muda mrefu likawa limeshapotea machoni pangu. "sasa

mimi nimekuja kufanya nini huku ikiwa mimi bado sijawa mchawi?"

babu alicheka kama kawaida na kuniambia "wewe ni mchawi tayari ila huna

nguvu za kutosha za kukutana na mkuu wetu." Nilijiuliza mara kwa mara huyo

mkuu anayetajwa na babu sana, atakuwa ni nani? lakini sikupata jibu. Katika

kutembea na kuzuru eneo ambalo misukule walikuwa wakifanya kazi kulingana

na kazi zao au vipaji walivyokuwa navyo huko duniani, tuliingia katika

jengo moja ambalo babu aliniambia hiyo ni hospitali ya hapo Gamboshi.

Niliuliza

kwa mshangao "Hospitali? Kwani huku nako watu hupigania uhai?"

babu alinieleza " hiyo ni sehemu ya kubadilishana viungo baina ya misukule

na wachawi ambao huumizwa na nguvu za maombi ya walokole." Babu akanieleza

jambo moja ambalo hata leo silisahau "wachawi hawaogopi biblia wala jina

la huyo aliyekuja akasulubiwa msalabani(yesu) bali kwa hao wanaojifanya

wanaomfuata huyo mtu wao" hapa babu alinieleza kwa maneno ya kashfa sana.

Maneno ambayo yalimdhihaki Mungu. M Sikupenda niyaandike yote. Mara

nikamuona msukule ambaye alikuwa akifanyiwa jambo kama operasheni.

Alitolewa mguu na kubandikwa mtu mmoja aliyekuwa uchi akiugulia maumivu.

Babu alinieleza kuwa yule ni mchawi aliyevunjwa mguu na nguvu za maombi. Babu

akanigeukia na kunieleza "leo tutakuwa na safari ndefu kidogo huku

Gamboshi. Lakini isiyochosha. Leo ni siku ambayo utakabidhiwa utawala wangu

na utakuwa msichana wa kwanza tangu ulimwengu huu ulipoumbwa kwa kushika

nafasi kubwa kama hii. Mkuu wetu amependezwa na mg'ao wa nyota yako hivyo

ameamini akikutumia wewe atapata wafuasi wengi. Hakuna falme itakayoshinda

mara itakapojaribu kujiinua kupigana na wewe. Utakuwa msichana mwenye nguvu

za ajabu na utajiri usioelezeka. Ila kuna masharti utakayopewa ukiyatimiza

hayo utakuwa umenifurahisha sana."

Alinipiga piga mgongoni nikahisi kama nimeshikwa na nyaya za umeme.

Nilitetemeshwa.

Nilimuuliza babu nikiwa na tabasamu "babu sasa kwanini mkuu wenu ameamua

kunichagua mimi ikiwa bado mimi ni binti mdogo? Na nisiye na uwezo wowote

kifedha?"

"swali zuri sana. wakati wote nakueleza kuwa mkuu wetu amependezwa na nyota

yako hiyo ndio sababu iliyomvutia mkuu wetu" aliyameza mate kisha

aliniambia "mkuu wetu ana utajiri mkubwa yeye haihitaji sadaka" kisha babu

alicheka kifedhuli.

niliacha kuuliza maswali na kuendelea kuzuru Gamboshi kama mtalii. Nikaona

kikao kimoja klichohudhuriwa na watu wengi sana, kikiwa kinaongozwa na joka

kubwa yaani joka lile lilikuwa kubwa kupitiliza. Joka lile lilikuwa

likiwatemea wale watu mate yake. Cha ajabu mate yake yalikuwa mengi kila

alipokuwa akiwatemea ikawa kama ilikuwa inanyesha mvua. hivyo kila mmoja

aliye katika kikao kile alilowa chapachapa. babu alinieleza kuhusu joka

lile.



"yule ni mdogo sana kwangu, ni mtu wa heshima sana huko Nigeria yeye

hugawa nguvu na kukubalika pamoja na kufunguka kwa milango yao ya pesa

lakini bado hajafika katika wadhifa wangu yeye hapa ni sawa na waziri mkuu

huko duniani" Nilijiuliza sana moyoni

'sasa babu atakuwa ni nani ikiwa huyu nyoka mkubwa, anayetisha angekuwa yu

chini ya babu?' ilibidi nimuulize "sasa wewe ni nani katika wadhifa wako?"

Babu alicheka, wala hakuniambia wadhifa wake. Ila nilimuuliza tena "kwa

hiyo babu wale ni matajiri wa wapi?" alinijibu kwa majivuni "wale ni

CHANZO:  https://deusdeditmahunda.blogspot.com/

matajiri kutoka katika kila pembe ya dunia si wa Nigeria peke yake"

hapo nikawa nimeelewa. Nilimuuliza swali lingine tofauti "hivi babu! yule

mwanamke aliyekuja pale nyumbani siku ya msiba wa mama, akajitambulisha

kuwa alitokea Gamboshi alikuwa ni nani?" hili nalo hakunijibu. Aliita jina

moja nisilolifahamu kwa sauti iliyotetema kama radi. "Consolathaa!" Fumba

na kufumbua mbele yetu akatokea yule mwanamke aliyekuja siku ile nyumbani

kwenye msiba wa mama. Alikuwa ni mchafu na kunuka sana. Alikuwa ni huyo

aliyeitwa na babu kwa jina hilo la Consolatha. Babu akanieleza hadithi fupi

iliyomuhusu Consolatha. "huyu ni mwanangu wa kike wa pekee niliyemzaa

baada ya baba yako kuacha ziwa katika miaka mitatu iliyopita kwenye uzao wa

bibi yako. Mizimu ikapendezwa naye lakini alifanya kosa dogo la kijinga

katika masharti aliyopewa na mkuu"

wakati ambao babu alikuwa akinielezea hayo, Consolatha alikuwa amepiga

magoti akiwa ameinamisha kichwa chini kwa heshima kama akisujudu mbele yetu.

Babu aliendelea kunieleza "yeye aliambiwa ile damu iwatokayo kila mwezi

ahiifadhi katika kikombe na kukiweka kwenye kitanda alaliacho na baada ya

kukata, amletee mkuu wetu na iwe kama kiapo chake kwa kuinywa kikombe

kimoja" babu alikohoa, akameza mate kisha aliendelea

"yeye alishindwa kwa kuona eti ulikuwa ni uchafu" mimi mwenyewe nilikunja

sura kwa kuona ni uchafu niliona kuwa ni jambo ambalo lisingewezekana.

Kunywa uchafu uliotoka mwilini mwangu? Ni heri niukose huo umalkia.

Nilimsalimia shangazi. Baada ya kuniitikia salamu yangu alitoweka. Babu

akaniambia "hata wewe usithubutu kwenda kinyume na masharti ya mkuu.

Utapata shida huku Gamboshi, duniani na popote utakapokuwa unaenda"

niliteteeka kwa uoga sana. Niliitikia tu bila kumaanisha kama nimeelewa

alichoniambia. Akaniambia tena "sasa muda wa kwenda kukuapisha na kukupa

nguvu umefika. Lakini kama haupo tayari kupewa masharti utakayopewa ni heri

usikubali."

hapo ni kawa mzito kukubali. Sikujua niseme lipi kati ya "ndiyo ama hapana"

lakini nilijipa moyo kuwa masharti ambayo ningepewa huenda ningeyaweza. Babu

akaniamuru nivue nguo nilizovaa "vua zote ubaki kama ulivyozaliwa"

Nilikataa.

"usiogope, hutabaki uchi kila mahali utakapokuwa unaenda, kuna nguo ambazo

nitakuvalisha kwa ajili ya utukufu mbele za mkuu" Bado nilikataa. Punde si

punde dakika chache mbele nilijishangaa kuona nimevaa gauni lenye rangi ya

zambarau. Kiunoni mshipi wa rangi ya damu ya mzee pamoja na viatu vya rangi

ya dhahabu. Hakika nilipendeza sana. Nilipendeza kupitiliza. Nywele zangu

zikawa laini kama sufi na ngozi yangu iliteleza kama mtoto mdogo. Ule uzuri

niliokuwa nikisifiwa kule duniani, niliona kama uchafu, huku Gamboshi

ulikuwa maradufu. Nilitamani kujitazama muda wote. Tabasamu likanipoyoka

na kumzawadia babu lile maridhawa. Babu alikuwa akinitazama huku

akitabasamu kiukweli.

aliniambia. "nilikueleza huku hakuna kinachoshindikana" kisha tulipotea na

kutokezea katikati ya kundi kubwa la watu. Wake kwa waume wakiwa wamefurahi

kupita kiasi.

Nilimuuliza babu "Hawa wamefurahi nini?"

Babu alikuwa na furaha sana siku hiyo, alinishika mabegani na kuniambia

"hawa wote wapo eneo hili kushuhudia msichana wa kwanza akikabidhiwa

mamlaka makubwa na mazito ndani ya Gamboshi haijapata kuwahi kutokea tangu

kuumbwa kwa ulimwengu msichana aliyechaguliwa na mkuu mwenyewe wa ulimwengu

huu. hakika ni furaha iliyoje kwa ukoo wangu na watu wote wa Matonde" babu

alicheka sana. Alicheka, akacheka kupitiliza. mimi nilijisikia ufahari

kuona kila mtu akicheza na kunisujudia mbele yangu. Watu walikuwa ni wengi

sana. Wengi walikuwa wamefunika sehemu zao za siri na ngozi ya mnyama. Fisi

na wanyama wengine nao walikuwepo kila nyuso iliyokuwa mahali pale

ilionesha uchangamfu na furaha iliyoje nilicheka usoni na moyoni tabasamu

likachanua hakika. kikaja kiumbe cha ajabu. Kiumbe kilichotetemesha

Gamboshi nzima.



ulikuja upepo ukavuma kwa muda mrefu sana. Kabla ya kusikika kelele za hapa

na pale, kulikuwa na radi iliyopiga na kutoa cheche kutoka kila kona ya

sehemu zote za Gamboshi. Ufinyu wa mwanga haukuwepo tena, kiumbe hicho

kiling'aa sana. Kilikuwa ni kiumbe kirefu na kikubwa sana. Kila kiumbe

hapo Gamboshi kilisujudu mbele ya kiumbe kile, hata babu pia. Mimi

sikufanya chochote kwakuwa nilikuwa nimekalishwa mbele ya kiti pembeni na

ambacho angekaa yeye kiumbe huyo. Alikuwa na macho yaliyong'aa sana. Mfano

wa macho yake yalivyong'aa ni sawa na paka uliyemmulika gizani sehemu za

machoni. Hakuwa na macho mawili, jicho moja tu tena lilining'inia juu ya

paji la uso. Mdomo wake ulikuwa mkubwa sana na kichwa chake kilikuwa kama

ndege aina ya korongo. Wote waliosujudu waliongea vitu ambavyo haikuwa

rahisi mimi kufahamu walizungumza nini. Lakini waliongea lugha ya tofauti

na Kiswahili na wala haikuwa kiingereza. Niliendelea kuwatazama, wakati

kiumbe yule wa ajabu mwenye mwili wa nyoka sehemu ya chini ya kiuno chake

CHANZO:  https://deusdeditmahunda.blogspot.com/

baada ya kiwiliwili cha juu , kukaa sehemu aliyoandaliwa. Yeye alivaa joho

la rangi ya dhahabu. Dhahabu iliyong'aa sana. Hata viatu vyake vilikuwa ni

dhahabu tupu. Alikuwa anatoa ala za muziki kila atembeapo. Ala zile

zilipendeza sana kuzisikiliza. Kichwani alikuwa na taji la dhahabu

lililomeremeta sana. Alishika kitabu Fulani kikubwa ambacho sikukifahamu.

Alionesha kuwa na furaha sana. Alipokuwa akinitazama muda wote, alikuwa

akicheka kwa furaha.

aliliita jina langu huku akicheka

"Bella"

kabla sijageuka kukitazama kile kiumbe, eneo lote la Gamboshi likalipuka

kwa makofi yaliyokuwa yakipigwa kila kona ya mkutano huo. Niliogopa sana

kukaa karibu na kile kiumbe. Kikiongea kilikuwa kinatema moto

nikamfananisha na zile katuni za dragoni. Mwili wote ulijaa jasho kwa uoga.

Kile kiumbe kilitamka

"usiogope mwanangu Bella"

kikacheka sana, kisha kiumbe kile kikaendelea kuniambia

"mimi ni mkuu wa wakuu wa ulimwengu huu. Mimi ndiye baba wa wababa wa

vizazi vyako vyote vilivyopita. Mimi ndiye niliyekuandaa wewe kuja kurithi

falme atakayoiacha Babu yako Mzee Matonde, mimi ndiye Lucifer mtakatifu

kuliko wote awaye"

nilshituka kwa mshangao ambao sikutarajia. Sikuzimia kutokana na hali kuwa

mbaya eneo hilo. Macho yangu yalipokuwa yakielekea eneo la usingizi mzito

wa kupoteza fahamu, mimi nilishindwa kuzimia kutokana na uoga.

Nilimkodolea macho.

Sikuamini ambacho kilikuwa kikitokea kwa wakati huo, Niliona kama ndoto.

Kiumbe kile kikabadilika kikawa binadamu aliyevutia sana. Alikuwa ni mzuri

kuliko mvulana mzuri yeyote ambaye uliwahi kumuona duniani.

Hakikutisha tena.

kila kiumbe katika mji wa Gamboshi kilipiga kelele. Yule kiumbe wa ajabu

akafura kwa sifa kwa heshima aliyopewa.

Alisema

"ninao utajiri wa kutosha pamoja na nguvu nyingi. Mimi si mchoyo kwa yeyote

aniombaye. Hutoa vipawa na karama kwa kila mtu anifuataye. Mimi humbariki

kila mmoja lakini kuna adhabu kali kwa yeyote akiukaye maagizo yangu"

nilimuona yue mtu aliyejiita Lucifer, akiwa amefura kwa hasira na uso wake

kujikunja sana. Hakika alikuwa na hasira na ghadhabu sana. Mimi sikuwa

nikimsikiliza kwa umakini ila niliogopa sana kwa kuwa sikuamini kama

nimekaa karibu kabisa na yule wanayemuita shetani. Niliwaza mengi sana.

Nilitetemeka kwa uoga lakini haikusaidia.

labda nikuambie kitu. Huyu kiumbe ndiye yule aliyewahi kuwa mmoja wa

malaika wakuu huko mbinguni. Yeye alikuwa na kazi ya kumsifu na kumuimbia

mungu.

Aliitwa Lucifer.

baada ya kujiona yeye ni mmoja kati ya malaika walioumbwa vizuri kuliko

malaika wote, akapatwa na kiburi. Kiburi cha kutaka kumpindua mungu. Kama

utakumbuka mwanzo wa safari yangu ya huku Gamboshi, nilimuuliza babu kuhusu

ule mji ambao niliuona kwa mbali ukiwa unang'aa na kupendeza. Akaniambia

kuwa ule si mji mzuri kufikiria wala kutamani kuingia. Akasema kuwa kule

ndipo alipokuwepo mkuu wao hapo mwanzo. Basi eneo lile naweza kusema ndio

mbinguni na yeye Lucifer akatupwa ulimwenguni katika ziwa la moto. Kutokana

na adhabu kuwa kali, aliapa kuondoka na kila mwanadamu wa kumdanganya. Ila

kipindi hiki ambacho nilikuwa Gamboshi sikuweza kuwa na ufahamu wa kutosha.

Hivyo niliendelea kukaa nikifurahia utukufu niliopewa. Watu walianguka

miguuni mwangu kwa kusujudu. Nilijisikia ufahari sana. Sikujuwa kuwa

nilifungwa ufahamu wangu.

yule kiumbe wa ajabu akaendelea.

"leo nitakukabidhi utawala wa babu yako. Utawala wa kusimamia Gamboshi na

kushika wadhifa mkubwa Duniani. Utakuwa mtu wa heshima hapa na huko

duniani. Utajiri utakutafuta na si kuutafuta kwa jasho. Mdomo wako utakuwa

Baraka kwa kila ukinenacho na kukitamka. Laana iwe juu ya kila mtu

atakayekulaani"

babu alisogea mbele yangu. Babu alikuwa amevaa joho la rangi ya zambarau

pia, kama gauni langu. Alikuwa amevaa taji kubwa kichwani mwake. Alishika

fimbo mkononi.

yule kiumbe wa ajabu alipomuona babu, alicheka kwa sauti kubwa sana.

hakucheka kwa karaha bali fedheha. Hapa nikagundua mbali ya ubinadamu

halisi hakuna kiume kilichocheka kwa kumaanisha furaha halali. Babu

alilivua taji lake na kunivisha mimi, pamoja na kunikabidhi pete yake.

Fimbo yake pia alinipatia; yule kiumbe wa ajabu akapaza sauti

"nakukabidhi rasmi utawala wa babu yako. Utawala uliotukuka Gamboshi na

ulimwenguni kote. Upate heshima nchini mwako na nje ya nchi. Uwe na utajiri

wa kutosha kwa kutumia pete hiyo. Fimbo hiyo itibu kila ugonjwa

utakaosumbua kila mtu akuombaye msaada, taji hilo uwe malkia wa ulimwengu

CHANZO:  https://deusdeditmahunda.blogspot.com/

mzima lakini hayo yote ni baada ya kutimiza masharti haya nikupayo"

alinyamaza kwa muda kabla hajaendelea. Babu alinitazama kwa jicho la

huzuni. Sikujua ilikuwa hivyo kwanini.



Fimbo hiyo itibu kila ugonjwa

utakaosumbua kila mtu akuombaye msaada, taji hilo uwe

malkia wa ulimwengu mzima lakini hayo yote ni baada ya

kutimiza masharti haya nikupayo"

alinyamaza kwa muda kabla hajaendelea. Babu

alinitazama kwa jicho la huzuni. Sikujua ilikuwa hivyo

kwanini. Mimi nilitabasamu kumpa moyo babu kuwa

ningeyaweza yote ambayo ningeambiwa. Yule kiumbe wa

ajabu, alikohoa kisha alizungumza.

"masharti hayo ni kwamba tunamuhitaji yule mpenzi wako

kama kafara. Ndugu jamaa na raiki zako hapa Gamboshi

wanywe damu yake na kuila nyama yake katika sikukuu

ya kukabidhiwa utawala wako" nilifahamu kuwa huyu

kumbe alikuwa akimaanisha Jordan. Nilinyamaza

kumsikiliza. Aliendelea

" Pia usiongee na mtu yeyote kwa siku nzima mara

utakapoamka leo ukitoka hapa Gamboshi. Usithubutu

kulowa maji kwa muda wa siku tatu ikiwa mvua ama

kuoga kufanya hivyo utatoa utawala wako katika koo

nyingine na adhabu yako itakuwa ni kuongea milele na

kutoa siri zako ovyo kwa yeyote hata usiyemfahamu.

Wewe na maji mtakuwa maadui mpaka unakufa"

sikukubali haraka. Mkutano mzima ulikuwa kimya kusikia

kama ningekubali kufuata masharti ya kiumbe huyo wa

ajabu. nilinyamaza kimya kwa muda. Babu aliuinua uso

wake na kupaza sauti "Bella mjukuu wangu tunasubiri jibu

lako ili tuweze kutawanyika"

niliendelea kunyamaza. "na kama hutajibu leo, usitarajie

kuamka milele siku ya kesho ukitoka hapa Gamboshi"

nikaipata sauti yangu kwa uoga wa kitisho cha kiumbe

huyo wa ajabu nikasema. "nitatimiza kila ninalopaswa

kulitimiza" mkutano mzima ukalipuka kwa shangwe. Kila

mtu alifurahi sana, furaha ikazidi kupitiliza. Babu

alipongezwa kwa kuimaliza kazi, kazi ya kunikabidhi

mikoba. Kazi iliyomchukua muda mrefu kuikamilisha. Kazi

iliyopingwa na mama kwa muda mwingi, sasa ikawa

kama kumsukuma mlevi. Kile kiumbe kikapotea kikiwa na

furaha ya ajabu. Niliwaona wale wachawi wa Gamboshi

wakila na kunywa. Nilipotoka kitini na kwenda kujumuika

nao, nilistaajabu sana. Nilistaajabu kuona wakinywa damu

ya binadamu kwa furaha wakitafuna nyama ya mtu. Babu

alinipongeza kwa kuniambia kuwa "umefanya jambo zuri

sana" alinikabidhi nyama ya mtu ambayo niliikataa.

Sikuwa mzoefu ghafla kiasi hicho kuanza kula nyama ya

binadamu mwenzangu. Ila kutokana na jinsi ilivyochomwa

na babu alivyonilazimisha niinywe, nilijishangaa nikikakata

pande na kulitia mdomoni. Ama kweli ndio maana

tulikatazwa tusimle binadamu mwenzetu. Nyama ilikuwa

ni tamu kupitiliza. Hakuna mnyama yeyote iwe wa

kufugwa ama wa porini, aliupita utamu wa Binadamu. ila

babu alilinisisitiza sana nisifanye kosa katika masharti

niliyopewa

"nitakuwa sina jinsi ya kukusaidia katika hili ukifanya

kosa. Kwa kuwa umekubali mwenyewe" aliniambia

"Hakikisha unatimiza yote uliyoambiwa"

nilimkubalia babu huku moyoni nikiwa na jambo

ninalolifikiria. Mawazo yangu moyoni, hayakuwa juu ya

utawala wala wadhifa niliokabidhiwa. Mawazo yangu

yalikuwa kwa Jordani. Sura ya Jordani ilikuja kwenye akili

yangu na kunipotea kila nikikumbuka sharti nililopewa na

yule kiumbe. Jordan mwanaume niliyempenda kuliko kitu

chochote katika hii dunia. Sikutaka nimpoteze Jordani, si

kwenye kifo hata kwa mwanamke mwingine. Ndio maana

nikachuma bibo kutoka katika mti wa mkorosho

nyumbani, nikajichora jina lake 'JORDANI' kwenye mkono

wangu kwa kutumia utovu wake. Nilimpenda sana Jordan

baada ya mama yangu. Sharti hilo ndio nililiona lingekuwa

gumu kuliko yote niliyopewa hapo Gamboshi. Nikiwa bado

Gamboshi kila mtu alipepesuka kwa ulevi wa furaha.

CHANZO:  https://deusdeditmahunda.blogspot.com/

Tulirudi lile eneo ambalo mimi na babu tulibadilishia nguo.

Nilizivua zile nguo abazo zilikuwa maalumu kwa ajili ya

shughuli ile ya kukabidhiwa mamlaka na nguvu, kisha

nikazivaa zile nilizokuja nazo. Babu akanieleza kitu cha

ajabu sana aliniambia

"Bella nimeitumikia Gamboshi kwa muda mrefu sasa.

Inabidi nilipe fadhila kwa kila jambo walilonifanyia nikiwa

duniani. Miaka yangu ya kuishi duniani ilishakwisha muda

mrefu sana, ila niliongezewa muda wa kuwakabidhi wewe,

urithi mamlaka yangu. Sasa ninatakiwa kuja kuishi huku

Gamboshi nikipewa nafasi nyingine baada ya wewe

kuikaimu nafasi yangu. Nitaishi huku Gamboshi mpaka

wakati wangu wa kuishi utakuwa umekwisha kabisa"

nilishangaa sana. Sikujuwa kama kumbe kuna miaka ya

kuishi duniani na miaka ya kuja kuishi huku Gamboshi.

Nilimuuliza babu hii inakuwaje. "sijaelewa kabisa" babu

alinieleza

"kwa sisi huku Gamboshi tunaishi miaka nusu kwa nusu

nikimaanisha kama duniani ulitakiwa kuishi miaka

themanini, utaishi arobaini duniani arobaini huku

Gamboshi. Kwa hivyo wakati mimi naanza kuhiji huku

Gamboshi nilipimwa na kugundulika nina miaka mia na

nne ya kuishi duniani" nilishituka, macho yakanitoka pima.

babu akaendelea

"hivyo ndio maana nimeishi miaka sitini duniani na

iliyobaki yote nitakuja kuishi huku Gamboshi"

hapo nikawa nimemuelewa babu. Tulipomaliza

kubadilisha nguo babu aliniambia kuwa nisimueleze mtu

yeyote, ila siku chache zijazo atalala usingizi wa milele

akiwa kitandani kwake. Hivyo nisishitushwe na hayo

yatakayotukia kwa sababu ni lazima yatukie.

Nilitamani kulia lakini alinieleza "mjukuu wangu mimi na

wewe tutakuwa tunaonana mara kwa mara hivyo

usiogope" nilijipa moyo kwa kutabasamu kinafki. Nilikuwa

nimeshamzoea Babu. Ubaya wake sikuuona tena na

nilimpenda sana. Nilihisi kuupenda uchawi zaidi kwa

kipindi hiko, ila kila nikifikiria kuila nyama ya mwanaume

nimpendaye, niliona ni jambo gumu sana kulitimiza. mimi

na babu tulitoka Gamboshi tukarudi katika ulimwengu wa

kawaida. Babu aliishi magomeni usalama mimi nilielekea

Sinza nyumbani nilipobakia mimi na Mzee Nyegezi baada

ya mama kufariki.

..........................

Nilijikuta nipo kitandani Mzee Nyegezi alikuwa

akiniamsha. Nilipiga ukunga mkubwa sana

"haiwezekaniiiiiiiii!!!" Mzee Nyegezi aliruka pembeni na

kuniacha. Niliendelea

"siwezi kumuua Jordani" nilipoamka kabisa niliuona

mshituko wa dhati wa Mzee Nyegezi.

aliniuliza "una tatizo gani" Nilinyamaza. Nilinyamaza kwa

kuwa nilikumbuka sharti nililopewa Gamboshi. "usiongee

na mtu yeyote mara kutapokucha baada ya kutoka hapa

gamboshi" sauti ya yule kiumbe aliyejitambulisha kama

Lucifer, ilijirudia kichwani mwangu. Mzee nyegezi

hakutoka hata nilipokuwa nimenyamaza muda wote.

Niliushika mdomo wangu wa uoga nikijiuliza kama, Mzee

nyegezi alisikia nilichoropoka, ama hakukitilia maanani.

"Bella una nini? Umeanza kupiga kelele muda mwingi

sana. Tangu usiku mimi sikulala kabisa" Aliposema hivyo

nilijiuliza, hivi mbona Gamboshi nilichukuwa muda mrefu

katika kila jambo lililotokea kule? sasa iweje Mzee

Nyegezi ahesabu kama ilikuwa ni siku moja tu?

nikajisahau nikamuuliza swali.

"kwani nimelala kwa muda gani?"

"sasa hivi ni saa tatu asubuhi na ulilala jana mapema

hata chakula cha usiku hukula"

nikakumbuka hapo hapo kuwa nimeshavunja sharti moja

wapo kati ya yale niliyopewa kule Gamboshi. Nililia sana

hata Mzee Nyegezi asijue nilikuwa nalilia nini. Nilimpiga

kikumbo mzee nyegezi na kuelekea chooni kunawa uso

huku nikiwa nalia. Chooni ndipo nilikutana na babun Babu

alikuwa akilia na yeye pia. Alilia machozi mfano wa damu.

Aliniuliza

CHANZO:  https://deusdeditmahunda.blogspot.com/

"ina maana mjukuu wangu yote niliyofanya kwako

yamekuwa ni bure kabisa?"

nilikabwa na kitu kooni hata nikashindwa kuongea nililia

kwa uchungu ambao sikuwahi kuupata tangu nijitambue.

Nilimuomba babu msamahan "nisamehe babu. Naomba

uniombee anisamehe mkuu wa Gamboshi" Babu alinivunja

moyo kabisa, aliniambia. "tazama jinsi Gamboshi

ilivyohuzunika, tazama kwa macho yako" kwa kuwa ukuta

wa choo chetu ulikuwa mweupe sana ikawa kama sinema

nilipotazama aliponioneshea kwa kidole. Ilikuwa ni taswira

ya Gamboshi.

Mkuu wa Gamboshi ambaye ni yule Lucifer, alikuwa

amekasirika sana. Babu alinionesha hadi kwenye makazi

yake alipokuwa akiishi yeye lucifer. Kutokana na hasira,

alikuwa akibadilika kila mnyama. Moto ulimtoka mdomoni

kwa hasira iliyomzidi na kushindwa kujizuia kupunguza

hasira zake. Hakika nikagundua nimefanya makosa

makubwa sana.

babu alinieleza "kuanzia sasa umepokonywa utawala na

wadhifa wako wote umevuliwa kutoka Gamboshi.

Hutakuwa na nguvu zozote, bali utakuwa na uwezo kama

wa mchawi yeyote yule." babu alinyamaza kisha

aliniangalia kwa huzuni. Mimi nilikuwa nalia sana, hata

macho yalifumba kwa machozi. babu aliendelea "sijajua

mkuu atakupa adhabu gani ila amekasirika sana sina cha

kukueleza" babu akatoweka kabla sijamueleza chochote.

siku hiyo nikawa nimeianza vibaya. Mzee Nyegezi

hakuthubtu kuniuliza kitu kingine niliporudi chumbani na

kupishana naye kibarazani. Alikuwa akinitazama tu,

alipokuwa akielekea nje. Nilipokuwa chumbani, nilikaa

kimtegomtego, nikimtegea babu nikidhani labda ningesikia

ujio wake. Upepo ungevuma, kama siyo radi ingepiga

baada ya mngurumo wa kutisha. Nilitamani kujua

chochote kutoka Gamboshi. Niliumia sana kuukosa

utawala niliokabidhiwa. Nikamuona mzee Nyegezi ni mtu

mbaya sana kwangu. Nikamchukia kwa kuniamsha

asubuhi na kunifanya nizungumze. Kuzungumza kule

kulinifanya nivunje sharti. Moyo uliniuma kila nilipofikiria

kuona kuwa sharti dogo nililodhani ningeliweza, kumbe

hilo ndio lilikuwa gumu sana kwangu. Niliutamani tena

ukuu na uwezo niliokabidhiwa kutoka katika kiti cha urithi

wa babu. Mawazo yakanisonga, mawazo yakanifanya hata

nisahau kufanya mambo mengine. Kwa sababu ya

mawazo, nilisahau hata kula wala kupika. Kwa sababu ya

mawazo, sikujua nilijilaza kwa muda gani hapo kitandani

kichwa changu kikielea juu ya kidimbwi kidogo cha

machozi. Kwa sababu ya mawazo, mawazo yakawa

mawazo, nikapitiwa tena na usingizi. Niliamka saa nne ya

usiku, tena si kwa kupenda ni Mzee Nyegezi ndiye alikuja

kuniamsha. Alipatwa na wasiwasi jinsi nilivyolala. Nililala

tangu jana mapema, lakini nilichelewa kuamka.

Aliponiamsha saa sita mchana nilimuacha chumbani na

niliporudi chumbani niliendelea kulala mpaka sasa.

alizungumza na mimi kwa upole "Bella kama unaumwa

sema. Kukaa kimya si vizuri" mimi sikumjibu kitu.

Nilimchukia sana Mzee Nyegezi. Nilimuona Mzee Nyegzi

hakuwa akinitakia mema. Alining'ang'ania kunibembeleza

mpaka nilipoamua kuzungumza. "siumwi nipo sawa"

nilimjibu kwa dharau sana. Lakini hakuweka ukali katika

sauti yake. "sasa kwanini unalala lala oyo? Jana umelala

saa moja jioni. Nimekuja kukuamsha leo saa sita mchana,

nashitushwa kukukuta umelala tena. Umekula nini leo?"

niliendelea kumjibu kwa dharau nikibetua midomo yangu

kama shangingi.

"ningesikia njaa ningeamka kupika" aliendelea "najua

unajisikia vibaya kutokana na kifo cha mama yako,

hakuna ambaye hajaguswa nacho. Tafadhali Bella usiwe

mnyonge kiasi hicho nipo hapa kwa ajili yako" alitoa noti

tano za elfu kumi na kunipatia baada ya kunibusu.

Nilimsonya na kujilaza tena kitandani.

nikiwa nimejilaza huko, kile ambacho nilikuwa nikikisubiri

tangu mchana nilikisikia kikinijia. Ilikuwa ni sauti ya

upepo mkali sana. Mngurumo mkubwa wa radi, ulisikika

CHANZO:  https://deusdeditmahunda.blogspot.com/

kila pande. Tetemeko la ardhi likatokea katika chumba

changu na kukipasua chumba changu katikati. Wakati

hayo yakitokea. Mlango wa chumba changu ukafunguliwa.

Alikuwa Mzee Nyegezi.

aliniambia "pipa halina maji hata kidogo, hakikisha

unayakinga haya ya mvua kisha urudi tena kulala" wakati

akiyaongea hayo, mimi nilikuwa nikipatazama pale

palipopasuka. Kulikuwa vile vile na moshi mzito ulikuwa

ukifuka kutoka katika shimo hilo. Nilikuwa nikimuangalia

Mzee Nyegezi, hakuonesha kama aliona kile ambacho

mimi nilikuwa nikitazama. Niljifanya kumskiliza kwa

makini na kumkubalia alichoniagiza.

Alipoondoka nilijiuliza. Nilijiuliza ina maana hakuona

kilichotokea chumbani kwangu? Chumba changu

kilipasuka na kuweka mfano wa bonde la ufa. Ndani yake

akatokea kiumbe aliyetisha sana. Nilianza kutetemeka

kwa uoga uliopitiliza. Kiumbe huyo alikuwa na uso wa

babu, Mzee Matonde. Babu alikuwa akilia machozi ya

damu. Sikujuwa machozi hayo yalikuwa yakimaanisha

nini. Mara kwa mara babu alikwa akilia hivyo. Alikuwa na

mwili wa mnyama. Babu alikuwa na mwili wa fisi, fisi

mwenye miguu mikubwa sana kama ya tembo. Fisi huyo

hakuwa wa kawaida. Alikuwa na mabawa kama ndege na

meno marefu kama ngiri. Shimoni alipotoka, kulikuwa

kukifuka moshi mzito sana. Moshi huo ulisindikizwa na

harufu kali ya uvundo. Joto la chumbani lilizidi na

kunifanya nihisi kama nipo karibu na moto mkali wa

jikoni. Nilivuja jasho japo sikujua lilikuwa ni jasho la

uwoga ama hili la joto kali.

Kiumbe kile kikapata sauti yake iliyotisha. "mjukuu

wangu" nikajuwa kuwa alikuwa ni babu

"kesho asubuhi utapata habari za msiba wangu. Lakini

hakikisha mwili wangu haufanyiwi maombi wala kuagwa

na watu wengi." nilishitushwa na habari hizo. Japo

nilikwishajua kiumbe yule ni babu, sikuwa na uhuru nafsini

mwangu. Alikuwa akitisha sana. Nilimuuliza

"kwanini hayo?" akaniambia "mimi nitakuwa sijafa ndiyo

sababu ya kukueleza ufanye hayo"

"sasa babu, mimi nitawezaje kuzuia watu wasiuage mwili

wako au wasiuombee?"

Aliniambia "nitakupa uwezo huo wa kuongea chochote

ukakubalika bila kupingwa kwa swali lolote" hiyo

iliniduwaza pia nilikubali bila kumpinga. Nilimuuliza babu

kwa kuropoka "babu"

alikuwa tayari anataka kuondoka, akasimama alipokuwa

akitaka kuingia shimoni alipotokea.

"Nataka kufahamu mkuu anasemaje?" akanijibu

"tutazungumza baada ya msiba wangu"

kisha babu alidumbukia shimoni humo. Mzee Nyegezi

alikuja tena chumbani kwangu

aliniuliza kwa ukali "bella umekuwa na tabia gani sasa

hivi?" nilishitushwa na swali hilo mara tu alipoingia.

"kwanini baba" akanijibu kwa hasira "si nilikueleza uamke

ukinge maji"

nilishangaa sana ile hali. Ni kweli mvua ilikuwa kubwa,

lakini cha kushangaza mara tu babu alipotoweka, mvua

ilikatika. Hata lile joto lililonivujisha jasho jingi, likapotea.

Nilimjibu baba

"si imeshakatika?" akaniamba "sasa nataka kesho uamke

mapema ukakinge kwa mama Tunnu" nilimkubalia na yeye

akaondoka. Nililala kwa usingizi wa mang'amung'amu.

..........

Hata asubuhi ilipofika, bado sikujuwa nililala saa ngapi.

Mzee Nyegezi, alikuja mbio chumbani kwangu "Bella

amka... we Bella.. bella" alikuwa amevaa singlendi na

bukta nyepesi. Niliogopa sana. Nilijifuta uso kutoa

tongotongo kwa kiganja cha mkono.

alikuwa ameshika simu "shangazi yako anataka kuongea

na wewe" Baba alikuwa na wasiwasi sana. Ila niliipokea

simu kutoka kwake na kuongea "shikamoo shangazi"

nilichokisikia kutoka upande wa pili, sikutamani kusikia

mara ya pili. Ilikuwa ni sauti ya shangazi akiwa analia.

Alikuwa analia huku akimtaja babu. Ndipo nilipomuuliza

CHANZO:  https://deusdeditmahunda.blogspot.com/

"shangazi kuna nini kwani? Babu kafanya nini?" kwa sauti

ya kilio alinijibu "babu yako amekufaaa Bella" shangazi

aliongea kwa huzuni sana "Bella babu yako Mzee Matonde

amekufa kiajabu mwanangu. Mzee Matonde kipenzi

chako. Kwanini sisi. Kwanini Bellaaaa"

simu iliniponyoka na kudondoka chini. Midomo yangu

ilianza kucheza shere kwa kugongona gongona ya juu

ikaipiga ya chini. Nikabubujikwa na machozi. Mzee

Nyegezi alikuwa akinitazama muda wote, sasa

alinisogelea. "pole Bella" aliniambia kwa sauti iliyopwaya.

mimi nililia sana, kwasababu babu Mzee Matonde hakufa.

Ukweli nilioufahamu kuhusu babu, uliniongezea

machungu. Hicho ndicho kilichoniumiza sana.

nikakumbuka babu alivyoniambia jana usiku "kesho

asubuhi utapokea habari za kifo changu. Hakikisha mwili

wangu hauombewi wala haugwi na watu wengi" ilinibidi

nifanye haraka kuelekea alipokuwa akiishi babu, si mbali

sana na nyumbani; Japo ilinilazimu kupanda gari kwanza.

Mzee Nyegezi naye alitoka chumbani na kwenda

kujiandaa aliniambia "nitaelekea kwanza ofisini, kisha

nitakuja baadaye msibani" nikajibu "sawa" nilizivua nguo

zangu nikajitundika taulo langu safi jeupe. Nikachukuwa

sabuni na kwenda kuchota maji kwenye jaba lililopo jikoni.

Nilipomaliza kujipimia maji niliyoona yanatosha, niliinua

ndoo yangu mswaki mdomoni na kuingia bafuni. Nilianza

kwanza kupiga mswaki. baada ya kumaliza kupiga

mswaki, nikalivua taulo langu na kuliweka pembeni.

Nikausahili mwili wangu kwenye kioo kilichopachikwa

ukutani. Hakika niliumbika. Ukubwa ulioanza

kuninyemelea ukanitunisha mapaja yangu na kuwa

mrembo haswa. Nikatabasamu kidogo kisha nikairudia

ndoo yangu ya maji. Nilichota kopo moja la maji ile

kujimwagia tu usoni, nilianza kuwashwa. Sikuanza

kichwani, kwasababu kama ujuavyo wanawake

kujimwagia maji kichwani kwetu ni sumu. Uso ulianza

kuwashwa sana, mara ukafuatia mwili mzima. Niliwashwa

kupitiliza kama nimejimwagia upupu. Nikawa najikuna

hapa, mara pale. Chini ya matiti yangu, mara mgongoni.

Kucha pekee hazikutosha. Nikajipeleka ukutani. Najikuna

lakini wapi. Muwasho ukazidi. Nikaendelea kuwashwa

zaidi. Muda wote huo sikushituka mapema kama nilikuwa

sioni kitu chochote. Sikujuwa kama macho yangu

yalikuwa yamefumba. Sikujuwa kama nilikuwa nikitembea

kwenye giza nene.



Chini ya matiti yangu, mara mgongoni.

Kucha pekee hazikutosha. Nikajipeleka ukutani. Najikuna

lakini wapi. Muwasho ukazidi. Nikaendelea kuwashwa

zaidi. Muda wote huo sikushituka mapema kama nilikuwa

sioni kitu chochote. Sikujuwa kama macho yangu

yalikuwa yamefumba. Sikujuwa kama nilikuwa nikitembea

kwenye giza nene.

"nimekuwa kipofu" nilijiuliza kwa uoga. nikapapasa

ukutani kwa shida na kulitwaa taulo langu. Nikajifunga

mpaka eneo la kifua na kulifanya liwe fupi kidogo. hapo

hapo nikausikia mguso wa mkono ukiugusa mgogo

wangu. Niliuputa ule mkono kwa uoga na kugundua

ulikuwa ni mkono wa mnyama. Mkono ulikuwa na

manyoya manyoya kila sehemu. Nilipiga kelele za kuomba

msaada "baba nakufaaa" sauti yangu haikufika popote

kumbe aikuwa ni babu. Nilimgundua ni yeye baada ya

kunitibu na kupata kuona tena. Alinitibu kwa kunishika

macho yangu huku akiongea maneno Fulani ambayo

sikuyaelewa kwa urahisi. Alikuwa akiyafikicha fikicha

baada ya kupaka mate kiganja chake. baada ya kufumbua

macho, niliona mwanga mkali sana. Kisha ukapotea. babu

aliniuliza. "umefanya nini?"

sikumuelewa babu alimaanisaha nini hivyo ilinibidi

nimuulize. "babu kuna nini?"

babu hakunijibu chochote. Aliniangalia kwa huzuni kisha

linionesha kwa kidole chake katika kioo. Ilikuwa ni taswira

ya Gamboshi. Hapa alinionesha ile siku ambayo nilikuwa

nikikabidhiwa mamlaka yake. Yule kiumbe wa ajabu

CHANZO:  https://deusdeditmahunda.blogspot.com/

alikuwa akinipa masharti ya kuyafuata.

"hakikisha maji hayagusi mwili wako, iwe ya mvua ama

ya bomba. Iwe hivyo kwa muda wa siku tatu" hapo

nikalijua kosa langu. Sikuongea chochote mbele ya babu.

Nilitazama chini kwa aibu. babu aliniuliza tena. "Bella

kama hukuwa tayari, kwanini ulikubali kupewa masharti

haya?" nililia "babu nisamehe" babu alinikatisha kwa sauti

ya ukali "nikusamehe? Nikusamehe vipi?" alikuwa

amekasirika sana. kadiri babu alivyokuwa amekasirika,

ndipo alikuwa akiongezeka urefu. Alikuwa mrefu.

Akaongezeka zaidi. Alikuwa mrefu kupitiliza hata unyayo

wa miguu yake tu, ndiyo iliyobaki bafuni. Vidole vyake

vikagusa bati na kulitoboa kabisa. Kisha alirudi kwa

nguvu za ajabu. Alikuwa akitoa moto alipokuwa akirudi

katika hali yake ya kawaida. Alikua kama yule muhusika

wa kwenye filamu ya ghost rider. akaniambia kwa sauti

iliyotetemeka "umeniuzi sana, umemuuzi mkuu. Siwezi

kusema nimekusamehe ikiwa sio mimi niliyekupa yale

masharti." hapo akaacha kuongea kwanza. Alikohoa,

akakohoa sana kama aliyepaliwa na chakula. Akaniambia

"acha niende. Nimekuja kukuponya upofu ulioupata ili

uende katika msiba wangu ukawaonye wasiuombee mwili

wangu" aliniangalia kwa huzuni kisha aliniambia "Bella

una kazi ngumu na adhabu kali mbele za mkuu" babu

alitoweka kisha akauacha moshi mzito sana bafuni.

Sikuoga tena Nilitoka bafuni na kurudi chumbani. Nilivaa

nguo za kawaida tu ndani kisha nilijitanda kanga mbili za

aina moja. Hatimaye nilitoka kulekea msibani. eneo la

msiba lilifurika watu wengi na kujaa simanzi nzito. Rafiki

zake babu walikuwepo ndugu na wengine ambao

sikuwafahamu, wote walikuwa wana huzuni kubwa. Ndugu

waliponiona walilia kwa sauti ya juu sana. Naweza

kusema kwa upande wa baba yangu mzazi, babu

alinipenda sana mimi kuliko hata watoto wake aliowazaa.

Alinipenda kuliko kitu chochote au mtu yeyote. Hakuna

mtu ambaye alikuwa hajui kwamba babu alikuwa

ananipenda kiasi kile. Tuliingia chumbani ilipo maiti ya

babu ikioshwa.

shangazi mkubwa aliyebaki, akasema "hajafa katika

mapenzi ya mungu. Hapa kuna jambo. Inabidi tumuite

mchungaji kabla hajazikwa" mimi niliogopa sana. Sauti ya

babu ikajirudi kichwani mwangu kama mwangwi.

"hakikisha mwili wangu hauombewi" Nikapata nguvu ya

kuzungumza "hapana shangazi. Huyu asiombewe wala

kuagwa ninaomba iwe hivyo"

sikuwa na hakika kama shangazi angekubali kile

nilichomueleza kwa sababu aliniangalia kwa jicho kali

sana kisha alisema. "Bella!?" alinishangaa kwa tuo. Mimi

macho yalinitoka nisijue nitafanya nini akaendelea.

"kwanini hutaki babu yako asiombewe, wala kuagwa?"

Nilijua ni lazima mtu yeyote angeuliza swali kama hilo.

Mtu yeyote mwenye akili timamu, angeniona kama

niliyeanza kurukwa na akili. Hivyo nikashikwa koo na

kigugumizi cha ghafla. Kigugumizi nisijue nitajibu nini? Si

shangazi pekee aliyeshangazwa na jambo hilo! Hata mimi

pia sikuelewa nilipoambiwa kwa mara ya kwanza. Mimi

pia nilijiuliza sana, kwanini mwili wa babu usiagwe wala

kuombewa?. "mimi sijafa katika mpango sahihi, Hivyo

katika kuagwa huko, kuna watu ambao wanaweza kutoa

siri kuwa mimi sijafa na sipo katika lile jeneza"

nikaikumbuka sauti ya babu. Nilichoambulia kukifahamu

kutoka kwa wachawi, yaani wanapoua mtu kabla siku

zake za kufa hazijafika, basi humchukuwa na kwenda

kumuhifadhi sehemu ambayo humtumikisha kazi nyingi

sana. Kama vile kulima shamba kubwa sana, ambalo

huchosha hata kikundi Kikubwa cha watu lakini msukule

mmoja hulima ndani ya dakika chache. Hubeba mizigo ya

wachawi au kwenda kuleta damu, baada ya kusababisha

ajali katika barabara kuu iendayo mikoani. Na pale katika

jeneza wanaweka mgomba ambao humuwakilisha yule

mtu ambaye amechukuliwa msukule. Watu ambao

hawana uwezo wa kichawi hawawezi kugundua kama ule

ni mgomba. Bali mchawi pekee au mwenye nguvu kweli

CHANZO:  https://deusdeditmahunda.blogspot.com/

za kimungu. Wazazi ndugu jamaa na marafiki zake

marehemu, Wanaweza hata kulia kwa kumshika mshika

kwa huzuni, lakini wasione tofauti yeyote na mwili wa

kawaida. Ila kwa babu hakuwa msukule. Babu alikufa ili

kwenda kuitumikia Gamboshi baada ya mkataba

walioafikiana kutimia. Hivyo alikuwa analipa fadhila.

Fadhila ya kipumbavu, fadhila ya kijinga, fadhila ya

kishenzi kutoa uhai wako kwenda kuishi katika mji wa

kichawi Gamboshi.

Nilipokuwa katika kuwaza nisijue nini nimjibu shangazi.

Ghafla mbele yangu nilimuona babu. Babu alikuwa

akitabasamu. Aliniambia "usijali nitakusaidia" Kisha

alipotea.

nilimgeukia shangazi mara baada ya tukio hilo la

kushitukiza. Nikataka nimjibu, akaniambia huku

akitabasamu. "Bella umeanza kuwa na akili sana

mwanangu" alinishika shika kichwani na kutabasamu kwa

raha. Nilijiuliza shangazi alikuwa akimaanisha nini?

Nilibaki katika bumbuwazi ya ajabu, nisijue nini shangazi

alimaanisha. Aliendelea "basi nitapinga mwili wa babu

yako usiagwe wala kuombewa, ila ni ngumu sana

kueleweka kwa watu timamu"

nilishangaa sana. Kukubali huko kwa shangazi. Lilikuwa ni

jambo la haraka, wakati mimi sikujibu chochote!

Kulinifanya nijiulize maswali mengi. 'babu alitumia kinywa

changu kumjibu shangazi, bila mimi kufahamu? Alimfunga

akili shangazi hata asikumbuke kuwa hilo ni jambo la

kushangaza? Mwili usiagwe wala kuombewa? Ni ajabu na

inayoshangaza?'

mshituko wangu haukuwa na madhara yoyote kwa

shangazi. Hakuniuliza jambo lolote, tukatoka chumba cha

kuoshea maiti ya babu. Ndugu waliokuwa wakisubiriwa

kutoka katika kila pande ya visiwa vya ukerewe. Visiwa

ambavyo babu ndipo alipozaliwa, walikwishafika baada ya

siku tano za msiba baadaye. Shangazi aliwaeleza

nilichomueleza. "naona ni vyema tukamsikiliza kama

alivyosema" nilishangazwa na kaka zake babu,

walivyounga mkono hilo jambo. Ila mmoja aliweka

pingamizi. Hapo ndipo palinigusa, nikataka nifahamu. "ila

nyinyi jamani mbona tunataka tuishangaze jamii?"

alikuwa ni shangazi aliyemfuata yule niliyekutana naye

kule Gamboshi, kuzaliwa. Ndugu wa baba niliwafahamu

kutokana na babu kunitambulisha kwa sauti ya kawaida

bila mtu yeyote kusikia. Babu alikuwa eneo hilo la msiba

bila mtu yeyote kumuona. "wewe dada Suzi embu

nyamaza. Wewe ufahamu kuwa Bella ndiye mrithi wa

mizimu ya ukoo wetu?" nilipigwa na butwaa. Hata hawa

walifahamu kuwa mimi tayari nimekwisha zuru

Gamboshi? Yule aliyemnyamazisha shangazi Suzi,

alinigeukia na kuniambia. "mwanangu sawa tumekuelewa.

Usijali kuhusu hilo, tutafuata kila ulichotuelekeza." kikao

cha familia kikavunjwa baada ya lile nililoliongea

kupitishwa bila kupingwa zaidi. Msiba ulienda kimipango

bila kuvunjika hata moja. Babu akazikwa katika makaburi

ya kigogo mburahati.

.........................................

Baada ya msiba, ndugu wa baba ambao hatukuwahi

kuonana kabisa walijitambulisha kwangu na mimi kwao.

Wengi walipendezwa sana kuniona na mimi sikuzificha

hisia zangu kuwa pamoja nao. Nilifurahi sana. Shughuli

nyingine zikaendelea. Siku moja mimi na baba mkubwa

Christopha tulikuwa nje ya nyumba chini ya mti wa

mchikichi tukizungumza.

Baba mkubwa aliniuliza "sasa Bella ilikuwaje ukavunja

masharti?" kikohozi kikavu kikanipitia. Nilikohoa sana

kabla sijamjibu lolote, aliniambia tena."unafahamu sababu

ya kifo cha babu yako?" nilimjibu kwa wasiwasi. Hii

ilitokana na kudhani kuwa huenda kuwa sababu ya kifo

chake ilikuwa ni siri yangu pekee yangu. Nilimwambia

"hapana sifahamu baba" nilinyamaza kidogo kumeza

mate kisha niliongeza "ninachofahamu ni kifo cha ugonjwa

wa ghafla tu. Nadhani inaweza ikawa ni uzee?" nilijitia

kuuliza swali ili nimchimbe alichotaka kunieleza.

CHANZO:  https://deusdeditmahunda.blogspot.com/

aliniamba yote yaliyohusu kifo cha babu yangu. "babu

yako amejitoa kafara baada ya wewe kushindwa

masharti. Kifo chake kimesababishwa na wewe.

Hakustahili kufa, ila wewe" mshangao ulikuwa wazi katika

macho yangu na uso wangu. Midomo yangu ilitetemeka

sana kwa uoga. Nikamuuliza. "nahisi sijakuelewa baba?"

alitabasamu kwa kejeli na kuniambia "ulipopewa masharti

yale matatu na ukashindwa kutimiza, babu yako

aliambiwa kuwa baada ya siku tatu ungekufa, ungekufa

kinyama. Ndipo alipobatilisha adhabu hiyo na kuongea na

mkuu wake na kuomba adhabu hiyo apewe yeye." bado

nilikuwa nikishangaa nisijue chochote anachonieleza kati

ya hivyo. Nilikuwa gizani, hata babu alinificha. Sikujua

sababu ya babu kunificha jambo kama hilo.

baba mkubwa alinieleza jambo lingine "umewahi kujiuliza

kwanini babu yako hutoka machozi ya damu kila

alipokuwa akikutokea?" macho yangu yakapata nuru ya

ajabu na kuwa na shahuku ya kutaka kujua sababu.

Jambo hilo la machozi ya damu lilinichanganya sana.

Nilijibu kwa shahuku ili nifahamu ilikuwa inasababishwa

na nini. "hapana sifahamu. kwanini alikuwa anatoa

machozi ya damu?" akaniambia "inatokana na..."

ghafla sauti yake ikaishia mdomoni kwake. Nadhani hata

masikio yake mwenyewe hayakuisikia sauti yake vyema.

Hili likanishangaza. Nikamuuliza "baba una nini?"

macho yalinitoka kwa uoga. Yeye alikuwa akijitahidi

kupiga kelele lakini sauti haikutoka. Nilitoa mbio

tulipokuwa tumekaa na kwenda kuwaita ndugu zetu

wengine. Walipofika tulipokuwa tumekaa, baba mkubwa

hakuwepo. Nilishituka sana. Shangazi Suzi aliniuliza

"we Bella! Yuko wapi sasa?" kwa kuwa bado sikuelewa

kilichotokea, niliwaeleza kwa kunyoosha kidole. Mara

nikaipata sauti yangu "alikuu..wa alikuwa hapa jamani"

kila mtu alikuwa katika hali ya kutaharuki asijue nini

kimetokea. "kwani mlikuwa mnazungumza nini na nini

kilitokea" Shangazi Suzi aliniuliza "tulikuwa tumekaa hapa

na yeye alikuwa ananieleza sababu ya kifo cha babu"

kabla sijamaliza kuongea, sauti ya babu ikasikika

masikioni mwangu. "usimueleze yeyote kuhusu ulilosikia"

nilipokuwa nikiitafakari ile sauti. Yule shangazi mkubwa,

aliniuliza "bella una nini? Mbona umenyamaza" Nilimjibu

yule shangazi "alikuwa akinieleza jinsi ambavyo babu

alikuwa akinipenda sana. Alinieleza ambavyo baba yangu

mzazi alikuwa ni mtu wa watu na kifo chake kilisikitisha

wengi"

Ilibidi nidanganye. wengine walifahamu hila zangu na

kuondoka nilipo. Mimi mahali pale nikabaki nikiwa na

shangazi mkubwa na Suzi, wakinidadisi hili na lile. Macho

yangu muda mwingi yalikuwa yakiangalia juu ya mchikichi

huenda angekuwa amebebwa na babu, lakini hakuepo.

Nikatazama njia ielekeayo barabarani labda nilidhani

angekuwa akija, napo kukawa patupu. Wote tukaingia

ndani kwa kuwa tayari ilikuwa jioni. tukiwa tunasimuliana

hadithi mbalimbali, tulishituswa na sauti ya uoga aliyoitoa

shangazi Suzi. Shangazi alikuwa ameenda chooni. Hivyo

alitoka mbio mpaka sebuleni tulipo sisi. Alikuwa na jasho

jingi usoni na uoga uliujaza uso wake. "kuna nini?" baba

mdogo Joseph, alimuliza shangazi. Shangazi alikuwa

ametoka chooni, chupi ikiwa chini, sketi akiwa

ameishusha kama kawaida, macho kayatoa pima. Bila

shaka yale maji maji niliyoyaona yakichuruzika miguuni,

ulikuwa ni mkojo uliomtoka ghafla. Wachache tukamcheka

kwa kuwa shangazi huyu, ndiye alionekana kuwa mtundu

katika familia yote ya watoto wa Babu. "nimekutana na

James chooni" alizungumza macho kayatoa isivyo

kawaida. Alikuwa akituangalia sisi kisha akigeuka

akiitazama njia ielekeayo choooni. Wote kwa pamoja

tukaanza kushituka na kukaa kwa uoga. Wachache

tulisimama kama tulikuwa na ujasiri wa kuelekea chooni

vile.

shangazi mkubwa akauvunja ukimya "chooni?" ghafla

kicheko cha baba mkubwa James, kikasikika kikija eneo la

sebuleni. Nilimshuhudia shangazi Suzi akitaka kukimbia,

CHANZO:  https://deusdeditmahunda.blogspot.com/

lakini kukawa hakuna njia zaidi ya kuelekea popote. Hivyo

akawa akiwasukuma ndugu wengine. Alikuwa baba

mkubwa James mwenyewe. Alikuwa kama vile ambavyo

nilikuwa naye mchana. Alikuwa akitabasamu kama

hakuna lolote lilitokea. Alinitazama kwa furaha na

kuwaangalia wengine zamu kwa zamu. Kila mtu

alishangaa kwa kujiuliza maswali kadha wa kadha.

Maswali ambayo yalijionesha dhahiri juu ya nyuso zao.

Hakuna ambaye alipata ujasiri wa kumsogelea wala

kuongea naye chochote. Ni mimi peke yangu nilitoka

nyuma ya shangazi yule mkubwa na kumfuata baba

mkubwa Nilimuuliza. "baba mkubwa" kabla sijaendelea

kuongea chochote, aliniziba mdomo na kuniambia

ninyamaze. Alikuwa akitabasamu, hakika alitabasamu kwa

furaha. Baba mkubwa, alizungumza sasa "kwanini

mnaniogopa sasa?" nilimsikia yule shangazi mkubwa

akicheka. Naye alitoka alipo na kumsogelea baba

mkubwa. Alimuuliza "hivi wewe James" hawa walipishana

kuzaliwa. Alianza Shangazi kisha Baba mkubwa james.

shangazi akaendelea "huoni hata mdogo wako ametoka

na chupi chooni kwa uoga?" alikuwa akimuoneshea

Shangazi Suzi. Kwa kweli hakuna ambaye alijizuia

kucheka siku hiyo. Tena walicheka kwa nguvu hata

shangazi akaona aibu. Nadhani hata yeye mwenyewe

hakujijua kuwa chupi ipo chini. Aliivaa haraka haraka

kisha shangazi mkubwa aliendelea "ulikuwa wapi?" baba

mkubwa James akacheka, kisha alisema. "nilikuwa

chooni, kwani nimetokea wapi?" nikauliza ghafla

"umewazaje kuongea tena? Kila mtu akashangaa

"kuongea?"walinyamaza kwa pamoja. Nilipowatazama,

shangazi Suzi aliuliza "kwani alikuwa haongei huyu?"

baba mkubwa James alinishika mkono wangu kisha

alinibinya binya ninyamaze kuongea na kuwaeleza "wakati

nipo na Bella pale chini ya mti nilikabwa na tunda ambalo

nilimeza mbegu zake, sasa ndipo alipokuja kuwaita ninyi

na mimi nikawa nimetoka kuelekea chooni" kila mtu

alicheka kwa kuudhika. Shangazi mkubwa akasema.

"wewe James usitufanye sisi wajinga. Ni masaa mawili

yamepita sasa, tangu wakati ambao hujaonekana. chooni

kote tumekutafuta, mpaka chini ya uvungu hukuonekana.

Sasa huko chooni ulienda choo kipi" shangazi aliuliza kwa

ukali kidogo.



 Nilipowatazama,

shangazi Suzi aliuliza "kwani alikuwa haongei huyu?"

baba mkubwa James alinishika mkono wangu kisha

alinibinya binya ninyamaze kuongea na kuwaeleza "wakati

nipo na Bella pale chini ya mti nilikabwa na tunda ambalo

nilimeza mbegu zake, sasa ndipo alipokuja kuwaita ninyi

na mimi nikawa nimetoka kuelekea chooni" kila mtu

alicheka kwa kuudhika. Shangazi mkubwa akasema.

"wewe James usitufanye sisi wajinga. Ni masaa mawili

yamepita sasa, tangu wakati ambao hujaonekana. chooni

kote tumekutafuta, mpaka chini ya uvungu hukuonekana.

Sasa huko chooni ulienda choo kipi" shangazi aliuliza kwa

ukali kidogo. Baba mkubwa james bado aliendelea

kucheka na kusema. "ili hali nimeshaoonekana hakuna

sababu ya kuniuliza maswali yasiyo na msingi acheni

nipumzike" aliondoka na kuelekea nje. Alikaa kibarazani

katika kiti kile cha kunesa nesa. Kilikuwa ni kiti cha babu

CHANZO:  https://deusdeditmahunda.blogspot.com/

Alinesa kuelekea nyuma kisha alirudi mbele. Alikuwa

ameshaichomoa sigara yake na kuipachika mdomoni.

Alikuwa akiuvuta moshi wake taratibu na kuwa katikati ya

tafakuri nzito. Alikuwa akitazama mawingu na nyota

chache zilizojitutumua angani. Nilimnyatia taratibu mpaka

alipo na kukaa mbele yake. Nilimuuliza. "Unaweza

kunieleza kilichotokea?" alikisimamisha kile kiti kwa

kushusha miguu yake chini na kunishangaa "umefika saa

ngapi hapa?" sikutaka nicheke ndio maana nilicheka kwa

hasira. "sasa baba mkubwa hukutaka niwepo hapa? Au

kuna mtu ulikuwa naye" nilimuuliza nikiwa naangalia huku

na huko kana kwamba nilikuwa nikimtafuta mtu ama kitu.

"hapana Bella sijasikia hata ukija hapa nilipo. Nilikuwa

mbali sana kimawazo" nilimuuliza "huko mbali nataka

nipafahamu baada ya kuniambia ulikuwa wapi baada ya

kupotea pale mtini?" baba mkubwa alicheka na kutingisha

kichwa. Aliniambia

"una msimamo kama baba yako" nilitabasamu tena kwa

kukereka. Nilifahamu baba mkubwa hakuwa tayari

kuzungumza lakini nilikuwa na shahuku pia ya kujua wapi

alipokuwa na walimfanya nini mpaka alishindwa

kuzungumza "baba mkubwa, tulikuwa wawili tu mimi na

wewe. Ulishindwa kuongea nikikuona na si tunda kama

ulivyodanganya. Ukapotea katika mazingira ya

kutatanisha." nilinyamaza kuyaruhusu maneno hayo

niliyoyazungumza yamuingie vizuri. Nilifanikiwa kwa kuwa

nilimuona akitaka kunieleza yote yaliyomkuta. Aliizima

sigara yake huku akinisikiliza kwa umakini. "naomba

unieleze ilikuwaje sikukuta pale na ulienda wapi?"

alinieleza "mwanangu, babu yako hakupendezwa na mimi

kukueleza yale yote niliyokueleza na kuniambia kuwa

endapo nikikueleza pia sitochukuwa muda mrefu nitakufa"

Niliuliza kwa mshangao "utakufa" akanijibu "ndiyo,

nitakufa tena katika kifo cha utatanishi kama nilivyopotea"

alinieleza yote sasa, kama vile hakuogopa kifo

alichoahidiwa.

"babu yako ndiye alinifunga mdomo nisikueleze kuwa kwa

nini huwa analia machozi ya damu. Machozi yale Bella

humaanisha umwagikaji wa damu au kufa kwa mtu ama

watu wengi. Lile hutokea pia kama kuna kitu ambacho

hakipo sawa katika uwezo wake machozi yake ya damu

humaanisha uangamivu" mimi moyo ulikuwa ukinienda

mbio sana. Jasho likanitoka taratibu kana kamba

kulikuwa kuna joto, kumbe wala. Baridi lilipuliza vizuri tu.

Wakati nikiendelea kumsikiliza baba mkubwa. Ghafla

nilimuona akikohoa. Alikohoa sana. Damu zikawa

zinamtoka mdomoni kila akikohoa. Nilipiga kelele za

kuwaita shangazi na baba wadogo. Baba mkubwa James

aliniambia "mwanangu nakufa, nakufa kwa ajili yako"

wakati akiyasema hayo shangazi Suzi alikuwa akisikia

yote. Alikuwa ameshafika na kuniona nikiwa nimemshika

baba mkubwa kichwa. Aliropoka "mchawi mkubwa wewe.

Mchawi kama baba yako. Umemuua kaka yangu?"

nilishituka sana hilo alilolisema shangazi. Nilishindwa cha

kusema kwa kuwa kila mtu alikuwa tayari ameshafika na

kuniona nikiwa nimekishika kichwa cha baba mkubwa,

damu zikimtoka mdomoni. Yule shangazi Suzi alinisogela

akanipiga kikumbo kikubwa pale nilipokuwa nimekaa,

nikiwa nimemshika baba mkubwa, James. Nilianguka

upande wa pili, nikiwatazama wale wengine. Baba

wakubwa kwa wadogo walinitazama kwa hasira na yule

shangazi mkubwa alikuwa akilia. "mkosi gani huu jamani

katika familia yetu?, Dah!" shangazi mkubwa alisema.

mimi machozi yalinitoka nisijue nijitetee vipi. Yule

shangazi mkubwa aliniambia neno lliloniumiza sana nafsi

yangu. "nyamaza mnafki mkubwa wewe, unalia nini

CHANZO:  https://deusdeditmahunda.blogspot.com/

wakati umemuua baba yako? Tena ondoka hapa

nyumbani hatukutaki tena usije ukatuua na sisi mchawi

mkubwa wewe"

linibidi niondoke nikiwa bado siamini kilichotokea. Ilikuwa

ni saa tano ya usiku nikiwa naelekea nyumbani peke

yangu kutokea Magomeni kwa babu ulipokuwa msiba.

Sasa kukawa na msiba wa pili wa mjomba wangu. Nikiwa

katika kukatiza kichochoro hiki na kile, niliwaona vijana

wakija nilipokuwa nikielekea. Walikuwa wanakuja kwa

mbele yangu. Walikuwa vijana sita niliwahesabu kwa

msaada wa mwanga wa mbalamwezi. Nilijipa ujasiri kuwa

wasingeweza kunifanya chochote. Niliendelea kutembea

kwa mwendo wa kawaida lakini nilikuwa nikitetemeka

sana. Ulkuwa ni usiku na nilikuwa ni msichana, ikawa

hatari zaidi. "vibaka!" Ilikuwa ni sauti ambayo

ilizungumza ndani ya fikra zangu. Walikuwa hawana sura

za kuwaamini hata kidogo. Nilipowasogelea, mmoja

alinitolea tabasamu la kejeli. Wanne wakanipita wawili

wakasimama mbele yangu. "we binti unaenda wapi?"

waliuliza huku wakicheka kibabe. Mimi nilikuwa naogopa

sana hivyo hata sauti yangu ilikuwa ni ya chini. "naenda

nyumbani" mmoja alinicheka kwa nguvu huku akiyashika

matiti yangu.

"nyumbani? umetoka kwa bwana wako huku?" Huyu

akadakia "da! ana kifua kizuri aisee! moyo umenienda

mbio sana" mimi nikamputa mkono yule aliyekuwa

akinishika matiti yangu. Nikaponyokwa na sonyo.

Nikaropoka "sitaki bwanaa!" walicheka kwa pamoja na

wale wengine wanne waliokuwa wamenipita, walirudi pale

tulipo na wale wenzao. Kuna sauti iliyonijia kichwani

haraka "Bella kimbia" nilipopata upenyo nikawachomoka

wale wawili, katikati yao. Nilikimbia kwa kasi ya ajabu.

Kabla hata sijafika, mbali walinikamata. Ilikuwa ni kabla

sijafika kituoni, walikuwa wote sita kwa pamoja. "tena

afadhali umejisogeza mwenyewe huku kwenye giza"

alisema yule mmoja aliyeanza kuniongelesha. Niliwaomba

wasinifanye chochote kibaya, lakini hawakunisikiliza wala

hawakuwa na muda huo. Mmoja wao alinipiga mtama

nikaisalimia ardhi iliyojaa michanga, mawe na vitu

vingine. Walinivutia kwenye kijichaka kidogo ilichopo eneo

hilo. Nikapata wazo la kupiga kelele. Hapo hapo nikapiga

yowe la nguvu. "wananibakaa!!!" yule ambaye tayari

alikuwa akiishughulikia sketi yangu, akanipiga ngumi ya

uso. Maumivu ya ngumi ile, nikayasikilizia kwenye pua na

mdomo wangu. Nikahisi maji maji mazito yakishuka

kutoka katika pua zangu. Nilipojipangusa nikafahamu

"damu" mmoja akasema "na bado ukituzingua tunakuua

nani anatufahamu" "fanyeni faster" ilinibidi niwe mpole

kwa kuwa tayari walikwisha nitolea, visu pamoja na sime

zao walizozihifadhi viunoni mwao. Alianza yule aliyenipiga

ngumi. Alinibaka alivyotaka mpaka alipochoka hakutumia

zana yeyote. Aliingia wa pili, wa tatu mpaka wa nne.

Kutokana na maumivu niliyokuwa nikiyapata, nilizimia.

niliamka baada ya muda kadhaa mbele. Ulikuwa ni usiku

mkubwa sana. Nilikuwa nimechafuka kupita kiasi. Damu

zilikuwa zikinioka sehemu zangu za siri. Nilipotaka

kunyanyuka, nilishindwa kutokana na maumivu. Nilipiga

kelele za kuomba msaada.

"nisaidieni jamani!" nashukuru mungu kuna kaka mmoja

alikuwa ametoka kuchoma maindi barabarani, alikuwa

akipita karibu na eneo hilo. Alikuja mbio. "kuna nini dada?

Kuna nini?"

mimi nilikuwa nikilia nikisikilizia maumivu katika kiuno

changu. "wamenibaka kaka yangu naomba unipeleke

hospitali sina nguvu" yule kaka alinisaidia kuninyanyua

"inabidi twende kwanza polisi kupata pf3 halafu Rb kisha

ndio twende hopitali" kwa kuwa kituo cha polisi cha

CHANZO:  https://deusdeditmahunda.blogspot.com/

magomeni hakikuwa mbali, alinikokota kwa miguu mpaka

hapo. Damu zilikuwa zimekuka ila nilikuwa nikisikia

maumivu makali sana. Sikutamani kuendelea kukaa japo

dakika nyingine nyingi zaidi hapo polisi. Waliniuliza

maswali kadhaa nikayajibu kama ilivyokuwa na kuwaeleza

walikuwa ni wangapi kisha tuliruhusiwa twende hospitali.

Yule kijana aliita taksi iliyo nje ya kituo hicho "tupeleke

mwananyamala" dereva taksi alijibu "elfu kumi na tano".

yule kijana aliniingiza ndani ya gari bila kuzungumza naye

chochote. Taksi ilikuwa ikienda kwa mwendo wa kawaida

kwa kuwa usiku ule hakukuwa na magari mengi

barabarani. "kwani sasa hivi saa ngapi?" niliuliza huku

nikigugumia kwa maumivu. Yule kijana alinijibu "Saa nane

usiku sasa hivi" niliendelea kulia kutokana na maumivu

niliyoyapata. Hatimaye tuliingia katika hospitali ya

mwananyamala. Kutokana na uchovu wa hospitali hii,

sikupata msaada wowote wa haraka. Ilikuwa ni yule

kijana ndiye aliyenisaidia mpaka katika chumba cha

daktari alinikokota hivyo hivyo huku aipishana na

wauguzi.

"dokta nina mgonjwa wangu" dokta alikuwa akiniangalia

katika hali ya ukinyaa akauliza "usiku huu imekuwaje tena

na damu hizo mapajani" mi sikujali nikajitupa katika

kitanda kilicho karibu na kiti alichokaa daktari. Yule kaka

akampatia pf3 tuliyo tuliyoandikiwa kule polisi na daktari

kumwambia atoke nje ili aweze kunihudumia. Yule kijana

alitoka nje akiwa ananiambia "usiwe na wasiwasi dada

nipo hapa nje" nilijihisi faraja sana. Yule dakatari alirudi

pale nipo baada ya kuufunga mlango na kuanza kunisaili

kwa maswali. "kumbe yule ni kaka yako?" nikajibu

"hapana ni msamari mwema tu" akaniambia nipanue

miguu. Kutokana na maumivu na hali niliyo nayo

unadhani ningebisha? Basi ndivyo nilivyofanya mwenzenu.

Akiwa anatazama sehemu zangu za siri na msaada wa

tochi yenye mwanga mkali akaniuliza "ulipatwa na nini?"

nikajibu "nimebakwa. Nimebakwa na vijana sita mpaka

nikapoteza fahamu" nilimsikia daktari akisikitika.

Alisimama na kunieleza "hali ya huku chini si nzuri hata

kidogo" nilishituka sana macho yakanitoka, daktari

alikohoa kisha akaniambia

"inaelekea baada ya kukufanyia huu mchezo walikuingiza

vitu vyenye ncha kali na kukutoboa vibaya hivyo

umechanika sana sehemu hizi na pia kizazi chako sina

hakika kama hakijaharibika" alinitazama akiniangalia

akiwa amenishika begani huku akinipiga piga kwa liwazo.

Nililia sana haikuwa habari njema hata kidogo kwangu

kwa wakati huo. Nilisikia uchungu mkubwa sana. Mimi ni

msichana wa miaka kumi na nane tu duniani leo

ninakikosa kizazi changu jamani? Kwanini mimi? Nilijikuta

nikiropoka "dokta kwa hiyo sitozaa?"

dokta alitabasamu kunipooza alielewa machungu na

huzuni niliyojisikia baada ya kupewa taarifa ile. Alinieleza

"hii ni kwa uchunguzi wa macho binti, sijawa na hakika

kama ni kweli au lah lakini kesi kama hizi mara nyingi

matokeo yake ni hayo" nikawa nalia "sasa dokta

utanisaidiaje mwenzio mimi jamani?" nilikuwa nikilia kwa

uoga na uchungu. Niliwachukia wale vijana na kuwaona ni

watu waliotumwa kuaribu maisha yangu na ndoto zangu.

Dokta akaniambia "tutakupeleka sasa sehemu ya

kukufanyia uchunguzi zaidi na kama upo sawa

tutakusafisha tu na kukushona pale ulipochanika" niliitikia

kumuonesha kuwa nimemuelewa. Nilijikokota kutoka

kitandani kisha mimi na daktari tulitoka katika chumba

hicho na kwenda katika chumba cha upasuaji. Nilimkuta

yule kijana amekaa kwenye benchi la mapokezi.

Alipotuona, alisimama "vipi daktari?" akajibiwa "tulia

endelea kusubiri"

CHANZO:  https://deusdeditmahunda.blogspot.com/

yule kijana aliendelea kukaa pale akisubiri. Daktari aliingia

chumba fulani na kuwaita wauguzi watatu. "nawahitaji

chumba cha upasuaji" nilipofika niliambiwa nilale kama

nilivyolala kule kwa daktari chumba cha mwanzo. Wale

wauguzi walioitwa waliingia na visu mikasi pamba na

madawa madawa. Niliogopa sana. Hali ya hospitali

ilitisha sana. Wale wauguzi walivaa gloves na kuanza kazi

yao wa kuchunguza kizazi changu pamoja na daktari.

Mimi nilichomwa sindano ya ganzi hivyo sikujua nini

kilikuwa kikiendelea huko chini. Zilipotea zaidi ya dakika

arobaini na tano kisha daktari aliibuka na kunieleza "pole

sana kizazi kilikuwa kimesogea ila sasa kipo sawa na pia

tumelazimika kukushona kutokana na ulichanika kwenye

mashavu na pia tutakuapa dawa kwa ajili ya kusafisha

uchafu wote ulioingiziwa japo mara kwa mara tumbo

litakuwa likikusumbua hiyo hali isikutie hofu"

nikajibu kwa kukunyekea "nashukuru sana dokta" yule

daktari alitabasamu tu kisha alinieleza "unapaswa upate

muda wa kupumzika labda kama ni ruhusu utapata

kesho. Leo kuna dripu utatundukiwa kwa ajili ya

kuongezewa damu iliyopotea" nikamuuliza "kwani

mmeshanifanyia vipimo vya damu yangu" "hiyo ndiyo kazi

yetu tumekupima ukimwi upo sawa tumekupima pia na

group yako tumefahamu kuwa wewe ni group AB huna

tatizo hivyo utapata damu hiyo sasa" nikauliza kwa

kudadisi "kwanini labda nisingepewa dawa za kuongeza

damu au nile nini na nini niongeze damu?" akaniibu

kiufasaha "wewe damu yako imepotea kwa wingi saa ndio

maana unajisikia hivyo unavyojisikia hata sisi hatuna

damu ya kutosha ila tunalazimika kuigawa kwa watu

waliopoteza wingi wa damu kama wewe"

moyo wangu ulifarijika sasa. Kitanda changu

kikasukumwa mpaka kwenye wodi nyingine ambapo huko

nilipewa kitanda na kutundukiwa dripu iliyokuwa ikiingia

taratibu katika mishipa yangu

CHANZO:  https://deusdeditmahunda.blogspot.com/



ITAENDELEA